Board logo

標題: 2024 暑期隨心 talk [打印本頁]
作者: DrHorse    時間: 2024-7-16 00:40     標題: 2024 暑期隨心 talk

2024 暑期隨心 talk (1)

2023 - 2024 年度的馬季 眨下眼就完結 真是光陰似箭 日月如梭。

放暑假囉 十之八九所謂職業賭客也必然趁機鬆人外遊叉電 喂 平時週末週日 大時大節 已經無得放假忙到抽筋 仲做咩？！

前幾日 中左招 兩條線 今朝再 check 已變回一條線了 有望無事無幹能如期出發 為期一週 本月底返。

言歸正傳 見有網友回應說道：「有人明你講什麼 先有得回」

朋友認為筆者這種提供方式 背後「理論」可能在從前某月某日講過 但對於新手們初到貴境者 又鬼識你甚麼「大熱針對法」咩。

亦是道理 亦是道理 雖然 即使開埋馬名 例如 魅力一心 嗰次 贏左 都只係得兩三位馬友有留言。

總而言之「反應」 一定同「動力」掛鉤 現階段 又唔想去番 Patreon 那種運作模式 睇下後續發展 先算啦。。。
作者: DrHorse    時間: 2024-7-16 15:50

2024 暑期隨心 talk (2)

很多人都說 揀馬策略 不如 投注策略。

不妨來傾一個頗有趣比較：

你會願意主攻平均賠率為 2.5 但命中率有高達 85% 的馬或組合，還是平均賠率為 6 但命中率只有 45% 的馬或組合？

唓 咁梗係后者啦 有數得計 前者長賭 1 賠 2.125 而后者長賭 1 賠 2.7。 。。

然而 這並非事實！普遍馬友多數會偏向 前者。

原因？

前者嘛 感覺就係常常能中 方向肯定正確。

而后者呢 若然 連輸兩口 就已經會令到你產生懷疑和恐懼。下一口 你還敢繼續下注嗎？

筆者見過不少馬友 一連輸兩口 就震 下場都係買番熱門吧。。。跟手即爆！

要率先肯定自己方法 再肯定自己數據尤為關鍵 臨場搖風擺柳 好易跌到粉身碎骨罷了。

「大熱針對法」大熱必敗嗎那不一定 但筆者寧願搏有 6 倍的 天天得樂 而非 1.8 的 遙遙領先 囉。
作者: DrHorse    時間: 2024-7-17 16:07

2024 暑期隨心 talk (3)

揀冷門方法可謂五花八門 「大熱針對法」只係其中一種。

新來的不明白 何謂「大熱針對法」嗎？字面意思而已 沒有甚麼秘密 只要有與大熱門同日對過戰 亦只要有形勢 檔位 或 磅位逆轉 就有權偷你大熱門 WQ。

這個方法 當然要等 但相同馬匹再碰頭的機會何其多 每次賽事都會有機會 且變成下風的馬不明不白地仍會是熱門。

除此之外 九劍譜中還有「B 欄反 Cup」進階版更有「A 欄反 Cup」和「C 欄反 Cup」沒有公開 有興趣學 可以報讀筆者暑期課程。

也除此之外 有更多更具殺傷力招式 武林祕笈。七月底就截止報名 蘇州過後冇艇搭 lu。

[attach]92005[/attach]
作者: DrHorse    時間: 2024-7-18 15:07

2024 暑期隨心 talk (4)

普羅馬友暑期最期待 就係下季有乜銀行馬推介。而筆者過往挑選的 肯定不會向表面賽績如日中天 自然逢出必熱嗰啲埋手 卻會找一些在季尾跑得唔錯但又唔太起眼的「先頭部隊」暫定八月初去完旅行回來後先寫。

九劍譜中 所教的四式是甚麼？1.「大熱針對法」2. 「B 欄包廂馬」至於「反 Cup 馬」咪即係下次目標馬 有做賽後準備功夫咪有用 無咪無囉 。3. 「Key Pace 馬」一樣要係賽後揾定 有咪有 等運到咪無囉 筆者真係識啲 學左但唔願做的馬友們 錢真係唔會自動跌入你口袋架。

舉個例子：上季 r732 筆者 中正 魅力一心 數銀紙之餘 賽後一樣會做定功課。該場分段造出 13.19 21.38 23.15 24.44

fine 馬會標準分段呢？13.50 21.80 23.40 23.65

教過，可以衍生出甚麼？快 d 快 d 快 d 慢 d 明顯到爆是一場快步速場合。魅力一心 下次你愛！咁 有乜好野？？

now 喜勝威龍 再出入 8.5 倍 qin；荃程路通 再出接近 40 倍跑入三甲。難嗎？一啲都唔難 有做咪有 撓埋手唔做等運到咪無囉。

Hey 次次逐場查逐場對好麻煩喎 of course 可以有很 systematic 方法 不會公開講 有興趣學 可以報讀筆者暑期課程。

[attach]92009[/attach]

[attach]92008[/attach]
作者: DrHorse    時間: 2024-7-18 17:02

2024 暑期隨心 talk (5)

無呃你地丫 魅力一心 於 r784 再出時 咪提左大家改買 天時明駒 囉。

這就是 九劍譜中 所教的最後一式：「揀棄騎」然而 呢一式開始就要講求「功底」「棄騎」究竟有無爭勝實力？並非咪埋眼就舞得掂。

舉個例子：上季尾煞科日第五場 潘頓 騎過 1 嘉應勇士 和 4 初戀 A or B？喂 唔係賭大細 能給出合理分析先可以叫識。印象中 高手伯伯 好似叫人賭 1 嘉應勇士。。。又去左廁所 呵呵。。。

「基本功底」係要時間浸同鍊 唔係上兩三堂就可以登天 想做高手 俾啲時間同心機吧。

最後一提 本會將開放有限名額給舊會員回歸 有興趣可以私下聯絡我。

八月再見。

[attach]92010[/attach]

[attach]92011[/attach]
作者: DrHorse    時間: 2024-7-29 17:37

2024 暑期隨心 talk (6)

旅行係咪真係能夠充到電 定係進一步耗電 實在見仁見智 但 讓腦筋放鬆一下 效果肯定正面 過兩日就 1 號 要開工 lu。

講一講 暑期課程 暫只收到一個報名 本星期三晚 12:00 截止。值唔值得學很隨意 筆者也不會嘥口水引你或氹你的 大可放心 反正你將來贏錢又唔駛打賞我的 呵呵。

補充一點 若想以全新人身份申請入會 必須曾参加暑期課程 因為 開季後筆者百份之百唔得閒慢慢教你啲工具點用。

另外 舊會員回歸 亦同樣是 本星期三晚 12:00 截止。早早攪掂 早早準備 來迎接一個更不一樣和更多驚喜的新季度。
作者: DrHorse    時間: 2024-7-30 13:39

2024 暑期隨心 talk (7)

上季馬圈最大單新聞 首數 潘頓 獵寶勤 事件。相信九成以上馬友都認為係「拉馬」但 站在 職業賽馬投注者角度看呢？

咁 先釐清 職業賽馬投注者 的觀點：

1. 我地只在意點解投注該馬匹 和 投注了的馬匹點解輸 沒有投注的馬匹點解赢 同埋 有那些隱藏了「寶藏」至於其他對派彩無關痛癢的 都好少會嘥時間理。

2. 我地認可有「唔去馬」的情況 即係大眾所謂的「拉馬」咪當係合法打茅波罷了。

返過去看 r818 獵寶勤 一役。

最大對手 肯定係大熱門 3 還看今朝 沒錯了吧

1. 先看預計走位圖 且看看 還看今朝 和 獵寶勤 預估位置：留意今次跑 B 欄。

2. 再者 let's see 這 2 匹馬整體飛數變化如何？

還看今朝  3.3 > 3.3 > 2.6
獵寶勤 7.2 > 7.2 > 8.9

留意一點係 both 騎練先前均無贏馬。

fine 即係無論預估形勢和飛數 獵寶勤 都係輸左七八成 你仍買 跟住「唔去」誰問題？ 潘頓  問題？還是 蔡約翰 問題？還是你自己問題？？勿再思前想後甚麼甚麼要全力爭取最佳名次 這些都不是「真正的遊戲規則」

又係駛出「乾坤大挪移」的時候。。。
作者: DrHorse    時間: 2024-8-1 18:20

季初先鋒 EP1：超悅明駒 (G003)

煞科日第五場沙田 1200 A 開出 23.58 22.47 23.70 的段速

再看看馬會標準唄 23.85 22.45 23.10

可以衍生出甚麼？快 d 正常 慢 d 對不？明顯是一場偏快步速場合。

再看看最終賽果：陣上前置鬥燒的 嘉應勇士 和 鋒王 分列尾 2 和尾 3 大敗 反觀 同樣前置仍能入位的只有 超悅明駒。

超悅明駒 剛季尾三仗全跑入前四足証已 on form 且全季仍未交代輩 下季又已 7 歲 宜盡早部署交差。
作者: DrHorse    時間: 2024-8-4 14:00

季初先鋒 EP2：江南勇士 (H472)

回顧 7 月 10 日第三場快活谷 1650 B 開出 28.19 24.17 24.27 23.34 的段速

再看看馬會標準唄 27.95 23.90 24.25 23.95

今次又可以衍生出甚麼呢？慢 d 再慢 d 再慢 d 快 d 對不？明顯是一場慢步速場合。

再看看最終賽果：全場只有 逐步贏 和 江南勇士 能有明顯改變位置。雖然看似 逐步贏 末段較 江南勇士 更快 睇埋片就知係一內一外衝 后者走外疊蝕。

江南勇士 剛季只 3 歲 加眼罩後走勢大躍進 下季 C4 仍於輕磅起步著數到暈 同主馬 招財勝駒 過往亦放在呂廄 「零」win 退役 如今馬主仍十分支持 威哥 相信今季 2 - 3 win 可期。
作者: DrHorse    時間: 2024-8-5 23:40

季初先鋒 EP3：晨曦儷人 (J066)

回顧 7 月 4 日第四場快活谷 1200 A 開出 23.52 22.18 24.13 的段速

再看看馬會標準唄 23.65 22.75 23.45

舉一反三 今次又可以衍生出甚麼呢？快 d 再快 d 慢 d 對不？明顯是一場快步速場合。

再看看最終賽果：電路七號 上校 日頌月讚 鬥燒 結果包辦了包尾三重彩 獨 晨曦儷人 前置仍能捱入三甲。

值得留意係 晨曦儷人 季尾一役 無厘頭要揹 130 磅上陣 只 3 歲 初跑谷草 1200 抽 10 檔兼全程焗走 2 - 3w 雖快跟末段仍尤有餘勁 估計起碼有 C3 賽力 且八月初已安排進行快操 不容忽視。
作者: DrHorse    時間: 2024-8-9 13:53

季初先鋒 EP4：????

筆者曾經說過 崇尚授人以漁 自力更生 今次就俾個機會大家互動互動

回顧 7 月 1 日第八場沙田 1400 B 開出 13.42 21.92 23.67 22.84 的段速

又再看看馬會標準唄 13.55 21.75 23.35 23.45

懂了吧！快 d 慢 d 再慢 d 快 d 對不？明顯是一場偏慢步速場合。

明白了吧 為何煞科日賭 天天得樂 筆者仲記得當日 公仔箱 有人話 天天得樂 行圈縮耳 狀態麻麻 嘿。

好了 天天得樂 成功補中 那麼 啥是下一匹「寶藏」呢？歡迎留底你的選擇。
作者: StiffenGlacier    時間: 2024-8-9 17:54

一定掂, 對比納百川的話, 檔位較外, 加上全程2w相對較蝕, 直路上亦曾受阻, 有錯請指教
作者: DrHorse    時間: 2024-8-11 23:15

季初先鋒 EP5：????

正所謂 熟能生巧 唔係洗腦。。。你地睇下啲奧運運動員 啲姿態幾咁流暢 動作幾咁熟練 都係靠日練夜練耳。

咁多 武俠小說 傻小子 誤打誤撞 遇到絕世高手 一時三刻就將百年功力 傳授哂俾你 乜野努力鍛鍊通通唔駛 就可以一朝登頂咩。

呢啲就叫「洗腦」啦 將啲虛假的野不斷「灌輸」俾你 等你當真！

回顧完 7 月 1 日第八場沙田 1400 B 不如睇埋第九場 le 認真喲。

第九場同是沙田 1400 B 開出 13.35 21.94 23.68 23.03 的段速

同一個馬會標準：13.55 21.75 23.35 23.45

今次又衍生了甚麼？偏快定偏慢？啥又是下一匹「寶藏」呢？歡迎再留底你的選擇。
作者: DrHorse    時間: 2024-8-14 16:30

季初先鋒 EP6：勇威神駒 (G471)

回顧 6 月 26 日第四場快活谷 1200 C 開出 23.92 22.74 23.17 的段速

又再看看馬會標準唄 23.65 22.75 23.45

今次又衍生了甚麼？慢 d 一樣 快 d 對不？這又是怎樣的一場步速？

仲未識 唔緊要 見

精益大師 走 3-3-2 再出無影
勇眼光 走 6-6-3 再出入 Qin
良駒好友 走 2-2-4 再出又無影
連 馬有運 走 8-8-6 再出都可以上名

中間夾住追嗰匹淨番 勇威神駒

還記得 勇威神駒 當日賽後報告水蛇春咁長：

勇威神駒 (G471) 自外檔出閘後於早段在馬群之後切入。被查詢時，布文表示，他獲指示讓自外檔出閘的坐騎於早段留後競跑。他說，坐騎早段走勢令人滿意，但他自六百米處起對坐騎的動作有疑慮，尤其當坐騎出右腳時。他說，由於他持續對坐騎的動作有疑慮，因此在進入直路後不願全力催策坐騎，直至坐騎於接近二百五十米處時轉腳。他說，當坐騎取得平衡後，他隨即開始全力催策坐騎至終點。他又說，他覺得坐騎在他手足並用催策下交出強勁反應，因此沒有對坐騎用鞭。小組提醒布文，根據賽事規例第105條，他有責任就任何於賽事期間可能影響坐騎表現的情況於賽後即時向董事報告。練馬師沈集成確認所發出的指示，並確認布文於賽後即時表示對此駒於陣上的動作有疑慮。賽後立即接受獸醫檢查，並無發現任何明顯異常之處。小組決定「勇威神駒」必須試閘及格，並且通過必須包括額外診斷評估的獸醫檢驗後，才可再次出賽。

唉 唔去咪唔去囉。查上季初頭兩仗即部署交差 似係馬房先頭部隊 值得留意。
作者: DrHorse    時間: 2024-8-15 15:31

季初先鋒 EP7：星際快車 (J186)

回顧 6 月 23 日第 11 場沙田 1400 A 開出 13.03 21.54 23.24 24.05的段速

又再看看馬會標準唄 13.55 21.80 23.15 23.30

今次呢 又衍生了甚麼？快 d 再快 d 慢 d 再慢 d 對不？這又是怎樣的一場步速？

仲未識 唔緊要 見 頭 6 名馬匹走位分别是

球星 14-13-11-1
同樣美麗 6-7-6-2
大浪圖田 9-9-9-3
星際快車 1-1-1-4
巴閉仔 13-10-10-5
滿歡笑 12-14-12-6

有答案了吧！

星際快車 貴為 榮智健 大董馬 加上 蔡約翰 馬房 鬥志一定有 但賠率一定無 上季尾初試 1400 負 130 磅上陣初段受對手壓迫下入直路迅即可加速帶離馬群至最後 ~ 100 先斷表現十分正面

查馬會血統資料：
「星際快車」是北半球產的「摘星勇驥」子嗣，擁澳洲馬血統，在歐洲跑短途當然勝一籌，然而始終母線具長力，半兄贏至1700米，將來扳上1400米甚至一哩發展亦不意外。

估計 1400 甚至 1600 更佳可連場數糊 相信會是馬房新季度重要棋子之一。
作者: DrHorse    時間: 2024-8-18 16:34

示範做多了 理論上就會懂 除非 只用眼不用腦。。。之前的備忘馬 筆者全部皆用了相同模式做篩選 以下就多舉一場例子作為總結：

查 6 月 12 日第四場快活谷 1200 B 開出 24.02 22.90 23.24 的段速

再看看馬會標準唄 23.65 22.75 23.45

Obvious 慢 d 慢 d 再快 d 對不？

東來欣賞 1-1-1
旅遊高球 6-6-2
必先生 3-3-3
金匯昇昇 7-7-4
椒椒醒 8-8-5
喜駿之星 2-2-6

有留意價值馬匹自然是 旅遊高球 金匯昇昇 & 椒椒醒
旅遊高球 再出 13 倍跑第一
椒椒醒 再出 10 倍跑第一 與 金匯昇昇 串 Qin 派近 23 倍

至於
東來欣賞 再出 3.9 倍跑第五
必先生 再出 9.7 倍跑第九
喜駿之星 再出 14 倍跑第九

用唔用 悉隨尊便。簡簡單單每次找 2 - 3 匹 Wp 過下關 夠加餸了。
作者: DrHorse    時間: 2024-8-18 16:36

EP4 是 一定掂 沒錯。
作者: 紅山綠水    時間: 2024-8-29 23:27

EP5        龍之珍 和        堅闖
作者: DrHorse    時間: 2024-8-31 14:08     標題: 回復 18# 紅山綠水 的帖子

龍之珍 坦言 其今仗走勢是正面 不過太明顯 且看其出賽部署和血統估計 1600 或以上較合 筆者則會偏向等佢 1400 熱身一場後增程才有分頭。
至於 堅闖 再出重磅外檔仍能上名自然仍好 唯下季一樣次次重磅兼潘頓實熱 無乜留意價值
不如 再睇隻輸遠小小的。。。

[attach]92030[/attach]



歡迎光臨 駿薈馬迷會 (http://www.drhorsehk.net/bbs/) Powered by Discuz! 6.1.0