Board logo

標題: 2020 暑期隨心 talk [打印本頁]

作者: DrHorse    時間: 2020-7-20 15:22     標題: 2020 暑期隨心 talk

2020 暑期隨心 talk (1)

2019 - 2020 年度的馬季 轉瞬間已完結 真是光陰似箭 日月如梭.
可惜的是 現今社會撕裂問題越趨嚴重 加上疫情下的夾擊 東方之珠 早已變得暗淡無光.
再者 人與人之間 包容 尊重 和 互信 早已蕩然無存 換來的卻是 猜疑 漫罵 和 謊言 甚為可悲.
仍抱有一絲希望能在有生之年 可再復見 曾盛極一時的東方之珠.
作者: DrHorse    時間: 2020-7-20 15:29

講番馬圈 近年真係多左好多人係 youtube 拍片 令到一眾馬迷目不暇給 現在已經唔再單單係睇馬報或電視的年代了.
筆者私人推薦 一個頻道給大家 :
"堅仔【賽馬預測】賽馬班", 由馬評人 "世榮" 主理.
每場均有獨立和詳細分析, 不妨自行上 youtube search 和收看.
作者: DrHorse    時間: 2020-7-20 16:05

有部份馬迷都很抗拒 "賣料", 所以, 有些機構索性不賣料而改賣資訊和賣大數據.
據悉近年較有系統性, 主要焦點在賠率分析的有 Money Flow 及 競馬ソ科学.
而主要焦點在賽績分析的有 堅仔賽馬 app 和 Berdon.
大家可能都聽過, 甚至是用戶.

入來分享下丫.

註 : 本會現正開放新會員註冊啦.
作者: DrHorse    時間: 2020-7-20 16:44

有很多朋友喜歡將賽馬和股票作比較, 認為有好多共通點 ... 唯, 有一個極對立的狀況 :
就係越多人看好及投入資金在一隻股票上的時候, 股價就會大升;
但 假若越多人看好及投入資金在一匹馬身上的時候, 賠率就會大跌.

這代表甚麼呢 ? 如果有人同你講, 佢手持一個很龐大賽馬基金, 每場幾十萬幾十萬上落, 贏好多錢, 而藉此誘使你向佢購買貼士或 even 資訊或數據服務的話, 就十居八九係 "瑞士山區肺" 事件簿囉.
喂, 我買 2 萬一條 Q, 本來賠 20 倍有 40 萬落袋, 變成係人都知搶至 10 倍, 白白無左 20 萬, 試問有邊個基金老闆 會咁笨實同你分錢先 ... 彩池制呵, 不要太天真囉.
作者: DrHorse    時間: 2020-7-21 14:27

2020 暑期隨心 talk (2)

" ... 我摸介指呢下小動作, 係故意加上去裝你呢隻老狐狸 ... " 有睇過 周潤發 賭神 的朋友們, 都唔會忘記呢句經典對白.
倘若 在賭局之前 呢下裝彈弓的小動作被通了天 咁賭神就應該會 使出反制 虛則實之 實則虛之.
坊間有些馬評人總喜歡篤爆練馬師某些步署手法 但, 當天知地知你知我知 連練馬師都知道的時候, 所謂的秘技已經不再是秘技
重申, 練馬師是可以投注的, 嚴格來說即係各位馬場上的對手. 下次佢唔再摸介指, 今日改摸手指, 下次改摸腳指都仲得.
如果你唔想你的發現 好快變成廢物 筆者會建議小公開講為妙.
作者: DrHorse    時間: 2020-7-21 14:57

當歪理存在你心中變成真理, 代表你已經成功被洗腦了.
近來睇過某些 youtube 片, 內容大致係 潘頓 十大拉馬專輯 及 莫雷拉 十大拉馬專輯.
更有網民回應稱, 因為佢地拉馬而輸錢. 十隻大熱九隻拉云云. 但, 這是真的嗎 ?
另 點解又唔同時收錄佢地神級發揮的專輯呢 ? 哦, 這就是洗腦囉. 只給你睇一面, 再不斷放大同喧染.
坦言, 筆者和身邊的馬友們, 卻多數因為佢地跑得太好而輸錢, 明明無機會的熱門都要跑個 2233 頂住哂 d 冷 QT.
作者: DrHorse    時間: 2020-7-21 15:11

筆者曾發表過 : "騎師只係練馬師的棋子" 論.
與其指責騎師拉馬 卻點解唔直接話係練馬師唔去馬呢 ?
如果練馬師想去馬而騎師卻拉馬, 下次仲有交收嗎 ?
想一想就會明白. 不應被荒誕的邏輯蓋過常理.
再者 唔搏馬也不是 潘頓 和 莫雷拉 的專利, 個個騎師均有過唔搏馬的記錄吧, 毋須玩放大同縮細唄.
喂, 你唔係信, "落得場跑的隻隻都搏" 下嘛.
作者: DrHorse    時間: 2020-7-22 16:18

2020 暑期隨心 talk (3)

" ... 你場場賭, 李嘉誠都死啦 ... " 有睇過 劉德華 套賭俠 的朋友們, 都唔會忘記呢句經典對白. 其實, 就算無睇過, 都明白呢個道理.
但係明白還明白 仍然是場場拈, 範範摸的仍大有人在. 原因大多數可歸納為兩類 :
(1) 手痕 唔玩唔安樂; 筆者偶然都係. (2) 唔知邊場會中 唯有場場買.
對於注碼有限的普羅馬迷們, 場場拈, 範範摸實在是消耗注碼最快的方法.
也許, 筆者會建議大家 fine tune 一下思維, 設定目標在 "用同一個本錢, 謀取更大回報".
方式很簡單, 就係當你能批死隻隔晚大熱門才考慮投注.
隔晚大熱門, 九成都會係臨場大熱門, 所以睇隔晚便足夠.
但, 不能單單以 "嫌熱" 去批死佢. 而大可應用筆者教過的一些極簡單方法, 例如 "雙加" 法則.
稍後, 筆者會再花一些篇幅去講 "雙加" 法則.
作者: DrHorse    時間: 2020-7-22 16:37

賽馬嘛, 在同一平面位置起步, 要求同一平面位置到終點, 但卻非在同一平面位置轉彎 …
試想想男子 4 x 100 m 接力賽, 第一捧排最外疊的起步位置永遠是最前的, 這個道理相信連小學生都知, 不用多說, 對不.
那舉一反三, 上次抽內檔都贏唔到的馬匹, 今次倘若檔位再移出啲, 隨時要走多幾疊, 咪更難贏 ? 這是常理.
讓我們再保險啲, 若然再多負幾磅添, 咪難上加難囉 ? 正確.
係咪 100% 死梗 ? 唔係. 世上沒有絕對, 只有多數.
作者: DrHorse    時間: 2020-7-22 16:48

這個方法的竅門在那�堜O ? 齋睇過 筆者文章的未必知, 跟過筆者學賽馬的也不一定知.
(1) 上仗頭馬不在此限, 及
(2) 必須是比較相同場地和相同路程.
作者: Ecdb2917    時間: 2020-7-23 18:59

引用:
原帖由 DrHorse 於 2020-7-21 15:11 發表
筆者曾發表過 : "騎師只係練馬師的棋子" 論.
與其指責騎師拉馬 卻點解唔直接話係練馬師唔去馬呢 ?
如果練馬師想去馬而騎師卻拉馬, 下次仲有交收嗎 ?
想一想就會明白. 不應被荒誕的邏輯蓋過常理.
再者 唔搏馬也不 ...
睇一睇上季騎師的獎金 ,最少嗰位都有七百多萬 ,已經係非一般打工仔的收入 , 有冇咁?需要去 拉馬呢 ?
但係我相信明知隻馬 狀態不佳 ,又或者根本冇爭勝機會 ,騎師騎上去是遊魂 係好合理的 。

圖片附件: ScreenHunter 447.png (2020-7-23 18:59, 66.25 KB) / 該附件被下載次數 2901
http://www.drhorsehk.net/bbs/attachment.php?aid=75975&k=17bc6739083b81c519d1fb3edba177c9&t=1795352193


作者: DrHorse    時間: 2020-7-23 19:19

引用:
原帖由 Ecdb2917 於 2020-7-23 18:59 發表

睇一睇上季騎師的獎金 ,最少嗰位都有七百多萬 ,已經係非一般打工仔的收入 , 有冇咁?需要去 拉馬呢 ?
但係我相信明知隻馬 狀態不佳 ,又或者根本冇爭勝機會 ,騎師騎上去是遊魂 係好合理的 。
合理點, 獎金非騎師袋哂的.
作者: bc101    時間: 2020-7-24 13:45     標題: 回復 8# DrHorse 的帖子

依個真是很中 point,以我自已來計,經你指點之後真是命中率高很多.
作者: DrHorse    時間: 2020-7-24 17:03

2020 暑期隨心 talk (4)

現今科技發達, 做假技術更日新月異. 改圖已是極低端手法, 整個假馬會網站假 ewin 假 loop 中獎彩票都仲得.
筆者就親眼見過有騙徒直播展示於馬會網站開 ewin loop 一條單式 $10 3T 中獎彩票.
點解係假呢 ? 天外有天, 人上有人唔得咩 ... ?!
得, 唯, 嗰次賽事馬會官方公佈 3T 無人中喎. 莫非 ... 外圍也可賭 3T ? 請恕筆者孤陋寡聞, 呵呵.
作者: DrHorse    時間: 2020-7-24 17:23

又再講多少少關於可用 "大熱針對法" 去批死大熱門 ....
事先聲明,  "大熱針對法" 絕非筆者獨創, 而是偷學自 "無敵的馬神祕笈", 現節錄如下 :

N 年前 ....

馬神贏馬必殺技一:大熱針對法
  大熱門乃眾矢之的,在多數馬迷把投注重心放在大熱門身上的時候,我們應在同場尋找曾經和這匹眾矢之的交過手,而所負甚少,如今更有磅位著數的冷門馬。
  今季季初九月十九日,沙田賽事的第六場,五班千四,大熱門是黃汝安馬房的「漢廷之寶」,被馬迷捧成4.9倍的熱門。
  陣上,有一匹馬曾在上季季中與「漢廷之寶」在同程千四鬥個叮噹馬頭,此駒正是呂健威馬房的「榮華之星」。該役,「漢廷之寶」配韋達,負126磅,「榮華之星」配金仕芬,負115磅,結果「漢廷之寶」以短頸僅勝「榮華之星」,顯示「漢廷之寶」在讓「榮華之星」11磅的情況下,只能僅勝。
  今季季初一役,兩駒再遇,「漢廷之寶」的鞍上人仍是韋達,「榮華之星」的鞍上人換上胡活士,與金仕芬同級,配搭上旗鼓相當,但磅位上卻有別,「漢廷之寶」負129磅,「榮華之星」負114磅,兩者的距離由原來的11磅擴闊到15磅,「榮華之星」負少多四磅,足可反先「漢廷之寶」,加上「漢廷之寶」是大熱,「榮華之星」有8.5倍,「榮華之星」正是一匹擊敗大熱門的上佳對象,且充滿值搏率。
  結果,「漢廷之寶」大熱倒灶,三甲不入,「榮華之星」輕勝而回,爆出半冷。

作者: DrHorse    時間: 2020-7-24 17:33

普羅馬迷對於 "無敵的馬神祕笈" 作者馬觀微先生的評價好壞參半.
有認為他在星島報章所寫的貼士不外如是, 平平無奇.
嗯 ... 說實在, 筆者沒有去看過, 著眼點只在於所引述的理論可不可行, 成效如何, 能否被應用.
人家在報章所寫的貼士, 用了幾多成功力去寫, 仍是一個䛧罷了.
作者: DrHorse    時間: 2020-7-25 12:49

2020 暑期隨心 talk (5)

自從化馬匹訓練中心啟用後, 對本港賽事模式產生了一定改變和影響.
首先, 觀操派已少了一部份依據, 其次便是試閘.
今早看了一篇報導, 出自觀操派評馬人子健筆下, 在此分享一下 :

from apple daily .

一直受到唱好報導影響,去過從化,返港贏得到,點會話北上無用?輸佔大多數,卻唔提、唔講,你又唔理就好易中招。好多朋友都會睇下試閘片,現今除本地外,還會睇到從化試閘片,每條片長到幾分鐘,可以睇埋入閘到出閘情況,有無扭計、發脾氣,的確比本土閘睇到多啲。不過,若有睇開應該都知道,甚至會質疑從化大閘,究竟有多大參考價值,有時甚至容易被誤導。

須知道,十個馬房中有六、七個仍將從化視為放草、休養地方,放心到一去幾個月,養番好健康才參加試閘,遇上少部份跑開短留馬,自不然全無招架之力。有這類馬襯托,即使唔算好都會變得似模似樣,一睇見輕鬆,繼而再被放大,唔花時間研判同試馬水準,好易出事!

姚本輝上季尾從化馬成績躍進,開始被吹噓,連帶當時仍屬三零部兵的「太空戰士」,五月在從化閘按住贏大批無戰鬥力的馬,結果被放大,其實有唔少相同試閘低水準頭馬,回港跑到一無是處,一唔小心就會中招,所以大膽批判從化閘,十個有九個水準唔高。

作者: DrHorse    時間: 2020-7-25 13:05

另據業內人仕曾透露 ...
(註 : 好多人都喜歡引用甚麼專家, 高人, 知情者, 不願透露身份人仕 etc ... 去提升其話題的可觀性和可信性. 筆者在此衷心提醒大家 一定要過濾 運用自己智慧同思考能力 去判定真偽 勿人云亦云)
操練數字如出跳時間幾分幾秒等等未必很準確. 這有別於賽事時間用儀器計算, 只靠人手打錶和填寫, 有幾準確大家可以自己諗諗.
恰一恰 睇漏眼 並不出奇.
作者: DrHorse    時間: 2020-7-25 13:08

所以從化閘筆者已很少看, 亦同意本地試閘可依據性較高.
作者: Ecdb2917    時間: 2020-7-25 18:23

引用:
原帖由 DrHorse 於 2020-7-25 13:05 發表
另據業內人仕曾透露 ...
(註 : 好多人都喜歡引用甚麼專家, 高人, 知情者, 不願透露身份人仕 etc ... 去提升其話題的可觀性和可信性. 筆者在此衷心提醒大家 一定要過濾 運用自己智慧同思考能力 去判定真偽 勿人云亦 ...
DR 的故事令我想起這個幾有含意的笑話。

有一個事業有成的中年男性,一直為一件事所苦,就是他常年來都有偏頭痛的問題。

于是他去看醫生,醫生診斷後依專業的語氣告訴他:你的頭痛是因為蛋蛋(睪丸)的神經出了問題,如果要根治,必須割除它…”

這位中年男子考慮了許久,想到‘醫生的專業’還有他的事業與財富,以及後半輩子的美好生活,最後終於決定忍痛動手術(去勢)!

他出院後,感覺到前所未有的舒暢,因為他的頭已經不再疼痛了。
於是邊逛街邊回家,走著走著經過一家男士服飾店,他想想應該要有個全新的生活,於是走進了這家店…

櫃台小姐說:帥哥,買頂好看的帽子吧,您應該戴M號的!”

於是拿了一頂漂亮的帽子給他試戴…
男子對著鏡子看看,非常滿意,稱道:很準確,我平常都是買M號的”
小姐謙虛說:“這是我的專業… ”

櫃台小姐又推薦:“那麼,配一件櫬衫吧!您應該穿領口 15 號的!”
男子穿上後果然非常合宜,稱讚小姐:妳好厲害,我都買 15 號的襯衫!”

小姐再次謙虛的說:“這是我的專業…”
櫃台小姐又趁機推銷了一件長褲:“那麼,再配一件長褲吧!您應該穿 42 英吋的 ! ”

男子再度讚歎她的眼力:“小姐,妳實在太厲害了,連我穿的褲長都一眼看出!”
小姐又再次謙虛的說:“沒辦法,這是我的專業… ”

最後沒什麼好推銷了,櫃台小姐說:不如再買件內褲吧,看來您應該穿L號的!”

男子說:“哈哈…小姐,妳終於看錯了,我從高中以來都是穿S號的!

沒想到小姐告訴他:“如果你長期穿S號,就會壓迫到你的蛋蛋,如果長期壓迫到蛋蛋,你就會偏頭痛!… 所以只要換內褲就好了!”

男子聽完 當場放聲大哭……
( ‘專業’您找對了沒?????).
作者: DrHorse    時間: 2020-7-25 19:32

引用:
原帖由 Ecdb2917 於 2020-7-23 18:59 發表

睇一睇上季騎師的獎金 ,最少嗰位都有七百多萬 ,已經係非一般打工仔的收入 , 有冇咁?需要去 拉馬呢 ?
但係我相信明知隻馬 狀態不佳 ,又或者根本冇爭勝機會 ,騎師騎上去是遊魂 係好合理的 。
From Apple Daily

【吸金華將】Person of the Year【本報訊】華將一哥何澤堯剛季成績驕人,季內破紀錄贏67W,夥拍「金鎗六十」橫掃四歲馬系列賽,又策騎「川河尊駒」於冠軍一哩賽首奪G1,埋單累積獎金$126,366,677,成為首位贏超過一億港元獎金的華將,以騎師每場頭馬分得10%獎金,常規賽跑二至五名則有5%,粗略估計,現年30歲的何澤堯剛季已年收入過千萬,拍得住港鐵、金管局CEO。

究竟年薪過千萬是甚麼概念?不妨以香港兩個大機構的CEO引作例子,管理萬億財富的金管局,前總裁陳德霖2018年整體薪酬上調至近$1,100萬,相信現任CEO余偉文收入亦差唔多。至於大型公共運輸系統港鐵,據2019年度港鐵年報?載,CEO金澤培年薪大概$1,070萬,這些精英要打拼很多年才有這個人工,對比正值盛年的騎師,誰較容易賺錢真的不需多說!


騎師每場頭馬分得10%獎金,常規賽跑二至五名則有5%
作者: DrHorse    時間: 2020-7-25 22:26

馬圈題外話 : "自由" 與 "自私", 其實只係差一個字而已.

[youtube]esadxp-RddY[/youtube]
作者: DrHorse    時間: 2020-7-26 12:04

2020 暑期隨心 talk (6)

昨天開始對現役馬匹更新資料時發現, 原來有很多質新馬已經被退役了.
反而有多匹跑了三季多尚未出頭馬仍被保留, 馬主真有耐性.
Anyway, 筆者著眼點當然在於上季尾曾備忘過馬匹是否已 bye-bye. 八月份再同大家逐一檢示.
作者: DrHorse    時間: 2020-7-26 13:17

正所謂物以罕為貴, 馬場上最珍貴人力資源莫過於輕磅騎師.
田泰安 是現役輕磅騎師之表表者, 能穩坐三哥位置必有其獨特優勢.
利敬國 也是輕磅騎師之一, 策騎輕磅馬時也多有驚喜, 可惜.
據聞下季巴度重臨, 其也是輕磅騎師, 季內若幕後突然換上巴度的輕磅馬匹, 不妨多加留意.
作者: DrHorse    時間: 2020-7-26 13:34

又講下邊啲大熱門最易死 ...
民間智慧之一 : 牌仔放頭或近或位換洋將成熱.
遠的不說, 7 月 12 日 r810 場次, 胆大威猛 臨場熱至 1.6 跑梗頸.
正正就是牌仔放頭或近或位換洋將成熱的例子.
其實不難理解, 放頭馬梗係負磅越輕越著數, 常理.
唔見得換大師傅會更穩陣耶.
作者: DrHorse    時間: 2020-7-27 13:33

2020 暑期隨心 talk (7)

"底出" 是筆者學賭馬的時候第一個接觸的專有名詞. 甚麼同馬房底出, 同鄉騎練底出, 同親屬馬房底出, 同線馬房底出 (練與舊副練關係), 上仗騎過棄騎或操過棄騎底出云云, 應有盡有.
一場馬若玩配對遊戲 (Matching) 肯定線路縱橫.
說實在, 一眾騎練朝見口睌見面, 日日齊齊食早餐, 邊會無傾計呢, 所以, 過份地線路縱橫只玩死自己罷了.
喂, 見你都喜歡玩揀騎棄騎喎 ... 是咁的, 筆者不建議過份地線路縱橫, 但, 適量就已足夠玩.
"揀騎棄騎" 正是其一.
條件 : 只要 "揀騎棄騎" 其中有大熱或次熱門的時候, "底出" 便有機會成立.
當你察覺熱門 d 飛軟綿綿時而其同線馬票數又有異動的話, 就是搭順風車的好日子囉.
例子就不公開舉了, 無謂摸介指變摸腳指.
作者: DrHorse    時間: 2020-7-27 13:58

另外, 不要以為經常跑梗頸四的騎師好渣, 唔夠贏的馬跑第四一來唔駛點加分, 二來馬主有獎金, 三來可以保持馬匹角逐興趣.
想當年 韋達 出哂名 "四哥", 跑第四的次數多季均能稱王, 點到你唔服.
有些朋友或許會認為, 啱啱較正跑第四你估咁易咩, 你跑俾我睇丫!
我就真係無本事, 不過對於日日操馬, 跑慣跑熟呢兩條跑道的騎師們, 真係咪埋眼都知終點線係邊, 又未必完全沒有可能.
又或者可以咁諗, 同場剛剛好有三匹對手心存大欲, 其他對手就諗住遊花園, 咁你咪係梗頸四囉, 尤其是熱門, 只要你不入三甲, WQT 必然好分, 幕後有得偷襲點解唔偷先 ?!
作者: DrHorse    時間: 2020-7-27 14:37

正所謂行船跑馬三分險, 騎師亦唔一定下下同你揾命搏.
馬迷係電視機前大叫上呀衝呀何等容易呢, 若騎師有窄位唔敢上就唔應該鬧人怕死的嘛.
要明白 "一失足成千古恨" 的道理.
陣上際遇唔好而落敗的實力馬其實佔有很多, 肯花點心思去揾下次就是寶藏.

http://www.drhorsehk.net/bbs/vie ... page%3D3&page=3

最佳例子 : 3 月 25 日 r526 知道必勝.
作者: Ecdb2917    時間: 2020-7-27 15:40

引用:
原帖由 DrHorse 於 2020-7-27 14:37 發表
正所謂行船跑馬三分險, 騎師亦唔一定下下同你揾命搏.
馬迷係電視機前大叫上呀衝呀何等容易呢, 若騎師有窄位唔敢上就唔應該鬧人怕死的嘛.
要明白 "一失足成千古恨" 的道理.
陣上際遇唔好而落敗的實力馬其實佔 ...
From ON Racing:
布文魯莽策騎 累艾擎斯落樓險死

賽馬係一項競爭激烈?運動,騎師之間雖則拳來拳互不相讓,但無論點都好,應該要安全至上,顧及其他騎師安危。不過,今日OK哥布文就作出一個非常唔好?示範,為咗贏馬竟然乜都唔理,結果累到另一位騎師艾擎斯落樓,鏡頭非常危險,慶幸艾擎斯墮馬後一直清醒,初步預計應該只係左腳骨折,總算不幸中?大幸。

今日呢單布文魯莽策騎?嚴重事故,發生喺玫瑰崗馬場頭場1200米賽事,佢策騎大熱門Smart Image上陣,轉彎入直路去到300米處無位上,布文竟然夾硬將坐騎移出,結果撞出艾擎斯坐騎Hot 'N' Hazy,艾擎斯立即失平衡落樓,鏡頭所見好似被外側?馬踩到,情況非常兇險,而Smart Image?到位後順利贏馬。

由於事態嚴重,艾擎斯立即由救護車送院,佢一直保持清醒,經過醫生檢查,佢?左腳腓骨同埋脛骨出現骨折,鎖骨亦有骨折情況需要固定,但Hot 'N' Hazy冇咁好彩,要人道毀滅。至於導致今次事件?布文,相信之後難逃被停賽?命運。

布文極危險策騎片段:
https://cutt.ly/7sojBG9
作者: Ecdb2917    時間: 2020-7-28 11:44

正所謂行船跑馬三分險 ,一個見習生年薪都有一百萬以上收入 , 總算唔錯

From ON Racing

見習騎師黃俊、陳嘉熙及周俊樂,昨日空歡喜一場,新一季見習騎師策騎費加幅,並不是由1200元,大加至1900元,只係輕輕加50,新策騎費係1250元。不過,呢個策騎費亦唔係小數目,好似以上季策騎費1200元計算,全季上陣次數達312次的陳嘉熙,單係策騎費便累積37萬4千4百元,不過馬會收取一半作保險費用,但仍袋走18萬7千2百元,而黃俊及周俊樂,上陣次數分別為190及94,可袋走11萬4千元及5萬6千4百元。

至於總獎金方面,陳嘉熙合共取得22W,總累積獎金達2828萬元,單係頭馬獎金已達約1485萬,騎師可分10%,即至少可收148萬,而見習騎師要分一半給師傅或其他練馬師,所以只得74萬,但加埋第二至第五名所取得的獎金、策騎費等等,年薪已過百萬。
作者: DrHorse    時間: 2020-7-28 14:24

2020 暑期隨心 talk (8)

除了上幾期提過的 "無敵的馬神祕笈" 糸列, 學賭馬期間, 筆者也買了很多書藉參考, 也看過很多理論, 聽過很多奇招.
例如有一招, 大慨是按照馬會速勢能量排序投注三重彩. 比方, 速勢能量頭六匹順序為 1,2,3,4,5,6, 投注方法就是買指定位置馬膽三重彩 : 1/2,3,4/2,3,4,5,6 及 2,3,4/1/2,3,4,5,6.
作者有舉出很多成功例子, 有些派彩更冷若冰霜, 一個賽日贏 5 - 6 千元屬等閒之事, 聽落十分吸引.
不過, 當你認真地去做統計時, 就會發覺又並非那麼順利. 就上季計馬會速勢能量排序首位的入 Q 率約只有 33%, 況且即使有膽也未必齊腳, 搏唔搏得過則見仁見智.
但若合埋眼用嚟做 Q 膽都算唔錯, 可能準過很多馬報貼士.
所以, 不要盡信被不斷放大優勢的理論, 要自己留心觀察, 細心分析, 耐心測試, 更要抱有 "創意" 以取長補短, 那便能融匯貫通, 訥為己用.
作者: DrHorse    時間: 2020-7-28 14:39

在偷師的過程中, 筆者最大得著就是研創了 Racing Matrix.
齋聽個名係咪好似好猛咁呢 ? 其實只係低級包裝技両而已, 說穿了只是像 1+1 = 2 的小東西.
大家有無自行創設過一些選馬或投注奇招呢 ? 唔介意可以分享下丫.
唔想公開可以私人 send email 給小弟, 筆者好叻就唔講得, 但尚算投身全職賽馬超過十年以上, 或者可給予一些改良的建議.

drhorse@drhorsehk.net
作者: DrHorse    時間: 2020-7-29 14:49

2020 暑期隨心 talk (9)

筆者曾經被問及, 喂, 可唔可以設計一個程式, 只要按幾個制, 就知道投注乜野馬 ?
好簡單啫, 筆者在電腦上花了數分鐘便攪掂 ...
"只要你輸入該場共有多少匹馬上陣, 程式就可以隨機俾三個馬號你買."
唓, 我係要能夠中嗰啲喎 ...
哦 ...
一來, 你真係相信有必勝程式嗎 ?
二來, 即使真係有必勝程式, 你俾得幾多錢去買 ?
三來, 就當我真係有必勝程式, 還會賣給你嗎 ?
呵呵 ...
作者: DrHorse    時間: 2020-7-29 15:06

話說回來, 類似東西坊間不是沒有, 但普遍均是跟飛賭.
跟飛, 意即跟錢, 簡單來說即係搭順風車, 有大跟大.
基本邏輯上是沒有錯的, 香港賽馬本身就是 Money Game.
不過, 銀紙是沒有記認的, 那些錢是散戶, 那些錢是大戶, 那些錢是集團, 那些錢是做對沖, 一般都係靠估.
尤其新加入的匯合彩池, 錢的來源更是從四方八面, 那些才是真正 Smart Money 呢 ?
所以, 這類程式一場多數給你 6 - 7 匹, 正是有殺錯無放過. 一場馬往往貼了超過三份一, 命中率自然高.
收費據了解每個賽日約 $250 多元, 合不合心意隨大家喜歡囉
作者: DrHorse    時間: 2020-7-29 15:19

賽馬下下都話要易中, 但下下都話要好分. 喂, d 派彩係點嚟架 ? d 錢點嚟架 ? 無人輸又點會有人贏 ?
差別在於你係別人的點心, 還是當別人係點心. 不要 "好天真好傻".
如果, 個個程式一 Q 樣, 都係跟飛賭, 個漁池遲早就無哂漁罷了 !
作者: DrHorse    時間: 2020-7-30 13:33

2020 暑期隨心 talk (10)

你係要 "贏", 定係要 "賭" ?

這種思想未必人人啱聽, 深信「贏要谷, 輸要縮, 有得贏點解唔贏盡佢」的道理大有人在. 可能是筆者個人不太認同賽馬是一種純粹賭運氣的遊戲, 卻是一種帶策略性的技擊玩意, 所以經常對自己的會員提醒和勸告, 賭馬不要贏谷, 不要胡亂加注, 不要荷包有幾多賭幾多, 永遠能帶著甜頭離場便是歡愉, 便是快樂, 以免贏埋唔夠輸. 因為我係要 "贏", 唔係要 "賭", 所以要 "忍" !
作者: DrHorse    時間: 2020-7-30 13:46

另外,「賭得大, 贏得大」相信亦會是很多朋友的口頭禪. 但賭得大, 同樣可以輸得甘. 所以賭得大的朋友一般只有兩個可能性 : 一, 賭得起, 亦即是輸得起, 注碼對生活完全沒有影響. 二, 偏向病態, 有些少失控, 沒有節制, 注碼對生活影響很大, 有無飯開直接取決於輸贏.

若自問不是上述兩類人, 建議大家不要為别人的大額投注記錄所影響, 要量力而為, 反正要贏大錢也不一定要賭得大, 只要賭得精.
作者: DrHorse    時間: 2020-7-30 13:46

大家有無試過一加注就奶野, 一減注就中正, 一慳注就穿㝫的經驗呢 ?
呢啲咁恐佈景像, 最好就係像粉筆字咁抹哂佢 ...
無所謂的, 但, 若不能從失敗中汲取教訓, 下次, 或再下次又重滔覆轍, 咁就真係無謂囉.

"無所謂" 與 "無謂", 其實只係差一個字而已.
作者: DrHorse    時間: 2020-7-31 14:33

2020 暑期隨心 talk (11)

喂, 究竟有無必勝投注方法?

[youtube]RRrw2XkaFm8[/youtube]

有. 就係買全餐.
話說回來, 一場馬出足 14 匹, 只要買哂 14 匹 win, 就係必勝囉.
唓, 即使利用對沖方式去投注, 也必然輸馬會抽水, 何來必勝, 必輸就真唄.
作者: DrHorse    時間: 2020-7-31 14:54

筆者多年前曾經與一位任職賽馬集團人仕傾過計, 他透露了一個其集團在使用中的必勝投注方法.
詳情筆者答應過不會對外透露, 但起碼小弟認同該方法係可行的, 卻只是知易行難類, 絕非一般馬迷可以做到罷了.
作者: DrHorse    時間: 2020-7-31 21:41

明天起, 開始新一季備忘馬系列之旅.
備忘馬, 顧名思義就係曾於陣上有吸引走勢的馬, 業內人仕叫做 "試準".
這類馬 可以通過睇帶搵出嚟, 當然要有一定功力; 亦可以通過計算搵出嚟 ... 兩方面筆者都勉強可勝任.

其中, 曾走蝕位仍近馬乃筆者最常用度馬名單.  

What is 曾走蝕位仍近馬 ? can study below link.
參考文章 :
http://www.drhorsehk.net/bbs/vie ... &extra=page%3D1

下季本會打算將每次蝕位馬名單抽出並公開發售, 每個賽日只需 $15, 全季 9 折.
有興趣可私下 pm 本人或 send email 至 drhorse@drhorsehk.net 查詢詳情.
作者: DrHorse    時間: 2020-8-1 12:53

備忘馬系列 (1)

身為馬主, 為旗下馬匹安排轉倉, 或多或少都係表示心急, 索性求變轉埋飯鑊, 尤其是季內轉倉類.
至於肯留待暑期始轉倉類, 說不定想留番少少面子俾舊主而已. 所以, 轉倉不失為一個正面訊號.

筆者季內曾提及文廄的 C403 明月千山, 讓大家來看看 ...



上季初仍在高廄時跑了兩場無表現後即轉倉至文廄後即成功搏入 Q, 輸季內 C3 也能勝的 輝煌芯 水極有限吧.
但再出竟連續 7 仗三甲不入甚為嚇人, 鬼咩改跑哂 1400 同 1650. 4 歲馬無病無痛竟已迅速淪落至 C5.
馬匹本身以跟前守好位跑法較佳唯季尾 C5 ST1200 抽 10 檔自然無運行.
馬主亦已顯得無耐性並蟬過別枝往徐廄. 暑期再獲減 5 分真係好著數.
今季能掃番 2 - 3 win 並不稀奇.

圖片附件: 明月千山.jpg (2020-8-1 12:53, 169.37 KB) / 該附件被下載次數 4417
http://www.drhorsehk.net/bbs/attachment.php?aid=75979&k=d659bb6a9e53fccda13650d4e2f06a50&t=1795352193


作者: DrHorse    時間: 2020-8-2 12:30

備忘馬系列 (2)

隨著大摩榮休及希斯回歸, 今個暑期更多馬匹被安排轉倉.
無獨有偶, 今次筆者想講的也是一匹轉倉馬.

何廄的 B403 天地人, 讓大家來看看 ...



上季初於 HV1200 連取 2 win 升至 79 分後未能再進料質素有限, 再出 n 連敗換來快速減分至近季尾 65 分 r796 出戰 DT1200 遇偏慢步速,
史卓豐 居近尾 3 位置入直路後上追近末段造 22.66 全場最快料狀態已起.
匆出報首本 r825 HV1200 抽 7 檔亦唔算太差, 惜 潘明輝 攝唔到全程外疊望空埋門亦只係負個零馬位,
見 潘明輝 於轉彎至直路多次開鞭力策十分賣力, 加上暑期離開舊主轉投呂廄更顯季尾一役似搏失居多.

現只 5 歲無病無痛評分亦有利, 相信季初已可步署出擊交差.

圖片附件: 天地人.jpg (2020-8-2 12:30, 218.39 KB) / 該附件被下載次數 4347
http://www.drhorsehk.net/bbs/attachment.php?aid=75980&k=e5ad0a68715cf5068f3c4a3ed6187b86&t=1795352193


作者: DrHorse    時間: 2020-8-3 14:05

備忘馬系列 (3)

曾幾何時, 本地有一批泥地特佳馬評分上升至高位後無出路唯有轉戰杜拜或首爾, 誰不知有可能唔適應遠征或場地甚至跑壞馬而回.
徐廄 B083 豹子頭 正正係受害者之一. 唯幕後仍願意白養一整季至煞科日尾場 r828 於 HV1200 以超快步速放近料已養回.
新季初大可搏其他對手狀態未足追你唔到, 首戰 DT1200 料志在必得收番啲養馬費先唄.

見寫了十多篇, 睇有過百但讚好卻不過十有點削, 看來筆者所寫的內容欠份量.
作者: DrHorse    時間: 2020-8-4 12:12

備忘馬系列 (4)

坊間也開始見有不少媒體或人仕寫新季銀行馬系列, youtube 一 serach "銀行馬" 便有, 相信亦有利於馬迷們去儲埋一大堆目標待開季大開殺戒.
不過各施各法, 各有各策, 最好留意埋其觀點並細心思考, 別只人云亦云啊.
其中有一個頗大路的楝選銀行馬方向, 不妨同大家分享下 ...
這就是 "專吼上季 3 歲未勝但曾後上追過跑 3344 的質新馬".
一來, 起碼叫做識增速有一定競跑能力, 二來, 未勝 + 質新, 評分段估也有些上升空間吧, 若無傷患纏身新季要取 1 - 2 wins 相信並無難度.
不過, 這類銀行馬可堪稱為明星馬系列, 相信逢出必熱.
Anyway, 有無諗過, 若 4 - 5 隻備忘馬同場跑咁點攪 ?
作者: DrHorse    時間: 2020-8-7 11:46

備忘馬系列 (5)

當取得全季賽馬記錄後, 便可自設明星馬系列如下 :
1) G 欄設定 "3"
2) X 欄設定 "8,9,10,11,12,13"
3) Y 欄設定 "3,4"



跟住,
(1) 越近季尾馬越好, 所以從下至上逐匹去看便可.
(2) 末段達 22.x 較好.
(3) 下季仍由 C3 或 C4 起步較好.
找未勝馬, 就是這樣.

圖片附件: 明星馬系列.jpg (2020-8-7 11:46, 402.88 KB) / 該附件被下載次數 4369
http://www.drhorsehk.net/bbs/attachment.php?aid=75988&k=bd984a27a92ec06fead4f9c910f46f38&t=1795352193


作者: DrHorse    時間: 2020-8-7 18:00

心靈分享 :

[youtube]wywm4WHEqcU[/youtube]

該片為 2013 年上載, 而 7 年後的今天, 在科技不斷進步的狀況下, 可以更加更加及更加真實, 甚麼衛星圖片, 甚至拍攝, 係完全可以造假.
敬請記住 : 不被蒙騙, 眼見為實 !

以下另一條是 2018 年上載的, 的確更加真實.

咖喱啡快失業了, 連人都可以用電腦包辦.

[youtube]TDlcs3tkVJM[/youtube]
作者: DrHorse    時間: 2020-8-8 12:47

備忘馬系列 (6)

點解日前提及 "眼見為實" 呢 ? 賽馬錄影帶, 係要靠自己過目的. 有云力不到不為財嘛.
嘩, 睇賽馬錄影帶係苦差眾所周知, 同埋邊有咁多時間丫.
其實, 每場只係睇目標馬一隻就夠, 花不到 10 分鐘, 再配合 race matrix 投注便可.
在此分享少少睇帶心得和技巧 :
最常遇到的困難係, 出閘後揾唔到隻馬, 或睇睇下睇錯另一隻.
所以睇之前除檔位馬號外, 還可多了解其帽笠, 眼罩等的顏色. 必要時可用支筆篤住個 mon 去睇.
再者, 馬匹走位馬會官方網站也有, 若然只能平鋪直敘馬匹走位走勢而無法深討騎師發揮或練馬師心意者, 並無價值可言.
以下舉一匹寫法給大家參詳下, 就是明星系列名單中的再大大.
r819 的 再大大



先來看看官方描述 : 起步後收慢,趨近首個彎位時墮居尾三位置,離欄競跑。轉直路彎時移至最外疊。四百米處落後領放馬四個半馬位。最後二百五十米衝刺強勁,僅失季軍。
再來看看筆者的寫法 :
中等或稍偏慢步速, 出閘迅速沿外疊順留至近包尾 3W 有遮檔位置, 其間騎師向內側望了多次. 轉彎前曾呈現搶口難以控制景象, 斜出最外疊入直路初催策下有輕微內閃但修正後仍能增速上前, 打了 3 - 4 鞭後增速明顯更強勁至最後 200 催策幅度並無加強, 只輕描淡寫間歇地多打幾鞭已到終點. .......................

綜合結論筆者就不寫下去了, 至於分別, 大家可自行參詳參詳.

圖片附件: r819.jpg (2020-8-8 13:37, 190.33 KB) / 該附件被下載次數 4246
http://www.drhorsehk.net/bbs/attachment.php?aid=75989&k=96ae15af764cd064abca39a4d1e406b8&t=1795352193


作者: DrHorse    時間: 2020-8-9 14:01

Video Form 是甚麼?

「Video Form」 一詞, 普遍被稱之為「睇帶報告」, 相信自馬觀微先生的著作「無敵的馬神祕笈系列」面世後開始被馬迷廣範地認識.

屬於研究賽績類的馬迷相信佔了市場的絕大部份, 但紙上賽績只屬於 1D 賽績 (One Dimension), 走位同樣標示著 2-2-2-4 負兩個零馬位, 卻可能係兩個世界 : 一匹係極有利下跑近而另一匹係極不利下跑近. 單憑紙上賽績係無辦法分別得到的. 及後有馬迷加上如圖片, 平面走位圖甚至步速去評核, 變成 2D 賽績 (Two Dimensions). 走乜野位, 賺蝕步速, 那當然較 1D (One Dimension) 清晰, 亦勝在不太費時, 一般馬迷皆做得到. 但若要達至更高更精準層次, 例如馬匹是否已竭盡所能還是留以有待洗緊白白, 騎師十足發揮還是帶馬迷遊緊花園, 非通過賽事錄影帶不可 (3D, Three Dimensions). 亦正因如此, 即使專業賭馬集團, 無論係自行製作, 還是外判製作, 也一定會有加入「睇帶報告」作為重點參照.

至於馬會的官方走勢評述, 但都話明係官方的, 有些「重點」 睇到的也會當睇唔到, even 睇到亦不能寫, 所以, 只是一份基本評述, 若十分滿分嘛最多只值 4 分.

做「睇帶報告」除了要有一定的經驗外, 最重要係時間. 睇和寫一場賽事的「睇帶報告」起碼也要用上一小時, 一個禮拜便要用接近 20 小時, 絕不可能是業餘馬迷可以做得到的. 所以, 一個專業睇帶員的月薪不菲, 還未計花紅喎. 亦正因如此, 人材難求和為降低成本, 部份賭馬集團需外購 「睇帶報告」也是可以理解的.

十年前認識過一位專業睇帶報告員, 筆者當然能從中獲益良多. 估計其當時月薪已高達 4 萬另加花紅. 價值之高可想而知.
作者: DrHorse    時間: 2020-8-10 16:46

備忘馬系列 (7)

明星系列名單中, 順掃上去的另一匹, 就是 D143 的 龍鑽輝煌.
講開 r814 的 龍鑽輝煌, 就不妨先講下 蔡明紹 這位無磅減的華將.
玩馬仔有一段時間的朋友們, 都知道 蔡明紹 是跟 告東尼 告仔出身, 行內人仕叫 "師徒" 關係.
詳情不便公開多說, 只提兩個重點 : (1) 蔡明紹 是一位無磅減的華將; (2) 蔡明紹 與 告東尼 是 "師徒" 關係.



又先來看看官方描述 : 居中間之後位置,走第三疊。入直路時移出最外疊,保持佳勢至終點。
如果唔睇帶而單看文字, 即係居中後 3W, 直路走最外疊. 至於點為之 "保持佳勢至終點" 呢 ?? 字面上看應該係好野掛 ...

那筆者又會點寫呢 :
步速偏快, 末段不慢 (好快地多數會係咁) 出閘迅速沿外疊順留至中間 3W 略有遮檔位置 (點解唔算中後呢 ? 14 隻馬走位 8-11-4, 對不 ? 即係只在轉彎前才略為墮後. 原因很簡單, 你走外疊人地走內疊, 轉彎增速力不足便會如此) 斜出最外疊入直路初催策下反應平淡, 再打多 3 - 4 下重鞭亦只稍見增速, 末段力策兼再多打幾鞭亦只同速, 且表面上第 4 實質負 5 個馬位, 連 太陽戰馬 都威脅唔到.
綜合結論, 呢個第 4 好普通, 不值得高估. 再者, 這匹是澳洲自購馬, 來港後已出賽多達 10 次仍是三零步隊, 質素暫亦不宜高估.

大家又可以感受下, 齋睇字同唔睇帶的分別.

i.e. 龍鑽輝煌 不算是值得跟進馬.

圖片附件: r814.jpg (2020-8-10 16:46, 163.32 KB) / 該附件被下載次數 4023
http://www.drhorsehk.net/bbs/attachment.php?aid=76001&k=fd3ed79c7f252354c0855ff089c04e57&t=1795352193


作者: DrHorse    時間: 2020-8-11 13:30

備忘馬系列 (8)

再大大 及 龍鑽輝煌 數字上走位雖然相若, 但睇埋帶就會有不同解讀, 希望大家可以親自過目下和體驗下.
再數上去有兩匹, 而這兩匹馬也被某 youtuber 推介成銀行馬, 分別是 D345 天作之合 及 D352 簹多福.

又看看官方描述 :

r772 D345 天作之合
出閘不快,但走勢良佳,居中間之後位置,在馬匹之間競跑。跑過六百米處時移出較外疊,直路彎走第二最外疊。末段持續追前,以第四名過終點。初出表現良佳。



[youtube]pGG7Mkl8k6Q[/youtube]

r759  D352 簹多福
接近九百米處時勒避,居後半馬群中,走外疊。中段上前,持續多走腳程。入直路時落後五個馬位。末段衝刺強勁,所負不遠。



[youtube]rSuvnMgV_Qw[/youtube]

這位 youtuber "飛驃" 與筆者多年前曾在某論壇上碰過頭, 選馬水準不俗, 值得參詳.
不過, 其銀行馬系列暫時只寫的三隻. 請明白, 各位觀看讚好推介訂閱乃寫文者拍片者的原動力啊.

從筆者角度看, 兩匹均在 80 分起步, 簹多福 質素應在 天作之合 之上.
看馬會資料顯示,「簹多福」2018年在南非只以20,000南非蘭特售出,折算八千多港元,十分便宜。
$8000 港元, oh ... 同那些香港拍賣會的每秒鐘幾百萬幾百萬上落真係天同地比.

圖片附件: r772.jpg (2020-8-11 13:33, 197.81 KB) / 該附件被下載次數 5171
http://www.drhorsehk.net/bbs/attachment.php?aid=76002&k=606b171b6f4ee91b3f1be9a8daa43f32&t=1795352193



圖片附件: r759.jpg (2020-8-11 13:33, 191.85 KB) / 該附件被下載次數 4994
http://www.drhorsehk.net/bbs/attachment.php?aid=76003&k=027fb212989c9c2f98998123e4eb71c2&t=1795352193


作者: DrHorse    時間: 2020-8-12 16:23

關於 1D 賽績 (One Dimension), 2D 賽績 (Two Dimensions) 及 3D 賽績 (Three Dimensions) 相關資料普羅馬迷究竟可以在那�塈鋮鴝O ?

1D 賽績 (One Dimension) 於任何馬經馬報甚至馬會網頁也有, easy. 至於 2D 賽績 (Two Dimensions), 也可以通過馬會的速勢能量中 "賽績指引" 內找到, 包括當場步速及馬匹走位疊數. 唯一缺點, 就是要待該馬匹再出才有相關資料, 不能在賽後即知以便做定功課揾定好野.

如果想自己計步速係可以的 :
方法一 : 可自行記錄數季同班同程段速以制作平均段速作為標準表;
方法二 : 參考收費網站有關段速比較資料.

至於 3D 賽績 (Three Dimensions), 坊間暫唔覺有又平又靚又值得推介的. 不過, 對於普羅馬迷來說, 1D + 2D 已經夠贏.

今期以節錄自 : 無敵的馬神秘笈 Vol. 2 – 的一段作為總結.

賽馬競賽本身, 是一個公平與不公平交替出現的遊戲.不公平的地方是參賽馬匹有的排內檔,有的排外檔, 有的走外欄, 有的走內欄, 有的一路蝕位, 有的一步不蝕, 加上陣上意外多多, 鞍上人的發揮又各異, 令到一些馬吃虧, 同時又有一些馬得利.

如果你唔相信呢個道理, 代表你已經被洗腦囉.

筆者一直的格言 : 步速形勢 主宰一切; 時移勢逆 好馬不敵.
作者: DrHorse    時間: 2020-8-13 13:02

回想十多二十年前點睇帶, 當時仍停留在 TDK 錄影帶年代, 每次賽畢晚就錄賽馬結果.
依稀還記得 當時已經有18台, 賽馬結果會播 2 - 3 次, 走漏錄一次尚有得救.
翻睇就煩了, 帶倒來倒去, click 帶經常發生, 年中亦睇壞多部錄影機.

及後變了用 hard disc 錄制的時期, 但這個時期很短暫, 尤其 hard disc 一損壞就死得.

Nowadays, 互聯網的普及, 大大方便了. 倒來倒去, 定鏡, 一隻 mouse 攪掂哂

凡事應向好的方面想, 需知水能載舟亦能覆舟 若甚麼均向壞處去想 那你的人生只會活在痛苦 和恐懼之中.

講開又講, 有人問過筆者有否考慮再出售睇帶報告. 老實說, 筆者年紀已經有番咁上下, 將自家睇帶報告再變成商業產物需要額外人手和配套其一, 想要和願意付費的馬友太少其二.

坊間的確亦曾有出售「睇帶報告」的計劃, 記憶中好似係 3 千多元一季 (~ 7 年前, 但仍算超平 !) 不過該報告做唔長, 主要係無客 cover 唔到成本.

除非, 有上千個客戶, 每位每季僅需付千零就可以. 唯, 一個訂, 立時 free share 出街, 沒有知識產權和道義可言.

就讓筆者在此統計下, 留言你願意每月支付多少以獲得筆者的睇帶報告. $100 ? $200 ? $300 ? $500 ? or $50 ?

Honestly, 自覺有 50 人以上留言已是奇蹟, 莫說要 1000 客戶
作者: DrHorse    時間: 2020-8-13 21:30

或者, 大家可以試下隨機揾條片睇下, 睇完 12 - 14 匹後, 將感覺 x 18 場 x 4 星期 = 一整個月, 究竟應該值幾錢呢 ?
可能, 睇兩場已經想瞓覺 ... 趣趣地收你 $10 寫一場呢, 唔誇張吧, 也要 $720 一個月唄.
作者: DrHorse    時間: 2020-8-14 13:07

可能大家唔知道,「睇帶報告」也有分為商用和民用.

商用者, 多會將賽績轉化成評分或評級, 以方便賭馬集團量化及計算, 但就唔太適合一般馬迷.

而民用的, 就是要可直接地指出下次邊隻馬死得, 邊隻馬買得.

坊間媒體馬評人等, 或多或少也會公開地傳授大眾一些選備忘馬跟進馬竅門, 例如 甚麼 單打獨鬥 賽績優秀; 計下步速 秤下末段云云, 也有教下捉練馬師步署, 也有退休練馬師教下睇晨操, 看腳法, 真是林林總總啊 ... 但講句實話 : 試問你又跟得幾多種方法呢 ?! 更何況, 公開講得, 也是熱門居多.

n 年前, 坊間有人自稱冷殺手, 係頭條寫 blog. 他的㨂冷門法門, 真令人大開眼界, 有上百條之多, 例如 增程可爆, 縮程又可爆; 帶罩可爆, 除罩又可爆; 換人可爆, 唔換人又可爆. 仲好似話想收生學費高達 6 位數教你背誦他那百條心法.

坦言, 有用的, 只 3 - 5 竅門已可獨步天下, 又何需百條心法丫.. 有些, 連加減數都未識用唄.
作者: DrHorse    時間: 2020-8-14 13:11

早在 2013 年, 筆者已可單靠睇帶叫人重心買 40 倍的 雪風神駒 ... 仲要係 蘇狄雄.

http://www.drhorsehk.net/bbs/vie ... age%3D1&page=14

圖片附件: 雪風神駒.jpg (2020-8-14 13:11, 200.7 KB) / 該附件被下載次數 3430
http://www.drhorsehk.net/bbs/attachment.php?aid=76004&k=a51416d35580abb954e03f5cb74c4e65&t=1795352193


作者: DrHorse    時間: 2020-8-15 15:25

側聞已有首次從化馬試閘, 亦代表新一季度已越催接近. 大家開始要籌劃了.

今期讓一個有超過 20 年全職睇賽事錄影帶經驗的我, 來告訴大家一個祕密 : 睇帶報告有一半是垃圾 !

何解 ? 基本上, 一場馬近半數是沒有可觀走勢的, 例如全程居後, 無段好睇, 鞭推踢打都無反應云云, 睇同寫同評根本就係浪費時間, 浪費人力和物力且毫無得著.

所以, 睇帶根本不用全場睇哂, 懂揀和選已值回票價.

前排大家傾開 DrHorse 的睇帶報告一般大眾願意每月支付多少去睇呢 ? 有云 $50 -場 ? 一個月高達 $3600 相信只有大戶才願意唄, 亦有云 $500 一個月 ? 唔 ... 都有啲肉赤耶. 咁, 不如再減一半啦 ? 二百零有交易, 相信唔會好肉赤啦掛, 真正食餐飯都唔只, 相信大家有得諗下吧.

下季筆者計劃另開一個新頻度, 定期每次親自示範如何通過賽事影帶揾好野, 暫定每週分析 2 - 4 場賽事片段和 2 - 4 匹有潛在投注價值的跟進目標馬匹. 大家更可通過示範學習以增進自身能力, 以後便不用再睇人家貼士, 成為別人點心了
作者: rydlam    時間: 2020-8-15 19:15

引用:
原帖由 DrHorse 於 2020-8-15 15:25 發表
側聞已有首次從化馬試閘, 亦代表新一季度已越催接近. 大家開始要籌劃了.

今期讓一個有超過 20 年全職睇賽事錄影帶經驗的我, 來告訴大家一個祕密 : 睇帶報告有一半是垃圾 !

何解 ? 基本上, 一場馬近半數是沒有可 ...
期待Dr.新頻度

作者: DrHorse    時間: 2020-8-15 21:55

2016 - 2017 季度, 是一個很值得興奮和懷念的季度. 除了有兩位獨中大彩池的專屬學員外, 睇番曬命貼圖區 2016 - 2017 會員們簡直就係贏到開巷 ...

http://www.drhorsehk.net/bbs/vie ... &extra=page%3D1

睇完或許就會明, 筆者的功力在那一個層次, 寫一場分析又應該值多少.
Anyway, 自 2017 後, 筆者嘗試將大部份工作下放後, 再看貼圖區 2017 - 2018 及 2018 - 2019 季度, 頁數卻只有 2016 - 2017 的一半.
作者: DrHorse    時間: 2020-8-18 17:19

備忘馬系列 (9)

今期加碼再談 "增程"

有睇過馬迷會文章的馬友們, 應該會有印象筆者講過甚麼類形馬適合增程.

除了血統, 父線母線等被馬評人用以估計一匹馬適合增程與否,「合腳法」一詞亦常有所聞. 點為之「合腳法」落實很抽象, 筆者就唔係好識, 不過「翻步快慢」就較容易睇.

通過賽事影帶, 尤其是在直路平排衝刺時, 不難發覺有些馬匹翻步較慢, 別馬跑 4 步佢才跑 3 步, 這類馬就較適合增程.

葉楚航馬房 C341 紅旺 正正就是此類馬.

季內 r420 初跑 ST1400 快跟升 C3 也能兩捷的 高大威猛 唔算太失禮, 順提同場 帶榮來 後追第 2 當然係賺, 再出 r474 換 潘頓 又係浸人囉, 你有上當嗎 ? r474 條 Q 有接近 $450, 你有份嗎 ?

季尾 紅旺 再兩試一哩並不出色, 料還是步署在 ST1400 郁手較好, 下季若先用大師傅跑 1200 輸了再換人跑 1400 最好, 想必有分頭.
作者: Ecdb2917    時間: 2020-8-18 17:47

引用:
原帖由 DrHorse 於 2020-8-18 17:19 發表
備忘馬系列 (9)

今期加碼再談 "增程"

有睇過馬迷會文章的馬友們, 應該會有印象筆者講過甚麼類形馬適合增程.

除了血統, 父線母線等被馬評人用以估計一匹馬適合增程與否,「合腳法」一詞亦常有所聞. 點為之「合 ...
哈哈 ! 東方咁樣唱法 , 想成 熱都幾難喇 。

圖片附件: ScreenHunter 477.png (2020-8-18 17:47, 1.19 MB) / 該附件被下載次數 3271
http://www.drhorsehk.net/bbs/attachment.php?aid=76005&k=508f886c44c72bcec5d81cec34fbeae3&t=1795352193



圖片附件: ScreenHunter 478.png (2020-8-18 17:47, 19.8 KB) / 該附件被下載次數 3244
http://www.drhorsehk.net/bbs/attachment.php?aid=76006&k=619f8ea5be52cb992ae2d98f85168384&t=1795352193


作者: DrHorse    時間: 2020-8-18 17:55


作者: DrHorse    時間: 2020-8-19 12:53

[youtube]Dt0c4NKfHeY[/youtube]
作者: DrHorse    時間: 2020-8-19 13:10

香港最享譽國際, 莫過於電話騙案 ...
從前騙徒多針對受害人的貪念, 甚麼高科技零件, 瑞士山區肺, 你一貪就奶野.
近年香港人醒目多了, 騙徒就改方針唄, 祈福黨正式上市, 又得喎.
不過, 呃得雞碎咁多又要露面做戲, 電騙黨就應運而生.
說穿了, 就是騙恐懼. 利用香港人對大陸的恐懼, 呃錢實在易過借火.
"你的包裹有問題被扣留" 總會是順豐快遞而不會是 DHL 吧.
學者一般稱之為妄想症候群.
我有大量証據, 顯示明天外星人會打到嚟, 世界末日啦, 你仲反工 ?!   
作者: zeek    時間: 2020-8-20 07:58

引用:
原帖由 DrHorse 於 2020-8-19 13:10 發表
香港最享譽國際, 莫過於電話騙案 ...
從前騙徒多針對受害人的貪念, 甚麼高科技零件, 瑞士山區肺, 你一貪就奶野.
近年香港人醒目多了, 騙徒就改方針唄, 祈福黨正式上市, 又得喎.
不過, 呃得雞碎咁多又要露面 ...
全部同意,但最後個例子錯咗,港人就算世界末日都會返工的。
作者: DrHorse    時間: 2020-8-20 11:45

引用:
原帖由 zeek 於 2020-8-20 07:58 發表


全部同意,但最後個例子錯咗,港人就算世界末日都會返工的。

作者: DrHorse    時間: 2020-8-20 20:16

筆者 book 架上另有一 set 超經典系列, 相信唔係咁多人睇過啦掛 ...

第一冊出版日期為 1992 年, 第七冊出版日期為 1998 年

28 年前部份絕招, 28 年後依然有用。

28 年前, 已教你幕後點聲東擊西。

圖片附件: 贏馬之道.jpeg (2020-8-20 20:16, 157.5 KB) / 該附件被下載次數 3095
http://www.drhorsehk.net/bbs/attachment.php?aid=76007&k=84f290a6d6c1e400052af818934bb8a2&t=1795352193


作者: DrHorse    時間: 2020-8-21 03:16

大大部份賽馬集團, 均依靠著兩樣很重要元素運作. 資金 ? 呢個係必然條件, 就算你同我都要, 所以唔算.

分別就係 "數據" 和 "概率". 而 "數據係用嚟破" ?理論絕不可能是他們的其中一個投注方針.

大量和充足 "數據" 自然可衍生 "概率". "概率" 便等同於注碼分佈. 最簡單莫過於騎練合作, 2:0, 3:0 甚至 5:0 未算怎樣, 若十幾 : 0, 你又係咪願意放大量注碼去搏佢破數據呢 ? 當然你有你自由但唔合邏輯囉.

同一道理, 像騎練合作般的統計數據所生成的概率有很多, 大家又是否一直錯誤的將注碼不合邏輯地分配著呢 ?!
作者: DrHorse    時間: 2020-8-21 03:33

[youtube]bsywJi9GB9U[/youtube]

大衛希斯專訪, 值得一看.
作者: jordon1866    時間: 2020-8-21 08:49

引用:
原帖由 DrHorse 於 2020-8-20 20:16 發表
筆者 book 架上另有一 set 超經典系列, 相信唔係咁多人睇過啦掛 ...

第一冊出版日期為 1992 年, 第七冊出版日期為 1998 年

28 年前部份絕招, 28 年後依然有用。

28 年前, 已教你幕後點聲東擊西。
呢套書好似好有味道咁! 作者是誰 還在江湖嗎? 參考性大嗎?
作者: DrHorse    時間: 2020-8-21 13:51

作者叫 馬小威, 可稱得上為出有關賭馬書籍的前輩級人馬.
還在江湖嗎就不得而知.
至於參考性嘛, 待有時間在 Patreon 寫七篇共七冊的閱讀報告吧.
作者: DrHorse    時間: 2020-8-21 21:20



早前筆者提過, 見坊間有些程式一場多數給你 6 - 7 匹.
聽聞, 原來有些馬評人一場也提供 6 - 7 匹 ...
呢隻會近, 嗰隻拖多一注吧, 那隻四重彩腳.
唯, 筆者見他全場隻隻評, 結論呢隻劃唔死, 嗰隻或會近, 留留埋埋一大堆, 眼花又繚亂.
大家度馬也碰過同類情況嗎 ?


圖片附件: drhorse 1.jpeg (2020-8-21 21:20, 76.73 KB) / 該附件被下載次數 4417
http://www.drhorsehk.net/bbs/attachment.php?aid=76008&k=2fea00ae2c40e64b8a072cee687839dc&t=1795352193


作者: DrHorse    時間: 2020-8-22 16:04

話時話, 唔知 勞景暘 依家點呢 ?
作者: zeek    時間: 2020-8-22 18:32

引用:
原帖由 DrHorse 於 2020-8-22 16:04 發表
話時話, 唔知 勞景暘 依家點呢 ?
操守問題係馬會大戒,去澳洲發展掛
作者: zeek    時間: 2020-8-22 18:32

引用:
原帖由 DrHorse 於 2020-8-21 21:20 發表
76008

早前筆者提過, 見坊間有些程式一場多數給你 6 - 7 匹.
聽聞, 原來有些馬評人一場也提供 6 - 7 匹 ...
呢隻會近, 嗰隻拖多一注吧, 那隻四重彩腳.
唯, 筆者見他全場隻隻評, 結論呢隻劃 ...
有咁情況我一定飛走嗰場。
作者: zeek    時間: 2020-8-22 18:37

多年觀入錯行,紅旺一定會一直跑短用黎孭飛,臨尾有陣飛更好

有時我覺得紅旺出黎目的不是贏咯
作者: DrHorse    時間: 2020-8-22 22:39

引用:
原帖由 zeek 於 2020-8-22 18:37 發表
多年觀入錯行,紅旺一定會一直跑短用黎孭飛,臨尾有陣飛更好

有時我覺得紅旺出黎目的不是贏咯
你又估佢肯定收埋儲夠火一千夾生吞, 咁報短買定唔買好呢 ?  
作者: DrHorse    時間: 2020-8-22 22:41

引用:
原帖由 zeek 於 2020-8-22 18:32 發表


有咁情況我一定飛走嗰場。
個結論只係佢的睇法而已, 俾你可能單 Q 就攪掂呢.
作者: zeek    時間: 2020-8-24 16:54

引用:
原帖由 DrHorse 於 2020-8-22 22:39 發表


你又估佢肯定收埋儲夠火一千夾生吞, 咁報短買定唔買好呢 ?  
哩個馬房,賠率行先
作者: DrHorse    時間: 2020-8-24 22:00

"賠率行先" 可以被理解為熱門就輸, 冷門就搏.
如果有全季賽馬記錄資料, 就好容易可以查核一下.
先設定隔晚低過 5 倍為熱門, 冷門則不用檢索, 因為 6 - 99 倍均是冷門.
讓大家看看 "哩個馬房", 全季共 40 匹次, 共獲 9w3q5t, 勝出率 22.5%, 上名率僅 42.5%, 嚴格來說係偏低, 上名率應該起碼有 70% 以上才算正常.



圖片附件: DrHorse_01 Aug. 24.jpg (2020-8-24 22:01, 270.07 KB) / 該附件被下載次數 4306
http://www.drhorsehk.net/bbs/attachment.php?aid=76010&k=9c3507b0e8aed21353768e71538202d6&t=1795352193


作者: DrHorse    時間: 2020-8-24 22:24

但, 若細心去逐匹看, 部份熱倒馬如 得賞, 醉開心, 蒜頭爺爺, 再出也是熱食丫.
其次也有部份熱倒馬, 熱倒後一直至季尾也未如所料, 有賠率先郁, 而是一直至季尾都無影.
再細看嚴格計 只有 獎金大王 是熱倒後轉谷草爆, 唯 r643 一役是快步速被燒瓜, 轉谷草短直路偷雞成功.
究竟熱倒馬熱在何處, 還只是被吹熱而無實力的傢伙呢 ?

正如有人會說潘頓熱門常常輸, only because, 腦�堨u殘留著佢輸掉的熱門記憶, 卻抹去佢有些鴨仔照硬食的影像.
數據騙不了人 !
上季潘頓隔晚 3 倍樓下的馬共 101 匹次, 共取 34w, 17q.
雷神呢 105, 35w, 22q. 分別很大嗎 ? 勝出率較雷神 還高少少.
作者: DrHorse    時間: 2020-8-24 22:59



很多朋友會排出其 own 度馬次序 : 例如, 馬匹狀態行先, 往績行先, 操練行先, 飛數行先, 形勢行先, 步速行先, 線路行先 ... 林林總總.

究竟邊樣應該行先 ? In fact no fixed answer, 中到咪得囉, 係咪 ?!   

不過, 筆者只主張兩點 : (1) Measurable, 即可量化作為比較和計算到的; (2) Explainable, 即輸了可合理地解釋到的.

Simply say, 一匹狀態好, 往績強, 操練正, 飛數勁, 形勢優, 步速利, 線路合的馬跑輸了, 可以合理地解釋到的, 才可算是合格.

反之, 大部份馬評家又咪講同一堆野作為選馬依據, 但輸了一樣係當粉筆字抹去 ... no difference. 下次一樣係同一堆論調, 只不過是換上另一匹馬名而已.

圖片附件: drhorse 2.jpeg (2020-8-24 22:59, 102.58 KB) / 該附件被下載次數 4188
http://www.drhorsehk.net/bbs/attachment.php?aid=76011&k=df676f1d62a29af1b432e2e2724d9ce4&t=1795352193


作者: 路遙知馬力    時間: 2020-8-25 17:44

引用:
原帖由 DrHorse 於 2020-8-20 20:16 發表
筆者 book 架上另有一 set 超經典系列, 相信唔係咁多人睇過啦掛 ...

第一冊出版日期為 1992 年, 第七冊出版日期為 1998 年

28 年前部份絕招, 28 年後依然有用。

28 年前, 已教你幕後點聲東擊西。
呢套好野來,我全部都唔放過,不過依傢D人叻左,感覺冇以前咁有用,以前靠呢套野捉好多冷馬
作者: DrHorse    時間: 2020-8-25 18:15

其實, 28 年前賣 $80 已經係好貴了.
作者: DrHorse    時間: 2020-8-26 16:14

一般馬迷習性多會是,睇下呢個貼乜野,嗰個貼乜野;跟住就像執藥咁執, 呢個執兩隻啱心水的,嗰個又執兩隻合心意的,咪埋眼就買落去。

啱心水合心意嘛係啱你自己研究的心水丫,還是甚麼?既然自己有研究,又何需睇人地貼乜呢?一字咁淺:依賴!

筆者曾在悉心指導過幾位專屬學員後要求他們各自為不同場次進行研究和分析。初時好地地,但錯了一兩次後,自信心全動搖,除不去認真複審自己的步驟有無甩漏外,反而變為催向集體討論,甚至走去問其他人點睇和買乜野 ...

筆者只看在眼�堙A並沒有阻止。唯,該一刻起,你們離成功已越來越遠矣。
作者: DrHorse    時間: 2020-8-27 03:32

引用:
原帖由 zeek 於 2020-8-22 18:32 發表


操守問題係馬會大戒,去澳洲發展掛


圖片附件: DrHorse_01 Aug. 27.jpg (2020-8-27 03:32, 85.21 KB) / 該附件被下載次數 4053
http://www.drhorsehk.net/bbs/attachment.php?aid=76012&k=8d3cfb5ad23edcc1d9dc4dbb2c066a4e&t=1795352193


作者: DrHorse    時間: 2020-8-27 20:05

疫情回穩 周六起全港投注站於非賽馬日重開
作者: I'm阿朗    時間: 2020-8-28 11:49

引用:
原帖由 DrHorse 於 2020-8-27 20:05 發表
疫情回穩 周六起全港投注站於非賽馬日重開
又可能開下停下

[ 本帖最後由 I'm阿朗 於 2020-8-28 14:47 編輯 ]
作者: DrHorse    時間: 2020-8-28 17:24

引用:
原帖由 I'm阿朗 於 2020-8-28 11:49 發表

又可能開下停下
要開俾馬迷入定錢入戶口架啦.
作者: DrHorse    時間: 2020-8-28 17:27

對於每次只得三幾百本錢的小戶, 或者俾個玩法大家參詳下 -
每次只限刨兩場,及必須符合以下條件 -
條件 1 : 能批死隔夜大熱門三甲不入的場次;
條件 2 : 目標馬膽隔晚要 > 10 倍

玩法 : 先買條 Q+Qp 2 串 1, 分別拖一冷兩熱. 兩熱可選隔夜第二及第三熱, 一冷就選中段落飛百份率最高的 10 倍樓上 40 倍樓下馬. 有靈活玩, 想買幾多錢都得啦. 就當你百二買吧.

假若, 喂, 我只係敢批死隔夜大熱 Q 的另一匹也可以, 兩熱改選隔夜第一及第三熱便可.

跟手單場 Q+Qp 只買頭關, say $10 注, 即 $60 中唔到先補尾關, 但要 $20 注, 即 $120

so, 每日預最多 $300.

呢種組合連贏派彩平均都有 25 倍開外, 2 串 1 Q+Qp 即使中 $4, 隨時有 5 - 8 千落袋架. 一個月平均 8 天賽期中到 3 - 4 次好和味架啦.

邊度可以揾到目標馬膽隔晚仲要 > 10 倍 ? 你懂的.
作者: I'm阿朗    時間: 2020-8-29 12:55     標題: 回復 89# DrHorse 的帖子


作者: DrHorse    時間: 2020-8-29 16:41

引用:
原帖由 路遙知馬力 於 2020-8-25 17:44 發表

呢套好野來,我全部都唔放過,不過依傢D人叻左,感覺冇以前咁有用,以前靠呢套野捉好多冷馬
在第七冊末作者說第八冊會在 1999 年 9 月出版, 但我一直都買唔到. 你有嗎 ?
作者: DrHorse    時間: 2020-8-29 21:04

ewin 新功能嗎 ?



圖片附件: DrHorse_01 Aug. 29.jpg (2020-8-29 21:04, 32.37 KB) / 該附件被下載次數 4534
http://www.drhorsehk.net/bbs/attachment.php?aid=76014&k=9d29d3c2e1aeca5700dc7245681e88c9&t=1795352193


作者: DrHorse    時間: 2020-8-29 21:10

贏輸數簿 ...
作者: 路遙知馬力    時間: 2020-8-30 00:40

引用:
原帖由 DrHorse 於 2020-8-29 16:41 發表


在第七冊末作者說第八冊會在 1999 年 9 月出版, 但我一直都買唔到. 你有嗎 ?
應該全部都有齊,但太耐啦,都唔記得去左邊,可能都唔見左,因為搬過幾次屋
作者: DrHorse    時間: 2020-8-30 00:42

引用:
原帖由 路遙知馬力 於 2020-8-30 00:40 發表

應該全部都有齊,但太耐啦,都唔記得去左邊,可能都唔見左,因為搬過幾次屋
搵下啦, 經典大作嚟㗎.
作者: 路遙知馬力    時間: 2020-8-30 10:10

引用:
原帖由 DrHorse 於 2020-8-30 00:42 發表


搵下啦, 經典大作嚟㗎.
我記得好似冇出過
作者: DrHorse    時間: 2020-8-30 12:56

https://campaigns.hkjc.com/forec ... ol-2020_04#forecast



二重彩及單T合併彩池, 會否代表單T派彩更奀呢 ?!
到時睇下單 Q 和二重彩派彩相差幾多先.

圖片附件: DrHorse_02 Aug. 30.jpg (2020-8-30 12:56, 222.74 KB) / 該附件被下載次數 4499
http://www.drhorsehk.net/bbs/attachment.php?aid=76016&k=67e3566ff5c919a1fc16cc6f0efc3ca8&t=1795352193


作者: Ecdb2917    時間: 2020-8-30 13:20

引用:
原帖由 DrHorse 於 2020-8-29 21:10 發表
贏輸數簿 ...
Hahaha.

圖片附件: ScreenHunter 487.png (2020-8-30 13:20, 84.69 KB) / 該附件被下載次數 2933
http://www.drhorsehk.net/bbs/attachment.php?aid=76017&k=7a691eeda1f526dd691148bc3c8d70da&t=1795352193


作者: DrHorse    時間: 2020-8-31 17:33

又同大家講下祕密 ...

唔好覺得點解筆者一個暑假可以寫咁多野,實情係有一部份文章是筆者七年前寫落的。大家可以上 Google Search 下 "DrHorse" 就揾到當時係頭條日報頭條網 Blog 寫的賽馬筆記。重點是,賽馬的心態和做法,七年來一直不變。

亦有馬友想向筆者訂閱全套賽後評筆記。不諱言,筆者已不會全部賽事逐匹睇和逐匹寫,原因有很多部份早已說明了。所以嘛,即使閣下肯俾錢買筆者也無法提供。

唯, 筆者的 Patreon 頻道,大致上可將筆者豐富的全職賽馬經驗有限度地傳遞給馬迷們。在各位贊助了第一個月後,保証你一定會有興趣繼續贊助。有你地的贊助和支持,筆者自然會越有動力去睇和做。話唔定,下個暑假待疫情結束,馬迷會又可以再攪慶功宴。




歡迎光臨 駿薈馬迷會 (http://www.drhorsehk.net/bbs/) Powered by Discuz! 6.1.0