駿薈馬迷會 - Powered by Discuz! Board

標題: 2021 暑期隨心 talk [打印本頁]

作者: DrHorse 時間: 2021-7-19 12:13 標題: 2021 暑期隨心 talk

在過去的一年多裏，全世界各個國家均受到新冠肺炎嚴重打擊。

據報導，已幾可肯定疫苗是唯一出路。你打左未呀？

講開疫情，近日最熱哄哄的話題，首推話英國日日確診數字仍處高峰，卻照按原定計劃放寬防疫限制，更加容許唔駛戴口罩。

[attach]79374[/attach]

好多人都彈香港政府防疫功夫做得差；坦言，算是比上不足，比下有餘吧！知足者常樂也。

作者: DrHorse 時間: 2021-7-19 12:25

返來講馬仔。上季所舉辦的 "高手集結" 比賽完滿結束。感謝各位支持和參與。

http://www.drhorsehk.net/bbs/vie ... &extra=page%3D1

以下 10 位各可獲得馬會現金券 $200 ：

tony1969
wwe258
garyhoyk
jordon1866
lieddy
秋天的神話
Ecdb2917
SudokuTA
世紀之駒
MR.KWOK

另以下 4 位各可多獲得馬會現金券 $500 ：

tony1969
wwe258
garyhoyk
jordon1866

領獎方式，時間和地點會於八月初個別以論壇短訊通知領取。

至於下一個季度的全季終極比賽，在見過頭 4 名馬友的選馬策略，命中率和回報率後，方式有改變必要，且暫仍在構思中。

作者: DrHorse 時間: 2021-7-19 12:49

有人辭官歸故里，有人漏夜趕科場：

郭能走人，霍利時的兒子霍宏聲補上。

夾著連贏兩屆南非冠軍見習生殊榮，累積勝仗接近二百五十場，獲提早升格。

[attach]79375[/attach]

Anyway，若無支持，都係無符。所謂「無遮無扇，神仙難變！」

作者: DrHorse 時間: 2021-7-20 01:07

剛收到朋友發給我的新馬季賽程表，全季依舊有 88 個賽日。

9月5日開鑼 7月16日煞科。

[attach]79376[/attach]

作者: DrHorse 時間: 2021-7-20 13:36

雖然電子馬經已成行成市，不過，像筆者一樣的老一輩馬迷們，仍喜愛手執一份馬經刨馬仔那種感覺。

筆者睇開的那份馬經嘛，下季加價至 $10 份。

紙媒競爭非常大，但仍一定會支持！

唔知馬簿有無落實加價呢？

作者: DrHorse 時間: 2021-7-20 17:28

絕症（英語：Incurable deadly disease）是醫學意義上無法醫治的致命永久性疾病。(From 維基百科，自由的百科全書)

現今世界排行第一的絕症，應該是「死蠢。」

本季初嘛，筆者貪新鮮試下開 Patreon 寫文章，但因為訂閱人數與時間成本不如預期，且 Patreon 要收取服務費，筆者亦唔想全部轉嫁於訂閱朋友身上，試業 3 個月便暫停了。

不過，作為 Patreon 新手的我，不失為一個很好的體驗。

記得初期有位朋友訂閱了，幾天後看完就取消訂閱；下個月初又再訂，月尾前又再走。原來這樣就可以不用付費。

後來我發訊息給 Patreon 查問，獲覆原來是可以設定即訂即收費。

哈。。。人蠢真係無藥醫。

作者: lieddy 時間: 2021-7-21 21:28

鄭俊偉同何良係咪唔合格

作者: DrHorse 時間: 2021-7-22 16:42

引用:

原帖由 lieddy 於 2021-7-21 21:28 發表
鄭俊偉同何良係咪唔合格

都唔係好清楚

作者: DrHorse 時間: 2021-7-25 02:05

相信大家都收過大量「先生，你要唔要借錢找咭數？」的電話，

再唔係就是所謂「順豐快遞」：你有一個包裹 ....

再唔係就是「中國移動」：你張帳單有問題 ... 傻的嗎？我都冇用中國移動！

最近仲有一種如下：

[attach]79378[/attach]

嘿，你一 click 入就奶野！

導至依家凡見到唔識的電話來電，唔識的短訊一率唔接唔開。

但係咁其實又好麻煩，驚有啲緊急電話打來冇接，煩！

作者: DrHorse 時間: 2021-7-26 12:17

凡事有兩面，不應該過份放大一面而縮細另一面，否則就會形成偏頗。

筆者察覺有一位賽馬 KOL 好介意畀人話係「燈」，所以當佢一有貼士命中，就會大張旗鼓地喊說：「大家話我啲貼士係咪燈丫？！」

需知道貼士嘛一定有贏有輸，這是常理。貼士不濟時，被人柴下台話係「燈」其實無傷大雅，大可一笑置之。

若然一有命中就打鑼打鼓示威一般，咁，當你又貼唔中時，別人隨時會反咬得你更深，只會自招煩惱。

成功非僥倖；煩惱皆自尋。

作者: DrHorse 時間: 2021-7-26 16:02

閒來在家睇東奧，就會體驗到甚麼叫做心理質素。

有些單對單的比賽項目，例如乒乓球，若連續輸掉兩三分後，該局就很容易兵敗如山倒。

賭馬也許會是一樣，若連續輸掉了兩三場後，後面場次信心即被大大動搖，減注縮注甚至放棄，亳不稀奇。

若自問心理質素不佳的馬友們，不妨諗下一早買定哂睇跑馬罷了。

作者: DrHorse 時間: 2021-7-28 12:17

引用:

原帖由 DrHorse 於 2021-7-25 02:05 發表
相信大家都收過大量「先生，你要唔要借錢找咭數？」的電話，

再唔係就是所謂「順豐快遞」：你有一個包裹 ....

再唔係就是「中國移動」：你張帳單有問題 ... 傻的嗎？我都冇用中國移動！

最近仲有一種如下： ...

[attach]79380[/attach]

奶野 la !

作者: DrHorse 時間: 2021-7-28 23:18

新季度計劃大致諗好了。

(1) 本會將重收 VIP 會員，但只限舊會員回歸，皆因只有舊會員才懂我啲 tools 點用，我亦唔打算再教新人。有興趣者可以私下 send 短訊或 WhatsApp to me personally。記得話我知你係邊個。

(2) 我下季會重寫等同我曾在 " Patreon " 內寫的賽後賽事分析及目標群組，全季 hk$40 x 88 次 = hk$3,520。有興趣者可以 WhatsApp 至 65458808 或電郵至 info@drhorsehk.net 與謝小姐聯絡。我會在本會 forum 另開專用區域。Patreon 嘛則不會再寫了以節省服務費。

3) 下季仍接受獨立訂購 (a) 走蝕位仍近馬名單 or (b) 賽日各場賠率表 or (c) 賽馬結果資料總表，每項每次收費 hk$15 each x 88 次 = hk$1,320. 有興趣者可以 WhatsApp 至 65458808 或電郵至 info@drhorsehk.net 與謝小姐聯絡。發放方式與上季相同。開季前我會利用 7 月份部份賽事幫大家做一些 review 和提供一些看賠率表指引。早 join 可以問野，開咗鑼就唔會再答。

8 月 2 正式上班。

作者: DrHorse 時間: 2021-7-29 12:47

佛經有云：「一念天堂，一念地獄」

活著，不僅要學會如何經營好自己，更要學會如何去處理和別人的關係。為自己想的同時，若是能夠為別人想，這就是做人的真諦。你能化解自己的煩惱，也能為眾生解決苦痛，那麼你已經能真正的體會活著的意義。

在這個世間，理解你的人，不需要你去解釋；不理解你的人，你再多的去解釋也是枉然。

做人，就要有智慧，沒有智慧就要去不斷的學習開啟智慧。敢於為別人承擔、敢於為自己承擔，這是大智慧的修行。

我們時常都會懷疑別人，甚至不理解別人，總帶著有色的眼睛去看待別人，把別人往壞的地方想。一個經常有負面情緒、消極情緒的人會造成精神上的奔潰，甚至會損傷自己的大腦。很多的精神病人的情緒都是非常消極，導致腦損傷而造成

一個人若是長期的用消極的情緒去看待別人，總是想著別人會傷害我、玩弄我、誹謗我，這樣的想法會造成自己的思考能力下降。因此，我們應該要保持積極樂觀的心態，樹立正確的、堅定的信念，心生善良、慈悲、仁愛來消除自己的負面情緒。你想通了，你就解脫了。

人心可以締造天堂和地獄，一念天堂，一念地獄。我們想得通了，就如活在天堂；我們若想不通，就如活在地獄。因此，你要有智慧要解救自己，你開悟了才能逃出地獄的折磨。

作者: DrHorse 時間: 2021-8-1 00:15

相信大家身邊或許會有一種暫且稱之為「朋友」的人，即使單對單討論又好，一大班人討論又好，怎樣類別的話題也好，「他」的目標並唔係要認真探討，交流意見，㝷求真相，而係要「包拗頸」，誓要拗贏你為止。甚至不惜講大話，務求令其他人相倌佢。即使你拿出了真憑實據去踢爆佢，佢最多係唔出聲扮聽唔到，亦絕不會道歉。

筆者就體驗過不少：

有一次是這樣的：最後對方的結語係「我無論點都係唔夠你講架啦！」。
另外有一次是這樣的：最後對方的結語係「你改變唔到我，我改變唔到你！」
又有一次是這樣的：最後對方的結語係「我相信的根本就懶得去求證！」
再有一次是這樣的：最後對方的結語係「我覺得係就係㗎啦！」

哦。明白了！你啱。。。

記住，千萬別再拗落去，否則，佢只會對你懷恨在心。將來只會不斷在暗地裏講你壞話，甚至講大話去抹黑你。

作者: DrHorse 時間: 2021-8-1 00:46

最近有單新聞是這樣的：有網民批評何詩蓓自私，迫使其他隊員去放棄 4 x 200 接力造就佢去奪金；亦有網民批評游水隊棄權沒有體育精神。

咁，一位運動員背後要為比賽付出幾多時間，努力，心機，血汗，甚至傷痛，又豈會是各位鍵盤戰士，冷氣軍師可以體會得到的呢。
所以，只有運動員自己才最有資格去決定比唔比賽。乜你認為準備咗咁耐冇得比賽心情會好受嗎？旁觀者只需要俾鼓勵同支持便好了。

作者: DrHorse 時間: 2021-8-2 01:34

8 月 2 日正式上班啦。

(1) 在 2018 年時，筆者曾經開定帖打算同大家傾下關於 "賭馬方程式"，唯賽期緊湊煩忙，後來無左件事。

http://www.drhorsehk.net/bbs/vie ... &extra=page%3D1

一講 "賭馬方程式"，絕大部分馬友都認為係一個「膠 POST」。賭馬邊有必勝方程式架，唔去馬有意外甚至墮馬，邊有得計架。樓主夠鐘食藥未？！

咁，在討論有無方程式前，先來定義點為之方程式。

唔講馬仔住，先和大家玩個抽啤牌遊戲：一幅啤牌 52 隻，right ？筆者做莊隨機抽一隻，你可以買開公仔定唔係開公仔，開公仔或唔係開公仔賠率相同，一賠一。

哦，小學生都識，一幅啤牌 52 隻只有 12 隻公仔，40 隻唔係開公仔，梗係買唔係開公仔啦。

Fine，係咪瞓身買唔係開公仔就中硬呢？Of course NO 啦，但長買唔係開公仔，按機率計，越多盤數便越穩贏。「長買唔係開公仔」，便是一種「程式」。

當年顧鳴高的「程式」被通了天，據知也不是買乜中乜的程式，只係用對沖方式盡量買哂最有機會開出的組合，目標只要派彩可全 cover 注碼，即係 say total 買了 $100,000 而派得番 $100,000 便算成功。

喂，買 $100,000 派 $100,000 咪得個吉！此言差矣，他的「程式」主要就是賺回扣。Say，買 $100,000 有 $95,000 是輸掉的，以馬會當年俾 10% 回扣計，就會賺 $9,500

待續。。。

作者: DrHorse 時間: 2021-8-2 23:54

(2) 一提到「對沖」，就即時會衍生更大堆疑問：

喂，賭 $100,000 才贏 $9,500，不如唔好賭。中隻 place 都唔只啦！

哦，「對沖」丫嘛，但係買嗰陣十倍跑完得五倍咪蝕死？！

一來，選擇得行這類公式化投注，嚴格計就談不上是賭博。大家心想要嗰種買乜跑乜的程式根本就唔存在。

就算練馬師話博，騎師話博，馬主話博，甚至馬房上下都話博，都唔一定會十拿十穩。

不過，坊間假設了賠率變化代表練馬師話博，騎師話博，馬主話博，甚至馬房上下都話博的理論及商業服務則應運而生，這一點筆者留在下一個題目再講。

二來，就以上季八百多場頭馬為例，閘前倒水超過 10% 的只佔三百多場，反而回飛勝出的也亦有三百多場，事實係半斤八兩而已。

唓，賭 $100,000 才贏 $9,500，一次射穿窿就無哂啦。

咁，只是說買了 $100,000 而派得番 $100,000 便算成功，不代表不可以派彩更多。顧鳴高的「程式」已經話咗畀大家知季季有斬獲，否則都唔會有訴訟出現唄。

待續。。。

作者: DrHorse 時間: 2021-8-3 00:37

引用:

原帖由 DrHorse 於 2021-7-19 12:25 發表
返來講馬仔。上季所舉辦的 "高手集結" 比賽完滿結束。感謝各位支持和參與。

http://www.drhorsehk.net/bbs/vie ... &extra=page%3D1

以下 10 位各可獲得馬會現金券 $200 ：

tony196 ...

They are ready.

[attach]79381[/attach]

作者: DrHorse 時間: 2021-8-3 00:43

引用:

原帖由 DrHorse 於 2021-7-28 23:18 發表
新季度計劃大致諗好了。

(1) 本會將重收 VIP 會員，但只限舊會員回歸，皆因只有舊會員才懂我啲 tools 點用，我亦唔打算再教新人。有興趣者可以私下 send 短訊或 WhatsApp to me personally。記得話我 ...

有舊會員問道，時間太耐唔係好記得我啲嘢點用。

Fine，開鑼前送免費面對面一次性補課 3 小時。名額只限五個，先報先得。

作者: DrHorse 時間: 2021-8-3 19:30

(3) 究竟有無保証不會射穿窿的投注方法？

有。就係買全餐。

[youtube]RRrw2XkaFm8[/youtube]

一場馬 say 出足 14 匹, 只要買哂 14 匹 win，就係必中囉。

唓，即使利用對沖方式去投注，也必然輸馬會抽水，何來必勝，必輸就真唄。

咁，筆者多年前曾經與一位任職賽馬集團人仕傾過計，他透露了一個其集團在使用中的必勝投注方法。

今次就透露少少，考下大家估唔估到佢係點做：

前題是，佢一樣係用「對沖」方式投注，但買哂所有即 14 匹 win。

重點係，佢究竟用乜野方法「對沖」埋馬會接近 18% 的抽水呢？！

貼士：何解馬會近年要給予大額投注 10% 回扣？

待續。。。

作者: DrHorse 時間: 2021-8-4 13:58

(4) 一看到貼士，大家就很容易聯想到與外圍投注有關。

事先聲明啊，在香港投注外圍並不合法，筆者並不推展，在此純粹學術討論。

咁，相信有些馬迷都聽過吧：

一，香港賽馬會賠率與外圍賠率並不一定掛了勾，外圍賠率隨時好分過香港賽馬會賠率很多。
筆者就有一位身在澳洲的會員，在澳洲當地投注而證明賠率比香港高。

二，有很多外圍投注均有打折扣，即是中就收足，輸就可獲打折扣。

如是者，猜利用 (一) 香港賽馬會賠率與外圍賠率的差別做「對沖」亦頗合情合理。

唯，以該集團人仕所述，他們是利用 (二) 外圍折扣。

哦，一來，外圍折扣竟可高至超過 18% 以「對沖」馬會抽水嗎？二來，你賭馬集團識計佢外圍集團一樣識計，變相外圍集團咪輸實，怎會受你注咁笨！

嗯，他們的其中一個做法，就是同時幫襯多間外圍，提供大額和固定投注以換取高折扣優惠。

待續。。。

作者: DrHorse 時間: 2021-8-5 14:10

(5) 該集團的「程式」，並不是全部賽事均合用。遇有 2.x 頂頭大熱或有 99 倍大冷便不適用了。

其實嘛，有無所謂的「程式」並唔係普羅馬迷所關注的，最關注的反而係，你可唔可以畀條程式我？

哈哈，聰明的各位應該看得懂，即使話畀你聽點做，你都冇本事照做。

一，海量的賽績和數據，隨時有過百項篩選因素 (factors)。

二，大量和需要快速，及時的計算和投注所牽涉的人力和技術。

三，龐大的本金。

大家心想要的「程式」，仍是嗰種，㩒個制就知買乜同跑乜的程式。

坦言，如果真係有，邊個會咁笨實擺上網任人睇丫。亦正因如，假設了賠率變化與賽果掛了勾的商業服務則變成一個市場賣點。

待續。。。

作者: DrHorse 時間: 2021-8-6 13:52

(6) 跟「賠率變化」去賭好處不言而喻，就是賽前不用點準備，甚至唔使識馬，志在搭順風車，上碟即食，甚得繁忙的都市人歡心，貴貴都有馬迷肯幫襯。

坊間較為出名的應該是「M 某某」，其年費據稱高達 2 萬有多，就是將馬會各個彩池變化轉變成各式各樣的圖表去展示，你問筆者感覺嘛就是花多兼眼亂耶。

咁，賽馬是 Money Game 絕對沒錯，但，錢，本身就沒有識認，呢一注 10 萬飛是誰落的 God knows。

是真正幕後飛，還是賭馬集團的「對沖」飛呢？究竟係搭啱定搭錯順風車呢？？

再者，計飛真的要計埋連贏位置連贏，單 T 甚至三重四重彩彩池才有意思嗎？！計錢很合理但計飛便用不著，多唔一定有用。還有，多數要等到最後一刻始能匆匆落注。

然而，跟「賠率變化」去賭也有一些壞處：

一，就是場場都會賭，因為場場賠率都會有變化去吸引你落注；
二，每匹馬某一刻的賠率變化，都會觸動你的神經，拖唔拖埋好呢？
三，跑完先見到變化，唔係未見過吧！

待續。。。

作者: DrHorse 時間: 2021-8-9 15:24

(7) 閒來多數睇 youtube 打發下暑假，看到有兩條頗有意思的片同大家分享下：

先唔講第一條。另一條係咁，影片輯錄了一場乒乓球比賽。

影片中所見某個國家運動員表現神勇，連環發球和扣殺得分，打到對方落花流水。給所有人感覺這位運動員技勝一籌，有壓倒性的優勢。

唯，有一位網友十分眼利並留意到，只贏不輸，唔係掛。。。

無他，影片係「輯錄」，經過了剪輯而錄製，只輯錄某個國家運動員得分情況，失分則抹哂，造成放大縮細，斷章取義的假象。

如果作者手尾好啲，剪埋最終比分，甚至利用電腦科技去改埋比分都仲得。

講番賽馬，有些標榜著知悉某種出擊模式，例如，say，最後一課由副練親試就是出擊，並列出了一堆成功例子。嘩，好勁。

Fine，咁，出現相同模式但奶野的又有幾多先。。。呵呵，被抹哂！你請不要問，他亦不會答。

相類似，有些標榜著知悉某種落飛模式的商業服務，又堆出一些成功例子瘋狂放大。唯，相同模式但奶野的呢。。。

正常不管用甚麼方式進行投注，有贏有輸平常得很，過度放大實在唔理想。

待續。。。

作者: DrHorse 時間: 2021-8-10 12:59

(8) 任何種種「真相」，都是要靠自己去發掘或合適地體驗下，絕不是人地講你就信，特別係而家資訊爆炸的年代，無限放大到處都存在。

所謂大戶飛，究竟係乜東東？「大戶」者嚴格計應可分為三類。其中一類係馬主或相關人士，較容易從練馬師或馬房中人得到資訊，繼而投注，得唔得則另計，常常被「煽」的馬主其實多不勝數。

第二類係集團式資金，真正以研究賽事和在進行分析後投注。

最後一類就係本身投注額就是很大的馬迷，每秒幾十萬幾十萬上落嗰類。

第一類「大戶」的賭法，多數是主力買 WP 及孖寶，而孖寶嘛，又多數是買上射。

咦，點解是上射而非下射呢？大家可以自己諗諗。

第二類「大戶」的賭法，則多數是一籃子組合式投注，而差不多所有彩池都會沾手，左右包抄。

第一類，不難明白，通常可以反映出的意欲；而第二類，就是反映出馬匹客觀實力。

咁，話說回來，如果係想利用賠率做主導，應該搭第一類「大戶」的順風車，還是搭第二類「大戶」的順風車呢？

待續。。。

作者: DrHorse 時間: 2021-8-10 18:50

(9) 賭場相信大家都去過。有林林總總，各式各樣的賭具，甚麼「輪盤」「大小」「百家樂」「21 點」云云。

每種賭法，賭客的贏面不一，有高啲亦有低啲。在職業賭客眼中，只有「21 點」，是賭客有較大機會能贏莊家的。

各位只要在 Google 神打「21 點算牌方法」，便會找到一些相關的算式表。

筆者曾有幸地認識到一位職業賭客，他說這些網上算式表，早已被改良，去針對不同賭場的規則。

該位職業賭客嘛，曾應邀出席本會的暑期飯聚，相信很多舊會友都有印象。

算式表大致上是說，在莊家幾多點而閒家幾多點應如何應對，要？唔要？加注？定分。。。

算式表背後，就是機率。想利用機率贏錢嗎？唔該你先背咗佢。

[attach]79388[/attach]

待續。。。

作者: DrHorse 時間: 2021-8-10 19:08

[youtube]vt45DJIqStw[/youtube]

作者: DrHorse 時間: 2021-8-11 18:08

(10) 如何將「機率」有效和切實地應用在賽馬投注上？

甚麼是「機率」？

機率（英語：Probability）是集中研究機率及隨機現象的數學分支，是研究隨機性或不確定性等現象的數學。
機率論主要研究物件為隨機事件、隨機變數以及隨機過程。
對於隨機事件是不可能準確預測其結果的。(From 維基百科)

喂，賽馬好明顯就唔係隨機運動，如何能跟「機率」扯上關係呢？

對。套用在賽馬投注上的「模式」，不應該叫做「機率」，正確應稱之為「趨勢」（英語：Trend )。

「趨勢」Trend 不單單是依靠或然率，而是需要利用「大數據」Big Data 作為分析基礎。

然而先前筆者提及過的「M 某某」，近季也就加入了某種「趨勢」。

例如，那個練馬師或那個騎師有那種落飛模式成功率較高，這種資訊就很有用了。

其實香港賽馬中有不同班次不同場地不同路程不同分佈，大家可能唔知，每款也均有不同「趨勢」。

就像在「21 點」中，閒家 12 點，可以是 2 10，3 9，4 8，5 7，甚至 6 6。莊家可以是任何 A - 公仔。每款均也有不同打法。

待續。。。

作者: DrHorse 時間: 2021-8-12 17:33

(11) 暑假眨下眼嘛就過了一半，係時候開始準備新馬季了。

從前筆者在 DrHorse Patreon 頻道教過的刨馬 Short Cut 大家仲記唔記得點用㗎，今日開始就會在「尚駿會普通會員專區」內醒個「季前雞精班」俾大家補一補先。

「尚駿會普通會藉」並包括：等同筆者曾在 " Patreon " 內寫的每場賽後賽事分析及目標群組，全季 hk$40 x 88 次 = hk$3,520。與去季訂閱 DrHorse Patreon 每月 usd $38.0 價格相約。有興趣者可以 WhatsApp 至 65458808 或電郵至 info@drhorsehk.net 與 marketing 謝小姐聯絡。

[attach]79390[/attach]

作者: DrHorse 時間: 2021-8-13 20:02

(12) 相信唔係好多馬友睇過：何澤堯講解何謂賽道偏差及移欄

[youtube]WG4tKpEPTHk[/youtube]

作者: DrHorse 時間: 2021-8-14 15:55

(13) 季尾筆者曾分享過如何用 $288 搏 3T，就是用 1 拖 4 & 1 拖 4 & 2 拖 4；6 注 x 6 注 x 4 注 x $2 = $288

依據過往多季的數據顯示，三甲全開熱或全開冷的「趨勢」相對地低。尤其，三甲全開正熱門，中都無用。

而普遍三甲以 1 熱 2 冷或 2 熱 1 冷組合而成居多。注意：是普遍，不是絕對。

所以嘛，1 拖 4 組合建議可用 1 熱拖 4 冷或 1 冷拖 4 熱模式；雙膽可用 1 熱 1 冷拖 2 熱 2 冷，又或是 2 熱拖 4 冷，又或是 2 冷拖 4 熱。

單 T 過關或玩孖 T 也合用。

關於 6up，也可用 $288。就是以 1 隻 x 1 隻 x 3 隻 x 3 隻 x 4 隻 x 4 隻 x $2 = $288

至於那兩關可用 1 隻，就考考大家功力罷了。

作者: DrHorse 時間: 2021-8-15 17:55

(14) 東京奧運已是曲終人散。

相信大家都看得明白，成功往往是需要天份加上後天努力，而不是心存僥倖。

兒時班裏有兩位同學一男一女，一個很聰明但不算勤力，另一個不算很聰明但很勤力。

兩個年年爭全級第一爭崩頭。五年中學生涯中，結果女方四勝一負。

猜猜看，女方是聰明但不勤力，還是不聰明但勤力？

古有名言：將勤補拙，不是吹水。女方就是不聰明但勤力的那位。

若然心中有真正目標，自然會努力不懈去達成，好比溝女一樣，莫非懶懶閒，等人地去追你嗎？

學賽馬也是一樣，想贏錢就自然會努力不懈去學，並非懶懶閒，不如幫你買埋收埋錢搭埋車送上門好未？！

待續。。。

作者: DrHorse 時間: 2021-8-15 18:44

(15) ：「對呀，我就係想你幫我買埋收埋錢搭埋車送上門。」

嘿，通常啲大老板都係咁諗，當開間公司請你幫佢打工賺錢一套有錢佬模式，見怪不怪嘛。

這種打工模式筆者曾經做過 3 年就無再續約，原因很簡單，一來培訓唔出很得力助手，凡事親力親為辛苦，二來老板慣性要求會越嚟越多，吃不消。

這種工作模式通常都係底薪加年終花紅，而首年會加入試用期，開季 3 個月後仲係負數自然要終止。

還記得當年筆者不要底薪，改要佣金，每場 $1,000，幫我買埋落去，派幾多佣金就幾多，年終花紅另計。

筆者走之前嗰年已升至 $3,000 一場，叫做唔錯；年終花紅有 7 位數，當然只係 "1" 字頭。

之後同一套模式筆者曾經嘗試打造過，底薪 + 佣金 + 花紅培訓人材去做，但是唔成功，與合伙人一同丟了接近 50 萬。

待續。。。

作者: DrHorse 時間: 2021-8-16 15:44

(16) 做生意嘛有賺有蝕，好比賽馬有贏有輸，正常不過，最緊要輸得起，拎得起放得低，唔做輸打贏要。

去年暑假再拜訪舊老板聚一聚，閒談間娓娓道出開檔不成的經過。

他結語說道：「你只是擅長賽馬而不是擅長找人和管理，還是疊埋心水放在馬仔身上吧，相信啲馬仔更加聽聽話話。」

嘿，無奈。

作者: DrHorse 時間: 2021-8-17 17:52

(17) 筆者去季曾經提及過，近年較有系統性,，主要焦點在賠率分析的有 Money Flow 及競馬の科学。

據路人甲報料道，競馬の科学自被爆出造假飛後，其 facebook 專頁已於 2020 年 10 月打後沒有再更新了，看來已摺埋。

代之而起，堅仔賽馬近季加入「⼤手升跌功能」，一於加入跟落飛揀馬行列耶。好處筆者提過了，可一并吸納好忙無時間做賽前準備的馬迷嘛。

再者，其老細都算肯揼本，請專人每次賽前拍片分享貼士之餘，亦請靚女拍檔做現場直播，算係做得有聲有色架，大家可以去 youtube 找找。

作者: DrHorse 時間: 2021-8-18 15:31

(18) 曾經有學員嘆道：跟筆者學左都無用，都沒有很多時間試做和練習。

咁，兩睇。一來，依家有機會學你唔學，將來未必再有機會。十年前筆者只收 $400 一堂 3 小時，仲有餐吃添。
http://www.drhorsehk.net/bbs/vie ... &extra=page%3D3

六年前筆者為找數 (公開答應過開，唔係爭人錢要找數嗰種，勿誤會耶) 開多一次收 $1,000 一堂 4 小時，亦有餐吃。
http://drhorsehk.net/bbs/viewthr ... age%3D33&page=1

今天嘛，唔想亦不會再攪了。

不過現在可以通過申請做尚駿會普通會員 (to replace Patreon)，簡簡單單學番幾招散手傍身，仲唔會咁容易畀坊間商業服務誤導。

再者，學些基本功，起碼都會睇得明筆者係賽後分析寫乜嘢。

點解呢隻今次唔買得，點解嗰隻下次可補中，幾時要吼實。

筆者唔會再係賽後分析教大家 1 + 1 = 2；2 x 3 = 6 架啦。

DrHorse 啲賽後分析得唔得？大家自己睇唄！四串高達 740 倍。

[attach]79407[/attach]

http://www.drhorsehk.net/bbs/red ... o=lastpost#lastpost

作者: DrHorse 時間: 2021-8-18 17:51

引用:

原帖由 DrHorse 於 2020-8-18 17:19 發表
備忘馬系列 (9)

今期加碼再談 "增程"

有睇過馬迷會文章的馬友們, 應該會有印象筆者講過甚麼類形馬適合增程.

除了血統, 父線母線等被馬評人用以估計一匹馬適合增程與否,「合腳法」一詞亦常有所聞. 點為之「合腳法」落實很抽象, 筆者就唔係好識, 不過「翻步快慢」就較容易睇.

通過賽事影帶, 尤其是在直路平排衝刺時, 不難發覺有些馬匹翻步較慢, 別馬跑 4 步佢才跑 3 步, 這類馬就較適合增程.

葉楚航馬房 C341 紅旺正正就是此類馬.

季內 r420 初跑 ST1400 快跟升 C3 也能兩捷的高大威猛唔算太失禮, 順提同場帶榮來後追第 2 當然係賺, 再出 r474 換潘頓又係浸人囉, 你有上當嗎 ? r474 條 Q 有接近 $450, 你有份嗎 ?

季尾紅旺再兩試一哩並不出色, 料還是步署在 ST1400 郁手較好, 下季若先用大師傅跑 1200 輸了再換人跑 1400 最好, 想必有分頭.

真係估唔到去季在 1400 執了 4 win.

作者: DrHorse 時間: 2021-8-18 17:53

http://drhorsehk.net/bbs/viewthr ... page%3D1&page=7

唔好叫 on cc 吧, 不如就 on 99 ...

作者: DrHorse 時間: 2021-8-21 16:13

(19) 有一位頗廣為人認識的馬評人，曾當著電視機前觀眾說道：「如果我的貼士成日中，我就唔會坐係度同大家做節目啦。」

喂，好老實亦中肯丫。但，其曾經在 facebook 被人質疑，有料就唔駛賣啦時，又是另一個說法：「如果用這思維，基金經理就應該只管理自己d錢，沒原因替客户操盤啦！」

咁，賽馬運作同基金運作完全是兩個世界，單單就講個 pool size 已經是差天共地。基金，係要利用很寵大資金才會有大作為，與賽馬不同，筆者就覺得不應相提並論。

作者: DrHorse 時間: 2021-8-21 16:35

(20) 同一個問題，都會有人問筆者：有料就唔駛賣野啦。嗯，其實都答過好多次，而答案亦不會改變。

1) 筆者並唔係要靠賣野賺錢開飯，若然只靠每人每月嗰幾舊水，應該餓死了，更不會 15 年前就可以退休全職賽馬。

2) 筆者從不崇尚只提供答案，而是教授方法。即係，即使下次筆者不提供，你都應該自己識揾投注目標。

3) 幹嗎要教人？一個人一對手，做得幾多又做得幾耐丫。教人就係為了一齊去做，一 team 人去做。

4) 點解要收錢？一來筆者的知識不是垃圾，自然有其價值；二來世上不應有免費午餐。

叫做跟筆者學成而下山開檔者大有人在也。

作者: DrHorse 時間: 2021-8-21 18:01

例如，前季教過看翻步的葉楚航馬房 C341 紅旺，上季就於 1400 狂掃 4 win。

之後，筆者不一定會持續幫大家揾其他目標架，教左便可以自己揾。

糖糖幸運囉，偶然幫手揾一隻半隻吧。

Anyway，曾經有過學員嚷著說，筆者唔再幫手揾，就係收埋食。

呵呵，筆者無話過會幫你入去試場幫你考埋試喎，定係你唔太清楚那個是重點呢？！

作者: DrHorse 時間: 2021-8-22 15:19

Both VIP 會員及普通會員 (to replace previous Patreon 頻道) 申請截止日期為 8 月 31 日，開季後恕不接受任何申請啦。

下期開始備忘馬系列。

作者: DrHorse 時間: 2021-8-22 21:55

閒來同大家講些幾攪笑的。。。

話說幾年前拍片和直播開始興起，不少馬評人也紛紛效法之際，當時的會員們也曾建議筆者玩直播。

「我又唔上鏡，把聲又唔好聽，又無女助手，拍乜鬼丫！」筆者回應道。

「你只要將個鏡頭對著你個 ewin 便可以。」

作者: DrHorse 時間: 2021-8-23 13:26

備忘馬系列 (1)

凡 3 歲仔初跑 1400 能壓倒一眾大哥哥跑近者，多數潛質豐厚，尤其能展示出追勢的更值憧憬。
筆者所想講的，正是丁廄的 E146 四季喜。

四季喜上季只跑過 2 次 1400。r712 初跑 C4 ST1400B 一役，不用多說，大家可以自己睇「馬會沿途走位評述」：

[attach]79409[/attach]

見頭 6 名中只有四季喜全程蝕走外疊。B 欄，懂嗎？好快地末段造 22.58 亦不差。

[attach]79410[/attach]

Then 再出 r794 C4 ST1400C，即惹來不少馬友追捧，唯，筆者當然無份。原因有二：

(1) 賽前課閘，& (2) 由 B 欄 8 檔變 C 欄 12 檔，你懂的。

結果呢？「馬會沿途走位評述」：自外檔出閘，墮居接近包尾位置。六百米處移出外疊。末段略為追前，未能威脅領先馬匹。（氣管內有痰。）

[youtube]TQoVfbHME2Q[/youtube]

見 12 檔 (藍白間彩衣) 全程近乎蝕盡又氣管有痰，好快地末段造 22.71 竟然是全場最快。

[attach]79411[/attach]

跑第 10 好呀唔起眼暑期獲減 2 分，最重要是下季仍在四班中磅起步，深信是馬房取分子彈。

作者: DrHorse 時間: 2021-8-23 17:49

閒來又同大家講下笑話。。。

每當同一班人講賽馬理論時，總會有一類別是：

「點度點計都係無用，最緊要有運。」「嗱，我幾時幾月幾日買錯都中呀。」

「嗯，你知唔知你幾時運到呢？」筆者問道。

「小注試試先，贏谷輸縮你唔係未聽過吧。」

「咁，自己幾時運到我真係唔識算，不過一加注就奶野就試得多。」

閣下又有無一加注就奶野的體驗呢？

作者: DrHorse 時間: 2021-8-24 14:24

備忘馬系列 (2)

就在上次提及過於 r794 C4 ST1400C 中全程近乎蝕盡的四季喜外，若然各位夠眼利，不難發現其外側仲有一匹同樣走蝕到阿媽都唔認得的，就是 14 檔賀廄 D118 福滿寶。

[youtube]TQoVfbHME2Q[/youtube]

福滿寶嘛早於 r739 C4 HV1200B，注意，B 欄，兜大圈後追不及 1 檔兼跟前的包裝長勝實在敗不足辱。

[attach]79412[/attach]

[youtube]1_xDwkvxye8[/youtube]

其後再出兩場非首本 ST1400 r794 如上述蝕盡，另一場季尾 r817 仍抽外檔兼遇快步速卻走去跟前直路墮退很正常丫，連輸兩場好好睇睇暑期獲減 3 分較其上季首仗即勝還更低。
觀其首本全屬 HV1200，暫只得 1 win 唔夠交差喎，季初報 HV1200 宜特別留意。

作者: DrHorse 時間: 2021-8-24 16:54

閒來又同大家吹吹水。。。

日前收到會友一個訊息，咁，版面係咪有點熟口熟面呢？

[attach]79413[/attach]

上季睇開蘋果馬經的馬友們，開鑼不妨買番份，睇下啱唔啱心水。

作者: DrHorse 時間: 2021-8-25 16:31

備忘馬系列 (3)

正如筆者常說凡事有兩面既然賽馬有賺績自然也會有蝕績。
大前題當然係你有時間睇同埋識點睇。
若然有時間睇但係唔識睇即係嘥時間識睇但係冇時間睇即係嘥料。

今次想講的，是全廄的 E190 旗幟輝煌。

呢匹自購馬都上二班了，應該都無乜備忘價值吧，不過筆者深信是馬房一匹大賽棋子，一來查其父母系長力均可攀至 2000，二來全廄高分 4 歲馬只得呢匹，理應會步署爭分跑打 o比。

賽績上遠的不說，在 r737 C2 ST1600C 中，星運子爵走 1 1 1 1 win，勝利威龍走 2 3 3 2 入 Q，飛輪閃耀走 3 2 2 4 梗頸。
只有旗幟輝煌走 6 6 6 3 能後追入三甲，尤其飛輪閃耀再出 r823 ST1600A 名次大倒退可見，旗幟輝煌的第 3 有一定水準。

[attach]79417[/attach]

離奇在跟手竟報跑谷草 1650 兼 11 檔仲要負頂磅上陣，如此惡劣條件理應大敗才正常。

[youtube]C6x90wnNHoA[/youtube]

見橙色彩衣全程既唔留又唔攝雲遊太虛那匹便是。直路睇咪以為佢無哂，終點前仲可以衝返近少少。

作者: DrHorse 時間: 2021-8-25 18:11

剛有網友提醒我，旗幟輝煌乃 4 歲北半球馬，打o比應該冇份 lu 喎。謝謝。

作者: DrHorse 時間: 2021-8-26 01:51

對賭搏略有研究的朋友們，相信都有聽過「期望值 Expected Value」

期望值呢個名詞嘛好似好專業換個簡單啲解釋會比較好就係抵唔抵賭？

先舉一個例子等大家容易啲明白我抽十隻啤牌出嚟入面有七隻公仔三隻唔係公仔同你玩個遊戲每次你畀十蚊就可以抽一隻抽中公仔連本帶利我畀返20蚊你如果抽唔中你就輸咗十蚊呢個玩法相信唔難明白小學生都應該識計每次抽中公仔機會係七成

如果你抽中公仔係一賠一咁一定抵賭啦. 當我平均嗱我講係平均玩十次贏七次輸三次總投注 100蚊總派彩 140蚊
但係如果係一賠 0.8 呢 ? 總投注仍然係100蚊總派彩126蚊睇落還可以
如果去到一賠0.6 呢 ? 總投注仍然係100蚊總派彩112蚊好勉強啦喎
一賠0.4呢 ? 總投注仍然係100蚊總派彩98蚊要輸錢.
即係話去到一賠0.4 期望值就係負數唔抵賭 .

然而馬場上仍有一大堆人利 EV 夾著 Kelly Criterion 凱利公式進行投注。
重點在於要能很準確地估算出每匹馬對應勝率和賠率。
但與抽啤牌不同賽馬賠率是浮動的。
換句話說臨場賠率浮動越大就越難獲利。
甚麼情況臨場賠率會浮動很大咪個個都在買一式一樣的組合唄。

所以公開或大量出售點很準確地估算出每匹馬對應勝率和賠率的方法就正在倒自己米。
就近季來看嘛已去到臨場四方八面大撕殺的局面。
唯一慶幸的是筆者不是玩 EV 呢套仍會有遇好分頭的機會。

作者: DrHorse 時間: 2021-8-26 13:51

備忘馬系列 (4)

身為馬主, 為旗下馬匹安排轉倉, 或多或少都係表示心急, 索性求變轉埋飯鑊, 尤其是季內轉倉類.
至於肯留待暑期始轉倉類, 說不定想留番少少面子俾舊主而已. 所以, 轉倉不失為一個正面訊號.

今次想講的，是原自文廄，轉左去容廄的 D010 帝豪精彩。

先來看看季內 r769 C5 HV1200C
好地分段造 23.54 22.42 23.95
馬會標準呢？ 23.80 23.10 23.45
Obvious 快到甩轆賽事。

[attach]79418[/attach]

考下大家，今場走乜野位的馬最蝕底？？
係囉，就係全程居中走 4W ，紅色彩衣藍眼罩嗰隻。

[youtube]slJDD81ciF8[/youtube]

喂，瑪神好運再出仍能上名，有苗頭又已經贏埋。

最鐘意就係佢季尾走去跑場 ST1400 快跟大敗，洗哂你腦嗰度好！

作者: DrHorse 時間: 2021-8-26 17:29

如果問筆者，備忘馬目標群係咪要逐場逐場逐隻逐隻咁睇去揾架，呵呵，即使話係你都唔好信。
年前筆者已經講過，年紀大喇，唔會有咁好精神逐場帶逐隻咁去睇，基本上靠兩招就夠食：

1. 3+1 Dimension。
2. 走蝕位仍近馬名單。

乜野係 3+1 Dimension？呵呵，這是不公開的秘技，暫未有打算倒自己米住。想知道全季備忘馬目標群，歡迎申請尚駿會普通會籍，只需 hk$40 一個賽日，就可以有一個睇帶超過 20年經驗的專業人仕為您服務，抵到爛。

至於「走蝕位仍近馬名單」就相對便宜，只需 hk$15 一個賽日就有。因為其中夾雜了一些 criteria 需自行過濾和篩選。例如，四季喜 B 欄 8 檔跑得好變 C 欄 12 檔會投注嗎？又例如帝豪精彩於 HV1200 跑得好後轉 ST1400 又會去投注嗎？

一匹「走蝕位仍近馬」再出會報甚麼路程，抽乜野檔位，唔係你同我話事耶。但只要確定了該馬匹的蝕績，跟進 1 -2 次馬房步署就可以食糊，捉得正好有滿足感㗎。

現已有不少馬友申請了尚駿會普通會籍或訂閱了下季的走蝕位仍近馬名單，欲免向隅呀，筆者嘛從無打算過要瘋狂咁賣野，識貨就有，蘇州過後冇艇搭，開季即停。

有興趣者可以 WhatsApp 至 65458808 或電郵至 info@drhorsehk.net 與謝小姐聯絡。

作者: DrHorse 時間: 2021-8-26 19:32

唔想花費的話，民間智慧也有很多高招揾目標群可供大家「抄」考。

先唔講奇門術數，例如有喜歡睇馬房報名表的，某某馬房係咪大手出擊？有冇報名星馬上陣搏起孖三元四喜；有無步署讓路？

或者會留意下操練表，有冇突然好積極或者頻頻做快功夫拍跳之類。

又例如可以專吼上仗大熱倒灶馬變冷。大幅落飛敗北馬，或者賽日跟紅頂白賭騎師亦可。

真係多不勝數。

筆者上季亦在 Patreon 教過幾式很實用絕招，大家可以搵下邊啲啱自己用，再多多磨練，必有所成。

作者: DrHorse 時間: 2021-8-27 15:59

備忘馬系列 (5)

較早前提及霍利時的兒子霍宏聲初來報到，做老豆點都要有接風馬掛。
今次想講的，是時廄的 C285 超趣。

先來看看季內 r832 C3 HV1800B
喂，又係 B 欄，你懂的。

[attach]79419[/attach]

[youtube]-C6ldH4tpwE[/youtube]

見 7 檔白帽白色彩衣，出閘且留想攝但被內側 12 緻寶駒頂住尚未算很糟糕，中段見慢有馬踩油佢仲力留包尾，轉彎被緻寶駒迫出最外疊入直路衝竟仍可冚過哂一大堆走中內疊對手。末段造 23.15 全場最快。全季既未交代減分亦過籠。剛見試大閘由霍宏聲操刀屬其來港第一匹，初段竟可快跟兩匹高 20 - 30 多分加州系快馬。熱身一場可要吼實。

[attach]79420[/attach]

作者: Ecdb2917 時間: 2021-8-27 22:33

大數據，Racing Matrix

暑假期間馬會只有法國及英國馬可以投注，馬狀態如何、往積如何我識個屁咩！
但係馬一樣照中，好簡單啫，只要跟DR 所教的方法，一樣好容易贏錢。
感謝DR多年的教導

[ 本帖最後由 Ecdb2917 於 2021-8-27 22:57 編輯 ]

作者: DrHorse 時間: 2021-8-28 17:10

引用:

原帖由 DrHorse 於 2021-8-3 00:43 發表

有舊會員問道，時間太耐唔係好記得我啲嘢點用。

Fine，開鑼前送免費面對面一次性補課 3 小時。名額只限五個，先報先得。

兩場補課完滿結束。新舊會員記得多 d 爬 post la。

作者: jordon1866 時間: 2021-8-28 23:20

引用:

原帖由 DrHorse 於 2021-8-28 17:10 發表

兩場補課完滿結束。

thanks dr.!

作者: DrHorse 時間: 2021-8-29 23:16

筆者在十多年前寫下的賽馬格言：「步速形勢主宰一切，時移勢逆好馬不敵。」

「好馬」代表甚麼？意謂當場很有實力的馬。

那麼，是否應該選很有實力的馬去投注嗎？

非也，而是應該選會先過終點的馬。

「你」很厲害嗎？倘若多讓「我」幾磅又多讓「我」幾個檔位那又如何？

作者: jordon1866 時間: 2021-8-30 13:18

引用:

原帖由 DrHorse 於 2021-8-3 00:37 發表

They are ready.

79381

昨天已成功領取並兌現, 謝謝dr.!!

新一季要繼續努力

[ 本帖最後由 jordon1866 於 2021-8-30 13:20 編輯 ]

作者: DrHorse 時間: 2021-8-30 15:40

據聞後天就有排位啦，看來很多馬友們已急不及待，分析定馬房形勢啦咁 ...

而筆者乃賽績派，仍會貫徹始終，季初半個至一個月係儲存時間，不會出擊。

會員們不用心急問我有乜好野，何不等跑了 1 - 2 個 rounds 後才謀定而動亦未為晚矣。

另外，在會員區內品題過的目標群記得自行 mark 低備「動」啦。

最後召集：Both VIP 會員及普通會員 (to replace previous Patreon 頻道) 申請截止日期為 8 月 31 日 (明天)，開季後恕不接受任何申請。

作者: DrHorse 時間: 2021-8-30 16:49

引用:

原帖由 DrHorse 於 2021-7-19 12:25 發表
返來講馬仔。上季所舉辦的 "高手集結" 比賽完滿結束。感謝各位支持和參與。

http://www.drhorsehk.net/bbs/vie ... &extra=page%3D1

以下 10 位各可獲得馬會現金券 $200

tony196 ...

尚未安排領獎者請盡快與市場部謝小姐聯系。

作者: DrHorse 時間: 2021-8-31 12:34

最後，送上去季 2021 July 份曾走蝕位馬名單作為 this summer 總結。
之前的備忘馬系列嘛都係喺呢個名單揀出嚟。(可能有已退役了的。)
至於仲有無其他好野，例如真正強績強蝕等等，就有待大家自己去發掘啦。

[attach]79429[/attach]

作者: DrHorse 時間: 2021-9-8 23:48

引用:

原帖由 DrHorse 於 2021-8-24 14:24 發表
備忘馬系列 (2)

就在上次提及過於 r794 C4 ST1400C 中全程近乎蝕盡的四季喜外，若然各位夠眼利，不難發現其外側仲有一匹同樣走蝕到阿媽都唔認得的，就是 14 檔賀廄 D118 福滿寶。

[youtube]TQoVfbHME2Q[/you ...

Super Crazy ... 嗝夜 18 倍畀你地打到得番 5 倍 ...

俾條路行下好喎 ...

歡迎光臨駿薈馬迷會 (http://www.drhorsehk.net/bbs/)