今天筆者的 patreon 頻道贊助者成功突破了 10 丁, 其中包括了好幾位筆者跪求支持下的朋友們.
Never mind, 坊間有很多評馬界人仕也加入開了 patreon 頻道, 所以市場上可以有好多選擇. 正如筆者說過, 我也是跟大隊玩下.
有認為, DrHorse 你吹到自己咁勁, 都要賺呢啲錢, 係咪笑話左啲呢 !? 嗯, 咁講吧, 筆者在本會論壇又好 facebook 也好公開寫野好多年, 亦分享過不少實用方法, 從來無開宗明義地公開話要收費吧, 對不 ? 點解依家又玩贊助頻道呢 ? 原因早已經講左, 尤其筆者不認為我的理論和產物是垃圾, 而是有價值亦不用迫人睇或求人點讚.
另筆者五年前曾嘗試成立「駿薈之友」攪些慈善贊助活動, 無奈所托非人, 只攪過一次贊助活動咁大把, 並不滿意.
筆者要靠 patreon 賺錢生活嗎 ? 筆者現就作出以下聲明 :
DrHorse patreon 頻道所收取的贊助費, 筆者一個仙都不會用嚟生活, 亦根本無需要. 款項會留作兩個大用途 : (1) 日後如有需要聘請專人協助打理該頻道; (2) 慈善贊助活動用途.