大家係點刨馬 ???
大家係點刨馬呢 ???
一個勁抽象而又很主觀的問題 ....
有人會以操練為主導. 但乜野叫做好, 乜野叫做唔好 ?
單跳, 拍跳, 快跳, 慢踱, 大閘細閘, 游水期, 助手操, 副練操, 練馬師操, 騎師操, 還聽聞有甚麼秒數 ... 似乎個個練馬師都有不同的一套.
有人會以狀態為主導. 但乜野叫做好, 乜野叫做唔好 ?
睇耳, 睇頸, 睇肚, 睇腳, 睇肌肉, 睇馬尾, 睇步幅, 睇流汗 ... 應有盡有.
有人會以實力為主導. 但乜野叫做好, 乜野叫做唔好 ?
計時間, 計對手, 計段速, 計末段, 計速勢, 計評分 ... 無所不用奇技.
有人會以形勢為主導. 但乜野叫做好, 乜野叫做唔好 ?
田草谷草 A, A+3, B, B+2, C, C+3 欄, 泥地, 快中慢步速, 長中短途 ... 邊個係黃金位, 邊個係死位.
有人會以飛數為主導. 但乜野叫做有, 乜野叫做無飛 ?
隔夜飛, 早飛, 大戶飛, 過關飛, 閘前倒水飛, 孖寶飛 ... 各個彩池變幻莫測.
有人會以數據為主導. 但乜野較可信, 乜野不太可信 ?
騎練合作, 人馬合作, 檔位, 顏色, 彩衣, 奇門術數 ... 多到你唔信.
有人會以血統為主導. 但乜野叫做好, 乜野叫做唔好 ?
甚麼同祖父同祖母, 或同父同母, 又或同線同兄弟 ... 外父外母姨媽姑姐.
有人會以貼士為主導. 但那些是好料, 那些才是流料 ?
"三甲必入", "追數精選", "我賭十萬位置", "無 Place 我切" ... 賽後相信 10 架潛水艇都裝唔哂.
仲有無補充 ?
有些朋友會綜合上述 3 - 4 種作為投注藍本, 包括我自己, 又或者會寫成程式, 計算各個投注及值搏組合.
你又以乜野為主導呢 ? 有否衡量過自己所訂立 "好與不好" 或 "可信與不信" 的準則是否足夠客觀, 還是超級主觀 ?
