我對收費貼士之見解
小弟從來沒有買過貼士，但初初學賭馬，也經常跟坊間的心水貼士去買馬，有報紙有網上，一睇就睇左十年，仿佛已成習慣，但今次我不是想談這些貼士的命中率，
因為沒有一個準則---------將貼士做個結算咪得囉
我相信大部份人跟貼士，目的都是想贏錢，但能贏的又有幾多人？先講跟貼士的好處，當然就係唔使刨，就有機會收錢，有什麼比不勞而獲更吸引，但相反會刨的都會睇貼士，點解呢？主要係因為自己個套唔夠殺，要搵返d坊間馬神作參考，增強一下信心，此行為其實很易理解
咁壞處呢？勝負掌握在別人手上，你只能選擇貼士的來源，與及跟定唔跟，但永遠唔知點解贏，唔知點解輸，咁其實同買六合彩又有咩分別？當然若你跟到個長跟長中，買親都贏，恭喜你，運氣指數太好了，但又有幾多人咁好運呢？
可能你會話賭錢唔係講運，唔通講技術咩，咁我會問，你跟個個馬神，係知道佢好運，先跟嗎？那如果係賭技術，
你又點知佢技術好過你，貼士又是否可反映這一點----將對方貼士與自已貼士並列做個結算咪知囉，有幾艱難呀？唔使咁迷惘喎....
好啦，講到尾，最緊要中姐，我理得佢點解咩，有錢收就得啦........當然這是合理的，你跟得一定係見過佢中，唔中又點會去跟呢？但每次賽日都出tips,每個賽日都唔止俾一隻，中既時候有人歡呼叫勁，唔中既時候無人問津，咁你自己可能都有機會係馬神，只要每場都提供，而又每場有人跟，又不是全日抄粉的話，每日都會有人可贏錢，問題埋單邊個係真贏，無人知
----將對方貼士做個長期平均結算咪知囉，又有幾艱難呀？唔使咁迷迷惘惘惘喎....
總結，跟貼士無話啱定錯，一切都係你既注碼和時間去決定，但跟貼士前，可以問自己一個簡單問題:是不是贏之固然好，輸亦無所謂
以上係我對自己跟左十年貼士既見解，套用落買料其實一樣，分別只在於
一個是收費，一種是免費----收費免費亦作如是觀，所唔同既係收費方有責任作定期提供，馬經網站貼士看似免費，其實係由第3方(有廣告入息的傳媒)去支付...
