就好似我阿叔為例，有次佢見我又走位圖又報紙，又電腦咁賭馬，佢即刻話，JK，唔好咁浪費時間呀，賭馬賭到咁，你係迷傻左呀，唔係叫你唔好玩，而係賭馬靠運氣之麻，就算幾好實力，一陣個騎師拉一拉，咪又係倒錢落海，重同我講，賭少啲，俾多啲錢你老豆駛好過啦！佢又話賭馬唔通可以當你職業咩！我當時無答佢，我真係好想講，我真係步署緊當係職業喎，不過未學有所成前，我都唔會咁做住，我知我親友包括女友都覺得全職賭馬係一件不可接受既事，佢覺得好地地有份工人工又唔差，做乜要做賭徒，佢地既思想觀念係接受唔到既，所以我唔能夠話退休就退休，我要慢慢做啲成績出黎，最起碼都要令我邪神老豆同我女友可以接受到，至於其他人點諗我會由得佢。
[ 本帖最後由 jk888kk 於 2011-7-8 23:18 編輯 ]
