DrHorse

求學時期, 班內有一位同學, 經常唔做功課, 往往到交功課的一天, 才左借右借問同學借功課抄.

筆者問過該位同學, d 功課都唔係好難 o者, 點解經常性唔做 ? 佢話唔係唔識做, 亦唔係唔想做, 係無時間做.

筆者再問, 係咪放學後要做兼職, 做大量家務云云. 他說 : 「非也, 係未打爆機. 有時, 又有應酬, 出去唱下 K, 落酒吧睇下波咁 ... 反正一定有同學做左, 借 o黎抄抄無乜相干.」

: 「哦 ... 其他同學放棄打機時間, 放棄出街玩, 放棄去唱 K, 放棄去睇波, 辛辛苦苦做好嘅功課俾你拍拍膊頭, 坐享漁人之利 ?」

: 「唓, 借俾我抄佢又無蝕底, 有乜所謂喎. 同學應該守望相助嘛 ...」

假如你係佢同學, 仍然會長久地借功課佢抄嗎 ?

DrHorse

立心等別人心水或貼士投注的馬迷們, 是否有著同樣的影子 ?

哦 ... 人地放棄睡眠時間, 放棄吃喝玩樂時間, 辛辛苦苦睇帶睇晨操刨績出來嘔心瀝血的傑作, 為了討好一眾三唔識七的網民, 搏一些聽唔到的掌聲, 還要冒個個跟買拖低回報率的風險, 實在於理不合.

筆者眼見所謂網上貼士, 真係輸多贏少. 慣性求人, 不如求己 !

DrHorse

跑馬地銀瓶 又曲終人散了. 但筆者相信, 散的不只是人, 還有財 ...

賽前, 全世界, 包括馬會, 就連專業評馬人們也推一把, 大字標題, 謂「上季同一盃賽, 大摩出兩駒, 結果包辦連贏而回. 今戰同樣只以「軍事出擊」及「包裝博士」兩駒列陣云云 ... 」好啦, 最終吹到呢條摩厩 Q 得不足 5 倍開跑, Qp 僅 2.5 倍左右, 兩匹獨贏加埋過千萬投注.

輸了, 賽後, 又必然一大堆理由. 唯賽前, 筆者已向會員們發出警告 : 「點睇都係以 滿綵 行先, 試問幾多馬初跑 HV1800 跑到一 pat 屎咁 ...」

係喎, 上季同一盃賽, 「卡達聖」搭「包裝選擇」喎. 呢兩匹與「軍事出擊」及「包裝博士」有何分別 ?

「卡達聖」已跑過一次 HV1800, 而「包裝選擇」贏過 HV2200. 但「軍事出擊」只贏過 HV1650, 而「包裝博士」更加未有過表現. 呢條摩厩 Q 何得何能不足 5 倍, Qp 僅 2.5 倍 ??!!

還有 「家樂飛」, 正正是筆者所講的 "馬匹在某路程敗北, 轉戰另一路程有出色表現後, 再回戰原先敗北路程, 卻竟成為熱門."

真係拖都無拖耶 ...

DrHorse

筆者真係無辦法理解 ...

某某於某某論壇開個賽日帖, 例如「今日好有心水, 贏梗. 夠鐘入 o黎排隊等收錢」云云 ...
跟住就會有好多人留言呀, 支持呀, 等你呀, 一齊 KO 馬會呀咁 ...
好啦, 到開跑囉喎 ... 大家都開始「催」. 快 d 出心水啦, 有未呀, 買唔切啦 ...
等到啦 ... 呢場 xxx 買 ...
跑完, 輸左 ! ... 唔緊要, 下場贏番 ...
如是者過了 5 - 6 場, 都係輸左 ... 唔緊要, 仲有 3 場追數 ...
輸埋 !! ... 唔緊要, 有賭未為輸, 下次贏番 ...

奇在下次卻仍然是一窩蜂咁入去支持.

DrHorse

如果貼馬不用原因, 輸馬不用解釋. 不是說笑, 我家的 6 歲小學一年級生同樣可以俾心水.

DrHorse

朋友, 當看見別人出心水時不要去問點解呀 ! 第一, 人地唔一定識答, 可以隨口 up, 你又當祕笈;  第二, 怕輸了被你抽後腳, 又唔識答, 一係就扮聽唔到睇唔見, 一係就潛水, 再唔係, as if 佢係甚麼論壇管理員, 來一招「暗 ban」, 你的 account 立即被廢掉.

所以, 聰明的馬友們, 無論睇見別人貼甚麼, 不要問, 只要拍手, 只要支持啊 !

註 : 十分抱歉, 本會不存在無得解的選馬法則 !

DrHorse

原來有朋友唔知 what is「暗 ban」. 簡單來說便是走進論壇後台靜悄悄地改掉你的登入密碼, even 刪除你的戶口, 咁你的 account 自然被廢掉無法再登入. 據知, 有些論壇管理員想對方 "封咀", 又或是想 "抹黑", 令其又無法登入還擊或解釋, 但又唔想砌詞「明 ban」犯眾怒, 最陰險的就是「暗 ban」, 還待其他人以為你真的理虧了唔敢再出現, 順理成章成功 "抹黑".

思琳

只要再註冊不就可以嗎?

DrHorse

引用:

原帖由 思琳 於 2012-10-6 11:28 發表
只要再註冊不就可以嗎?

1. 人地有你 Ip address 資料, 用相近 Ip address 註冊時可利用人工審核將你剔除.
2. 短時間內不批核新註冊.
3. 搏你無咁無聊和嘥時間.

DrHorse

曾有朋友向筆者笑言 : 馬場上各施各法咪好囉, 無人輸又點會有人贏.

自己不自強, 誰還會對你客氣. 本就是弱肉強食, 適者生存.

所以, 對那些買十場輸八場, 卻很滿意自己仍能中到 1 - 2 場的朋友們, 筆者只能寄語, 祝有好運可搭夠 !