Board logo

標題: 有「緣」好馬 [打印本頁]
作者: Superboy    時間: 2015-10-11 09:48     標題: 有「緣」好馬

小弟在此開帖，各位師兄可分享有心得的馬匹互相討論。

昨天有一匹暑假記下的「你好馬」。

去季755場次末段追勢勁，該場馬匹有些已經三班中堅。

昨賽高柏新加程400米，以佢初來港已跑千四，練馬師應認定佢係中距離以上馬。今次初上千六，直路見馬仍未太規矩，但左右兩側馬拍上仍奮勇向前，只是走勢內閃，騎者未有大力催策。

北半球馬要俾時間，但上季一千末段兇悍，如成熟及加強操練後，一定可在三班勝出，宜家出多一兩次中距離，四班已快可有表現。

仍未具名氣，有跟進價值。

[ 本帖最後由 Superboy 於 2015-10-25 21:20 編輯 ]
作者: Superboy    時間: 2015-10-11 10:27

10月9日本來看至叻熊點跑，點知發現同組白玉至剛更吸引，亦高度獲柏寶重視。
作者: Superboy    時間: 2015-10-11 11:42

但凡星期六跑馬，大師傅週日必放假，但如仍見面，必須存記。

今天史卓豐到場獨操心有靈犀，上場走位大家不妨重看，週三睇下呢度班斧是否見效。
作者: 三寶    時間: 2015-10-13 05:10

支持師兄

作者: Superboy    時間: 2015-10-13 13:25

明晚第四場李易達出兩隻，兩隻對上一場表現不差。

翻查上季李廐有9場出馬兩隻，成績驕人，分別取五冠兩亞，其中一次包Q! 仲有一個有趣現象，贏的其中三埸大熱死火係徐廐馬。

明晚同場大熱好大機會係徐廐喜多屋，咁...

看完第三場孖寶飛有否啟示啦。
作者: 孫行者    時間: 2015-10-13 13:28

支持superboy兄!!!
作者: yuyu1522    時間: 2015-10-13 21:07

多謝superboy師兄分享
作者: 肥牛    時間: 2015-10-14 13:30

多謝super師兄，你招睇孖寶飛令我獲益良多
作者: Superboy    時間: 2015-10-14 20:26

孖寶落在6、7、10，冇李廐兩隻。
作者: Superboy    時間: 2015-10-15 16:01

分析賽績需時，分析賠率就要時間加細心。

昨晩有兩場可作例子分享。

第三場跑完，孖寶飛落在6、7和10號。如計及早一天晚上，昨天晚六時及最後，搭6號條孖寶飛走勢最好。而過關後，棵樹的WP係9.5，2.6 / 5.5， 2.6。好奇怪p冇過關，但W有重飛。霍廐第二埸已出撃，以呢D三缐馬房，一係唔去，一去必有馬配合。所以如再配合師兄們的分析，棵樹可入袋。

另第七場小子，呢隻一到埗就係名氣馬，但由潘頓輸了首仗不再沾手就開始有分頭，莫非係十號後遺症？
小子過關WP都有過關飛，最妙外借徒弟臨場票如雨下加上放頭，咁小子就安車平五路啦。

馬匹五、六倍而有過關飛，及後如回飛高於未過關前的賠率多非吉兆。

看飛好重要，馬去唔去有不同因素非表象可見，但真金白銀佢地就唔會亂放，胡亂跟風的老散另計。
作者: 三寶    時間: 2015-10-16 13:39     標題: 回復 10# Superboy 的帖子

呢d  真係要細心分析再加上時間

又上一堂  

謝謝謝
作者: Superboy    時間: 2015-10-16 21:20

一哥有冇3倍呢？

飛躍上次用了九牛二虎之力，今次俾佢做兔。

紅海個閘不及一哥，96分嫡愛要用力才過一哥，但一哥一鬆手即超越。

暫時泥仍以中前置型為佳。一哥一季前應早企穩三班，唔知何良搞乜？最後瘋狂勝後轉倉，莫非幕後被人標松柴？

一哥久休特佳。

周日重點考慮。
作者: Superboy    時間: 2015-10-18 20:30

W同孖寶的互動

WP過關飛大家都有多少心得。但我認為如加上孖寶走勢，可能更得心應手。

以前孖寶前後五分鐘大家已略知一二。但我覺仍未能發揮得太好。現在可考慮做兩份孖寶功課。

第一份做趨勢，即隔夜、即日開賽前、加上即埸，有些馬WP有過關，但孖寶趨勢冇咩下注，咁呢隻要小心。今日第四埸我見7和13都有WP過關，但一比較孖寶趨勢，神朗飛得，13又飛，直插7W。

今日用呢招中四、六、九場重心W。

而黃金五分鐘就幫我直插2場名駒W。

大家可多做呢D數據，加上賽前功課，應有不俗回報。
作者: 江仔    時間: 2015-10-18 21:21

謝分享
作者: Superboy    時間: 2015-10-19 08:33

唔阻人發達

昨天第四場威旺財正路約三百米開始約一百米途程在大寶庫側有空位，而精彩時機同佢平排，但田泰安選擇死跟大寶庫尾而不主動爭取最好位置，到時機已全速直衝，田才在大寶庫內側推策，看似無咩留手。但直路千鈞一發，三兩秒的決擇足以推反一切。雖然就算佢同時機爭也未必可勝，但時機臨尾排山倒海飛，以胡森馬房號召力計，可說係已目空一切。所以看直路真係幾有趣。翻看幾次就有自己的觀感，再看搏殺時搶位就一切盡在不言中。
作者: Superboy    時間: 2015-10-19 13:25

蔣小妹超有利

有缐訪問中感覺蔣小妹鬥心好強，眼神好有heart。希望一如師姐簡小姐啦，不過不是收場！

她騎超有利取位好，只是直路隻星爾頓如狼似虎壓埋嚟，小妹手力未必夠抽隻千二磅超有利在格哥兒間迫上，否則勝負難料。但經此一役，潘頓棄有利而取關係更佳之羅生，唔知仲有冇機會上有利，下仗配莫可勝了。
作者: 孫行者    時間: 2015-10-19 15:55

好有heart嘅分析,謝謝Superboy兄!
作者: 思琳    時間: 2015-10-19 23:51

引用:
原帖由 Superboy 於 2015-10-19 13:25 發表
蔣小妹超有利

有缐訪問中感覺蔣小妹鬥心好強，眼神好有heart。希望一如師姐簡小姐啦，不過不是收場！

她騎超有利取位好，只是直路隻星爾頓如狼似虎壓埋嚟，小妹手力未必夠抽隻千二磅超有利在格哥兒 ...
靚妹走位睇落幾精靈,不過後上馬始終多數要硬工,騎返中前置類型既馬,機會更好
作者: 平凡的投資    時間: 2015-10-20 00:08

我都覺得未滿師既見習生都係放頭或跟前會比較穩陣的，要後追一定要有經驗才可把握到發力時機，有d 馬衝程好短太早發力會無以為繼
作者: Superboy    時間: 2015-10-20 13:56

賽前預測係有趣的

尾場直震撼，排好位、又高分，但可能仲好分過一哥，因為也有三兩匹名氣馬拉扯，包括天合、喜喜寶、連利之星等。

直震撼104分，尾三隻蝕分，如以今場㡳分80分計，以104分的直震撼計係十二月底前唯一一場可報名又底分設於80分的賽事，如用爭分爭表現出國際賽，呢埸必搏殺。

去季已試谷閘，今季試一千面對不少直路高分專家表現不差，過終點後至收停前和廐友衝得最遠，韋大少又做最後試跑，如從練馬師和馬主角度，今次一定殺馬。以上季對賽對手，今場簡直係以大欺小，可上精英班面對二班中對手，仲留力，未必夠分跑十二月大賽了。
作者: 零壹零貳    時間: 2015-10-20 23:52

多謝師兄的分享
請教同埸只華美之友，3歲，5場4W，今埸機會如何。上埸改變跑法，后上勁，今場谷草C十6
作者: Superboy    時間: 2015-10-21 00:24

引用:
原帖由 零壹零貳 於 2015-10-20 23:52 發表
多謝師兄的分享
請教同埸只華美之友，3歲，5場4W，今埸機會如何。上埸改變跑法，后上勁，今場谷草C十6
韋達同華美關係好，成日幫佢贏馬。但馬初跑谷兼配今季褪色的霍勵賢。雖然113磅韋亦做不到，但韋同告東尼合作好，又同馬主關係好。華美尚未証明太多，而直震撼一定較華美高，馬主買的多高價馬。如買華美，不是買實力，因尚未証明太多，只是希望底出。但如嘗試從部署角度，直震撼揀呢場105-80不是胡亂來的，搏殺誠意一定較高。加上高廐亦是韋的不多支持者之一，重玩底出可能好快冇得騎大賽了。

純計賽績，直震撼今季初出，未有即季form，但加埋以上個人猜測，看不到捨直取華的誘因。
作者: 零壹零貳    時間: 2015-10-21 01:46

多謝師兄指教
作者: 伍伯    時間: 2015-10-21 15:16

多謝師兄分享了不少以孖寶選馬心得。
但如果孖寶趨勢去哂華美之友，應該照賭直震撼還是轉向華美呢？
作者: 伍伯    時間: 2015-10-21 15:50

還有寶貝王，師兄上次說徐雨石外借徒弟騎臨場票如雨下放頭讓神舟小子安車平五路，果然有見地。賽前我還以為是神舟小子用莫雷拉擔飛，外借徒弟寶貝王殺馬，跑完自然真相大白。今次降班1檔用大師父要還盅吧，師兄又點睇呢？
作者: Superboy    時間: 2015-10-21 15:56

引用:
原帖由 伍伯 於 2015-10-21 15:16 發表
多謝師兄分享了不少以孖寶選馬心得。
但如果孖寶趨勢去哂華美之友，應該照賭直震撼還是轉向華美呢？
以現在直的飛唔似樣，但可咁跟進：

先cap低第七口孖寶趨勢，到跑完第七場拿來看第七場頭一二名佢地尾關D錢放在那匹馬身上。

由於夜馬冇第九場，冇咗第八口孖寶以直做分析，咁做是比較安全做法。

有報導指高話直目標喺銀袋賽。聽咗就算，贏得嘅馬一定有錢到。
作者: 紅山綠水    時間: 2015-10-22 17:15

發現一隻郭能騎過今次換人騎的馬,上次出閘後至入直路D動作很古怪 唔知今次又會點3-1

[ 本帖最後由 紅山綠水 於 2015-10-22 18:22 編輯 ]
作者: Superboy    時間: 2015-10-22 22:44

丨
引用:
原帖由 Superboy 於 2015-10-21 15:56 發表


以現在直的飛唔似樣，但可咁跟進：

先cap低第七口孖寶趨勢，到跑完第七場拿來看第七場頭一二名佢地尾關D錢放在那匹馬身上。

由於夜馬冇第九場，冇咗第八口孖寶以直做分析，咁做是比較安全做法。

...
孖寶拖了1，7，10，希望中。
作者: Superboy    時間: 2015-10-22 23:16

做趨勢今日可直插一、七場W。
作者: Superboy    時間: 2015-10-23 11:06

引用:
原帖由 伍伯 於 2015-10-21 15:50 發表
還有寶貝王，師兄上次說徐雨石外借徒弟騎臨場票如雨下放頭讓神舟小子安車平五路，果然有見地。賽前我還以為是神舟小子用莫雷拉擔飛，外借徒弟寶貝王殺馬，跑完自然真相大白。今次降班1檔用大師父要還盅吧，師兄又點睇 ...
宜家講變了馬後炮。

以孖寶飛計，第二場1和10都勁，但如有抄WP的即日下午飛，10號由其係位置飛明顯較強，加上上埸尾段走勢勁，兩者取其一我要10號。
作者: Superboy    時間: 2015-10-25 21:17

史卓豐又輸多一仗，妙！

第七場隻錦繡河山表現真的未夠火候。一出閘跑了二百已經人人走最多三疊，佢可能飄出自行第四疊。跟住入內欄雲遊，直路中跟馬尾，你用贏男推騎姿勢作比較，而河山咁都可在其先到，雖然磅位有別，但落力程度差別更大。

幾時俾潘爺上馬殺敵呢？存記。
作者: Superboy    時間: 2015-10-25 21:36

今日一蚊也沒買電子鳯凰，但冇後悔。一隻認定可上二班，今次預計加六分，下次仲係55分，又未負重。今次廐主似收埋食，但Q就重飛。以後大把機會重插，但真係冇看錯，喺今次縮程唔下注，好快收割。
作者: DrHorse    時間: 2015-10-26 00:13

引用:
原帖由 Superboy 於 2015-10-25 21:36 發表
今日一蚊也沒買電子鳯凰，但冇後悔。一隻認定可上二班，今次預計加六分，下次仲係55分，又未負重。今次?主似收埋食，但Q就重飛。以後大把機會重插，但真係冇看錯，喺今次縮程唔下注，好快收割。
半力取勝 !!! 大把在手.
不過 5 百 5 蚊 Q 就真係超蝕 ...
作者: 平凡的投資    時間: 2015-10-26 15:49

下次可能會得返3倍左右了，生果報實會大事吹噓一返
作者: DrHorse    時間: 2015-10-26 22:24

引用:
原帖由 平凡的投資 於 2015-10-26 15:49 發表
下次可能會得返3倍左右了，生果報實會大事吹噓一返
下次我會忍手一次 because 飽食必先遠飈.
作者: Superboy    時間: 2015-11-1 23:00

搞乜，開賽前就down server，今日成交量少咗，冇得睇落飛點買，只能靠早段飛！

苗廐D p飛又一隻勝出，上次財到，今次龍城，可以存記。
作者: Superboy    時間: 2015-11-8 14:23

第五囗孖9/7
作者: Superboy    時間: 2015-11-8 18:31

輸了第五口，跟住修正第六口單棍中，可惜尾口重插俾吉祥殺頭，否則一注定江山。

吉祥，幾時還？
作者: Superboy    時間: 2015-11-10 23:30

有智者以上仗績係值大熱，但編場員放三丅次關。

以現時第五囗孖寶計，雖得五六萬，但大熱下射有智者竟有17倍。以飛數計係幾危。明天宜小心。一隻低班馬會否連吃兩次鴨仔？計馬係有實力，但跑馬唔係1+1=2咁簡單，尤其上次信心爆燈也肯熱食加大勝，小心為上。
作者: Superboy    時間: 2015-11-13 18:00

看完尾埸，若莫再上尊兄仍是大熱，宜家尊兄再勝也有賠率。

錦繡用陌生人不似，晉仔外借莫生上季勝的勇駒，但大師傅穩陣D。週三蕭氏大威力担飛，奇真再担一次又點話呀。尊兄千六績強，用人手換下位，隨時較上次更好分。

六場胡森隻小子用新手，若配韋就直插，留待下次吧。
作者: 伍伯    時間: 2015-11-13 19:10

師兄，電子鳯凰可追寶尾嗎？
作者: Superboy    時間: 2015-11-13 19:30

引用:
原帖由 伍伯 於 2015-11-13 19:10 發表
師兄，電子鳯凰可追寶尾嗎？
二班可勝不代表今次可連勝，我只能說有足夠實力，但要看馬房會否持續殺上去。但明天A十3，又排最外檔，買下水片無防，重注就要諗諗。同場小子同勇冠王都係有實力的。鳳凰無寶不落，食飽消化下冇壞。
作者: Superboy    時間: 2015-11-14 17:51

搞掂。千六韋哥，有六倍。
作者: DrHorse    時間: 2015-11-14 17:58

引用:
原帖由 Superboy 於 2015-11-14 17:51 發表
搞掂。千六韋哥，有六倍。
作者: Superboy    時間: 2015-11-15 09:24

電子鳳凰昨賽看飛數係冇心去，看走勢亦是。

不是跑第四咩？咁就要看上一仗勝出時及上季千六輸勇駒時騎師選擇的發力點。

上一仗又係排外檔，千四米騎師選擇在約尾六百米發力，上季千六排一檔，騎師轉正直路發力正常。但今次千六全程外檔，騎師選擇在尾八百至七百已發力，在彎位發力而馬有八百米衝力，記得大摩一年前話威爾頓可以做到。換句話即不易，所以我評電子今次係冇心去，發力早咗，乜當冼一冼，又唔會放好耐，睇下次係咪又配楊仔先。
作者: Superboy    時間: 2015-11-18 22:58

吹到啤一聲。
作者: Superboy    時間: 2015-11-19 08:40

柏寶上次做唔到磅，勝在煌今次可以親自上陣再勝了。

上仗勝出在四班段速雖不至極高，但在這一組夠了。週三旅英公爵和勁優秀選擇泥地，咁係咪不想和勝在煌對撼，我估係。好馬會也認為此場正路，跟班次可能編第二場。賽後柏寶親自操三課，誠意十足。
作者: Superboy    時間: 2015-11-28 18:13

明天心水三隻

包勝
隨心隨意
英才

講乜都係假，明天看賠率、馬房動靜，全疊打就好分了。
作者: michaelcc    時間: 2015-11-29 00:59

隨心隨意，英才我做膽架
作者: Superboy    時間: 2015-11-29 20:28

引用:
原帖由 michaelcc 於 2015-11-29 00:59 發表
隨心隨意，英才我做膽架
多謝師兄無私，一齊發盈喜。
作者: Superboy    時間: 2015-11-29 20:33

今日急急腳，跑法的隨意度值十分。

幾時排內檔用少少力都可取勝。

今日呢場老友潘要戴錶，柏寶好似夢遊外太空，本來冇點留意，見佢咁誇，翻看對上兩仗，又一隻記下。幾時同麒麟㯋分途出擊呀？喺就2串1，存記。
作者: Superboy    時間: 2015-11-29 20:50

帖一的你好馬，似仲係以戰養戰，但今日見直路尾二百米又係追下，但不似千六米的爆發力，莫非一路跑一路減分，目標可能係二千米。總之高柏新D功力都未似太勁，你好好等下好嗎？一笑。
作者: Superboy    時間: 2015-12-2 22:24

財神唔隔沙，下次排好位仲邊有馬夠佢跑。
作者: zeek    時間: 2015-12-4 20:20

引用:
原帖由 Superboy 於 2015-12-2 22:24 發表
財神唔隔沙，下次排好位仲邊有馬夠佢跑。
哩類馬要好小心,如果仍是鄭雨填我會買,一擺韋達田泰安之類就响警號。
作者: 伍伯    時間: 2015-12-18 17:12

師兄點睇愛駒電子鳳凰？縮回千四可以再起筷未呢？
你好馬同場再縮程，師兄說目標可能係二千米，唔似有計！
作者: Superboy    時間: 2015-12-19 00:05

引用:
原帖由 伍伯 於 2015-12-18 17:12 發表
師兄點睇愛駒電子鳳凰？縮回千四可以再起筷未呢？
你好馬同場再縮程，師兄說目標可能係二千米，唔似有計！
今場快馬快，電子在後可不怕塞車，雷神隻馬噸位唔夠重頂磅，電子交回田泰安操刀，閘都試埋，中段力留，今次雷神又大熱，咁有利環境也不去就浪費了，我覺得機會不俗。
作者: zeek    時間: 2015-12-19 07:49

電子直插wp啦
作者: Superboy    時間: 2015-12-21 22:23

呢排好忙，連刨馬時間亦不多。

今次唔係講馬，係分享下個人對賠率的看法。

一個馬房如去馬，一定會在同一個賽日內連環出撃。要在目標馬房有咗入W或Q的賽果後，在其餘場次看有否過關飛。

過關飛我一定睇W同P，根據我多年經驗累積，有W飛過關而P冇過關，該馬可跑出或上名機會不大。宜家競爭激烈，你係練馬師亦未敢肯定自己果隻必勝，所以位置係一個保本加保險的投注策略。所以看馬房過關飛，如前些場次有馬勝出，覆磅後WP都有過關係好現象，有W冇P過關要縮注甚至放棄。但一些中大型馬房一日可能有幾匹馬出擊，如首關勝出，次關斷了（或者有W過冇P過），到第三關再WP一齊有過關或只有P過關，此第三關就係好現象，即此關好大機會係佢地目標過關馬，未有因次關斷了（或其實係俾料馬主去過關而練馬師信心一般）。

大家可嘗試做些過關前後作對比，有P過關飛而冇W過關的表現比只有W過關的好。此可反映P在幕後投注的重要性。對小馬迷來看，十蚊位置分十五蚊得五蚊利潤，但對睇通局勢和實力的有心人係50%利潤，以佢地注碼，$15過$15已是125%純利，所以位置對一些人來說係好重要。

另外，我曾提及W在三至五倍左右，過關後而到開跑前W飛回太多至較過關前更好分係不太好，這反映只買即場飛的人太少，所以過關後的即場少人下注，以一匹有機會的馬倷不太合理，亦表示有人知道此馬的機會被其他因素比下去。

以上是小弟一些睇飛的心得，大家可用以參考未來賽事，看看是否在大多情況下用得着，
作者: Superboy    時間: 2015-12-21 22:45

如買單場，例如第二場，有時有幾匹馬同時WP都有過關飛，咁就要揾上一場孖寶飛幫手印証。看頭關勝出或跑入Q的馬下射尾關D錢，放在那些馬身上，如頭關係落信心飛勝出，佢地下射尾關的眼光都好準，有時直情包辦連贏。

如對此比較不太熟悉，可在一些賽事做些實例作參考，掌握了而選擇信心大的場次下注，派彩機會不低。但千萬不要一日胡亂照下注六、七次，否則個個都係李+x。

做的case多，你就知就算頭關點爆，佢地都會中孖寶，因佢地掌握會出現的資料係好全面，而小馬迷一定要掌握好技巧就間中落叠，機會不俗。
作者: Superboy    時間: 2015-12-27 22:00

韋達心不在馬，大家要醒覺。

一隻勇冠王，一隻經典帝國將韋十三心態表露無違。

勇冠王全程外叠不在話下，直路約三百五十米處準備攞條鞭出來，跟住收番，如有人講呢D係騎師所為，真無話說。

經典帝國上仗推前放頭，今次就力扣不前。不過呢隻睇飛似係不去，但韋達亦真的毫無爭勝意圖。

如真的等發練馬師牌，而用自己招牌繼續為他人作嫁衣裳，此君的馬買少D一定遠勝納入考慮範圍。其實只多了莫雷拉，巫斯義年纪更大也不會如此不濟吧。十三屆冠軍要在收山前還債？可能真係出得嚟行，預咗要還吧！
作者: Superboy    時間: 2015-12-27 22:15

紅海灣係直路冇位，一有位就標，可存記，睇下會否又回快活谷至殺馬。

相反，勢必跑係唔想望空，直路有二百米路程騎師好刻意把馬拉回直跟馬尾，而非在空位上前，贏馬係潘頓，盡在不言中了。

以上兩駒都唔收得耐。
作者: 平凡的投資    時間: 2016-1-1 18:57

方仔有馬贏,配合起孖即爆勢必跑 ,唔洗等幾耐
作者: Superboy    時間: 2016-1-3 10:23

搏韋達反彈，不如搏葉廐下一輪攻勢已展開。

元旦日琪麟頴只係敗在操練不足，是廐主以為咁已夠殺還是看低對手呢？本來想重插琪麟穎，奈何賠率太低，而且何廐有手影，而琪的操練上不太完整，所以選擇了買領驫，本以為最後一百米大勢已去，可惜琪後勁不繼，但下次再出如非跌磅，根本就在四班可目空一切。

育成群駒全程外叠，但直路潘只打4鞭，而且不是連環打，而最後兩鞭係看馬匹仲有冇反應，結果係「有」。呢隻分已減到很低，下次已可下注。

尾場小米周都有表現，買葉廐再開車係時候了！
作者: zeek    時間: 2016-1-3 12:26

小米州近了兩次，下次我一定走夾唔抖。

入錯行 唔浸返你兩三次就唔係簡蛇徒啦。
作者: 平凡的投資    時間: 2016-1-3 13:16

小米周有多少打矛波跑第3,水準仲要印證下先知好定差,因為以巫生咁多經驗騎馬,如果大超班估計唔洗跑到仲衰過見習生騎,下次出如成熱兇多吉少
作者: 伍伯    時間: 2016-1-3 14:25

樓主的說法有點看不懂啊：
「本來想重插琪麟穎，奈何賠率太低，而且何厩有手影，而琪的操練上不太完整.」
如果琪的操練上不太完整，又點解會想重插呢？
順道想請教下點看得出琪操練上不太完整。
另外如果琪賠率太低，那麼領驫賠率更低啊。
作者: Superboy    時間: 2016-1-3 16:18

引用:
原帖由 伍伯 於 2016-1-3 14:25 發表
樓主的說法有點看不懂啊：
「本來想重插琪麟穎，奈何賠率太低，而且何厩有手影，而琪的操練上不太完整.」
如果琪的操練上不太完整，又點解會想重插呢？
順道想請教下點看得出琪操練上不太完整。
...
「本來」是指琪麟穎上賽之後，因中距離只要稍有實力要贏不難，琪在上季已展現此能力，所以立心下場再出（即元旦日）就重插。但佢操練上以葉廄而言不太完整。咩叫不太完整？咁不是三言兩語、亦不是每匹馬千篇一律，請馬友自行多看多比較，自有自己一套分辨法則。

至於琪以今季尚未有績，而領驫加莫應較琪熱一至兩倍才合理，所以琪的賠率係不合理。講賠率，用「相對」值比「絕對」值更合理分析。
作者: Winter    時間: 2016-1-3 16:46

對, 賠率是以相對值來衡量, 不能只看數值去比較 !
加上每個馬迷中心中都有把尺....合理就是信自己
作者: Superboy    時間: 2016-1-3 17:23

買葉廄同小米周編在同一段不是指要開始買小米周，只係小米周係元旦日尾場，我順手寫埋而已。
作者: 伍伯    時間: 2016-1-3 20:44

明解。我對操練一竅不通，原來有咁多學問，只是自己看不懂而已。
領驫排13檔負頂磅熱至2倍好難講值唔值皆因現在只影贏一個鼻。
作者: Superboy    時間: 2016-1-3 22:08

引用:
原帖由 伍伯 於 2016-1-3 20:44 發表
明解。我對操練一竅不通，原來有咁多學問，只是自己看不懂而已。
領驫排13檔負頂磅熱至2倍好難講值唔值皆因現在只影贏一個鼻。
伍伯兄，領驫兩倍絕對唔值，只不過琪亦只兩倍多就更唔值。加上頭場何良有馬入Q，領驫WP皆有過關，咁買領驫係信幕後會去馬。

其實賽前做那類型分析各施各法，但最終要騎練肯去才有用。

琪操練最少有兩疑點，一是12月27日缺課、二是潘沒作最後試跑。咁係咪咁就當操練不完整呢？我對葉廐此今季未嘗多出賽而有此現象係令我不安。如果咁換來四、五倍又可接受，但佢竟大部分時間仲熱過領驫，咁就買唔過。結果係琪不是只輸鼻毛，而係以佢尾百五米開始應該係勝一馬位才對，但臨尾力弱，所以我認為係操練上仍未十足，我睇皮毛也認為如此，咁圈為內有識之士也必會知。但經此一役，琪的中距離能力又再次獲有力証明。
作者: DrHorse    時間: 2016-1-5 10:19

多謝 Superboy 師兄分享心得
作者: Superboy    時間: 2016-1-5 23:52

第五場東廐開心駿馬有金碧旺旺擔飛，明天有機再下一城。

呢場步速對開心有利，有意思今季谷草兩次放時間慢，能力未必強。
金碧上次追好似不差，但休息期較開心短一星期，而且此系冷好過熱，加上一檔，開心的步速可令佢處於被動。

同場未見有其他對手。開心上次雨賽內欄加程可一放到底，表現比金碧更出色。加上可領放或讓有意思慢放，自己享受慢歩速，轉彎加速可先到終點。

此馬上賽後操練充足，加上東韋配，希望繼尊兄後又再次㩗手入凱旋門啦。
作者: Superboy    時間: 2016-1-6 21:23

雷神停賽，兩大熱門鬥燒，服了。
作者: Superboy    時間: 2016-1-6 23:23

分析錯了，投注了，但真係幾眼寃。南非韋、田，加上好友潘鬥燒，原來南非勵後上殺晒，霍老條Q都食埋。有冇計得咁絕唔知，但兩大熱門以死梗手法去跑就跑緊已大家心中有數。
作者: Superboy    時間: 2016-1-10 10:06

303場次的寶城駿星是一個好教材，咩叫冇心去馬又不太顯眼，大家不妨翻看幾次全程，自有感受。呢D馬在四班已隨時可起筷。

昨天的彩利，有線已大力抨擊，看看吳生肯否在新正頭第二次個五班泥千六去馬啦。
作者: 伍伯    時間: 2016-1-20 16:14

師兄今次寶城駿星去唔去馬呢？
作者: Superboy    時間: 2016-1-26 00:08

鳳凰無寶不落，潘試閘，如不騎而換來六至八倍，今次就可下注了。如潘上三倍也可。今次個閘靚在直路初段一試有反應即收，容廐試閘馬從來不用看名次，越後越要留神。

錦繡河山也出，真的可來個痛快。季初三班輸俾咩對手，而家在四班頂磅也可，而且同場對手並沒有質新暗牌馬，機會樂觀。
作者: 平凡的投資    時間: 2016-1-28 11:55

引用:
原帖由 Superboy 於 2016-1-26 00:08 發表
鳳凰無寶不落，潘試閘，如不騎而換來六至八倍，今次就可下注了。如潘上三倍也可。今次個閘靚在直路初段一試有反應即收，容廐試閘馬從來不用看名次，越後越要留神。

錦繡河山也出，真的可來個痛快。季初三班 ...
剛好一口孖寶場合
作者: Superboy    時間: 2016-3-12 20:25

除非臨場飛數大走樣，否則森林值搏率遠高於莫的選擇。未出排位時以為莫會取森林，如是的必是三、兩倍獨贏。如今莫不取賠率竟如斯冷落。唯一憂慮係休息了個多月，但今次不去，四月也冇合適賽程。

莫近日似派餅期，好好又不是千八有好績支持，相反森林以一隻五班廿多分馬前次可以熱到1.8倍，而且前三段段速以千八米在四、五班有競爭力，明天賊船也值得一上，掃埋戰利品孖寶，看看可否一早收工。
作者: Superboy    時間: 2016-5-12 20:48

巫斯義有嘉福送別，馬圈始終還有點人情味。

咁湯仔終於都告別騎師生涯，方仔冇理由唔做個回報啩。

有隻馬今年湯仔騎好多次，有次仲以70分在三班輸短頭。

上次一減就3分，如出賽即贏會令評磅員難堪，咁不如在泥地再輸一仗，順便減多2分。下次出4班谷1650，6-10倍，家當都押下搵番幾季錢啦。

湯仔告別馬：皇者拍檔。
作者: SudokuTA    時間: 2016-5-12 23:03

祝佢好運！
作者: DrHorse    時間: 2016-5-12 23:38

變潘頓。
作者: 平凡的投資    時間: 2016-5-13 08:43

要睇方生有冇文家良咁大方整隻好野益湯仔，反而前副練間唔中都有得益下湯仔，可能中國人性格通常都有人情味念下舊

[ 本帖最後由 平凡的投資 於 2016-5-13 08:44 編輯 ]
作者: zeek    時間: 2016-5-14 13:35

引用:
原帖由 Superboy 於 2016-5-12 20:48 發表
巫斯義有嘉福送別，馬圈始終還有點人情味。

咁湯仔終於都告別騎師生涯，方仔冇理由唔做個回報啩。

有隻馬今年湯仔騎好多次，有次仲以70分在三班輸短頭。

上次一減就3分，如出賽即贏會令評磅員難堪，咁 ...
跑第二,輸半個身位,.,,,,
作者: poiuy    時間: 2016-5-14 13:37

作者: Superboy    時間: 2016-5-14 18:22

如有師兄買了皇者拍檔，恭喜，我今次冇買。

今天運氣欠了一點，買了條3串1，一蚊都冇得收！

第二場Q&PQ, 喜多屋拖你好馬，鑚之寶
第七埸WP歡樂小子
第8場Q&PQ, 勁嘉輝、人民武士、精算追擊

真係暈得一陣陣，雖然係@$10一注！
作者: 平凡的投資    時間: 2016-5-15 01:57

引用:
原帖由 Superboy 於 2016-5-14 18:22 發表
如有師兄買了皇者拍檔，恭喜，我今次冇買。

今天運氣欠了一點，買了條3串1，一蚊都冇得收！

第二場Q&Q, 喜多屋拖你好馬，鑚之寶
第七埸WP歡樂小子
第8場Q&Q, 勁嘉輝、人民武士、精算追擊

真係暈得 ...
我同你一樣小子唔爭氣,我一哥孖寶收少好多
作者: Superboy    時間: 2016-5-15 09:32

引用:
原帖由 平凡的投資 於 2016-5-15 01:57 發表

我同你一樣小子唔爭氣,我一哥孖寶收少好多
但最後孖寶飛走勢，搭旅遊好勁，但都係僅勝。
作者: Superboy    時間: 2016-5-15 10:29

蔣小妹上次騎忠心義氣表現出跑道智慧，未入彎前約三至五十米已移出二叠，轉彎中已並列放頭馬，輕鬆程度較其後三班同程馬輕鬆。根本長據三班，今次升班如續用小妺，磅位較上次更輕，而同場多馬搶放，如能排六、七檔以內，可像貝連利一樣連捷。
作者: Superboy    時間: 2016-5-15 11:28

還記得話史卓豐騎錦繡河山玩遊太空時已是季初三班65分，宜家已在4班52分。

上次即埸滂沱大雨，河山變化地一向欠佳，仲走最不利中內欄，能只輸幾個馬位已証明現評分具競爭力。剛週六葉廐馬已重現表現，河山臨門史親操三課，放頭馬有意思史也在4月中操過，但班底一定河山較高。星期三史再上，機會不下於人。
作者: yeos2013    時間: 2016-5-16 16:44

Thx c-hing
作者: Dickychan66881    時間: 2016-5-18 10:03

師兄，請教，有靈犀今次點睇，忠心義氣，吳長進騎，又點睇呢？
作者: Superboy    時間: 2016-5-18 17:45

引用:
原帖由 Dickychan66881 於 2016-5-18 10:03 發表
師兄，請教，有靈犀今次點睇，忠心義氣，吳長進騎，又點睇呢？
靈犀果場我寜取歐洲之星。忠心義氣用晉仔，買位置或Q膽較好。
作者: Dickychan66881    時間: 2016-5-18 20:41

Thank you 師兄



歡迎光臨 駿薈馬迷會 (http://www.drhorsehk.net/bbs/) Powered by Discuz! 6.1.0