Superboy

小弟在此開帖，各位師兄可分享有心得的馬匹互相討論。

昨天有一匹暑假記下的「你好馬」。

去季755場次末段追勢勁，該場馬匹有些已經三班中堅。

昨賽高柏新加程400米，以佢初來港已跑千四，練馬師應認定佢係中距離以上馬。今次初上千六，直路見馬仍未太規矩，但左右兩側馬拍上仍奮勇向前，只是走勢內閃，騎者未有大力催策。

北半球馬要俾時間，但上季一千末段兇悍，如成熟及加強操練後，一定可在三班勝出，宜家出多一兩次中距離，四班已快可有表現。

仍未具名氣，有跟進價值。

[ 本帖最後由 Superboy 於 2015-10-25 21:20 編輯 ]

Superboy

10月9日本來看至叻熊點跑，點知發現同組白玉至剛更吸引，亦高度獲柏寶重視。

Superboy

但凡星期六跑馬，大師傅週日必放假，但如仍見面，必須存記。

今天史卓豐到場獨操心有靈犀，上場走位大家不妨重看，週三睇下呢度班斧是否見效。

Superboy

明晚第四場李易達出兩隻，兩隻對上一場表現不差。

翻查上季李廐有9場出馬兩隻，成績驕人，分別取五冠兩亞，其中一次包Q! 仲有一個有趣現象，贏的其中三埸大熱死火係徐廐馬。

明晚同場大熱好大機會係徐廐喜多屋，咁...

看完第三場孖寶飛有否啟示啦。

Superboy

孖寶落在6、7、10，冇李廐兩隻。

Superboy

分析賽績需時，分析賠率就要時間加細心。

昨晩有兩場可作例子分享。

第三場跑完，孖寶飛落在6、7和10號。如計及早一天晚上，昨天晚六時及最後，搭6號條孖寶飛走勢最好。而過關後，棵樹的WP係9.5，2.6 / 5.5， 2.6。好奇怪p冇過關，但W有重飛。霍廐第二埸已出撃，以呢D三缐馬房，一係唔去，一去必有馬配合。所以如再配合師兄們的分析，棵樹可入袋。

另第七場小子，呢隻一到埗就係名氣馬，但由潘頓輸了首仗不再沾手就開始有分頭，莫非係十號後遺症？
小子過關WP都有過關飛，最妙外借徒弟臨場票如雨下加上放頭，咁小子就安車平五路啦。

馬匹五、六倍而有過關飛，及後如回飛高於未過關前的賠率多非吉兆。

看飛好重要，馬去唔去有不同因素非表象可見，但真金白銀佢地就唔會亂放，胡亂跟風的老散另計。

Superboy

一哥有冇3倍呢？

飛躍上次用了九牛二虎之力，今次俾佢做兔。

紅海個閘不及一哥，96分嫡愛要用力才過一哥，但一哥一鬆手即超越。

暫時泥仍以中前置型為佳。一哥一季前應早企穩三班，唔知何良搞乜？最後瘋狂勝後轉倉，莫非幕後被人標松柴？

一哥久休特佳。

周日重點考慮。

Superboy

W同孖寶的互動

WP過關飛大家都有多少心得。但我認為如加上孖寶走勢，可能更得心應手。

以前孖寶前後五分鐘大家已略知一二。但我覺仍未能發揮得太好。現在可考慮做兩份孖寶功課。

第一份做趨勢，即隔夜、即日開賽前、加上即埸，有些馬WP有過關，但孖寶趨勢冇咩下注，咁呢隻要小心。今日第四埸我見7和13都有WP過關，但一比較孖寶趨勢，神朗飛得，13又飛，直插7W。

今日用呢招中四、六、九場重心W。

而黃金五分鐘就幫我直插2場名駒W。

大家可多做呢D數據，加上賽前功課，應有不俗回報。

Superboy

唔阻人發達

昨天第四場威旺財正路約三百米開始約一百米途程在大寶庫側有空位，而精彩時機同佢平排，但田泰安選擇死跟大寶庫尾而不主動爭取最好位置，到時機已全速直衝，田才在大寶庫內側推策，看似無咩留手。但直路千鈞一發，三兩秒的決擇足以推反一切。雖然就算佢同時機爭也未必可勝，但時機臨尾排山倒海飛，以胡森馬房號召力計，可說係已目空一切。所以看直路真係幾有趣。翻看幾次就有自己的觀感，再看搏殺時搶位就一切盡在不言中。

Superboy

蔣小妹超有利

有缐訪問中感覺蔣小妹鬥心好強，眼神好有heart。希望一如師姐簡小姐啦，不過不是收場！

她騎超有利取位好，只是直路隻星爾頓如狼似虎壓埋嚟，小妹手力未必夠抽隻千二磅超有利在格哥兒間迫上，否則勝負難料。但經此一役，潘頓棄有利而取關係更佳之羅生，唔知仲有冇機會上有利，下仗配莫可勝了。