DrHorse

相傳練武之人, 皆未練點打先學捱打; 未練進攻先學防守.
練柔道者先學被撻, 學足球者先學控球 ...

咁學賭馬者呢 ? 未學揀膽先學點避免揀錯膽 --- 膽亡已可揻飛也 !

揀膽, 大家可能會基於條件 1,2,3,4 ....云云. 不過, 相反有邊類馬很容易受注目卻又死亡率極高 ?

讓我們來傾傾 ...

DrHorse

1. 馬匹在某路程敗北 (筆者所指是跑啱哂輸), 轉戰另一路程有出色表現後, 再回戰原先敗北路程, 卻竟成為熱門.

不是笑話. 剛剛禮拜日尾場才正正有一匹「傲男」.全世界都吹捧話上次 ST1600 點勁點勁, 點點快步速放至終點前僅僅被過, 點點匆出求補中云云. 隔晚竟成為 3.x 倍大熱門, 臨場仲要再倒水 ...

喂, 傲男 季內於 R452 場次跑 (80-105) 擴闊評分區域 ST1800 已証明慢放都捱唔到, 該役更是負 113 磅. 今只是跑回 (80-100) 正常評分區域, 卻負 120 磅. 有乜理據成為熱門先 ?!

筆者眼見有不少馬友將注碼投放於 傲男 身上, 包括認為賽績好的, 操練好的, 狀態對辦的, 出擊賠率吻合的, 臨場落飛的 ... babababa

而跑唔出的劈頭第一句往往係 : 蔡約翰 底出, 驌龍 去馬, 傲男 拉馬. 又或是 鴉雀無聲, 輸左就算.

若然點解輸唔理, 咁下次, 自不然又有另一匹「傲男」等緊大家.

DrHorse

2. 中了「移欄陷阱」. 馬匹在利內疊欄位形勢, 或在利放欄位形勢, 或在利追欄位形勢下勝出, 一轉欄位便可跑到無影又無蹤.

DrHorse

咁啱有現成好例子.「發達心聲」.

賽後筆者已聽見有提供了「發達心聲」的專業人仕說 :「點解衝都唔衝下 ?」. 而往往的首本解釋是 :「用左力, 未回氣.」
十二分抱歉, 筆者對於「用左力, 未回氣.」這種解釋的評價是 :「無稽 !」係「無從稽考.」完全是自我安慰.

看好「發達心聲」的, 就是正正中了「移欄陷阱」.

發達心聲 (J134) R547 勞愛德 沿欄居中間之後位置。跑過五百米處後移出外疊，走勢甚佳。直路上以佳勢上前。

就咁睇, 無乜問題. 「走勢甚佳。直路上以佳勢上前。」幾好丫. 重點係 : 上次跑 HV1800 C, 今次跑 HV1800 A. 上次早段 「沿欄居中間之後位置。」已賺了 C track 利內疊跑道形勢, 今轉跑 A track 賽前已 100% 睇死無 WQ.

唔識的, 咪話「用左力, 未回氣.」, 又或是 「食飽左, 追寶尾」去解釋. 咁下次, 自不然又有另一匹「發達心聲」等緊大家.

DrHorse

3. 於中距離途程負 126 磅或以下贏馬後, 再出戰同班中距離途程而負 130 磅或以上者.

轉載自 "無敵的馬神祕笈 Vol. 15" ...

對馬匹有認識的英國人和愛爾蘭人在這方面的一些看法, 極具參考價值. 傳統上,  英愛人士用石來作馬匹的重量單位, 一石等於 14 磅, 他們認為對於一匹幼馬而言,
九石是一個重要的指標, 若負磅超過九石, 馬匹就是負了超於負荷的磅位, 對馬匹的表現構成明顯的負面影響, 令馬兒的實力發揮大打折扣. 九石就是 126 磅,
負磅超過九石, 就是負磅在127磅或以上. 基於這些根據, 幼馬若負重在 127 磅或以上, 就是負磅太重了, 然而, 公眾馬迷普遍缺乏負磅太重影響表現這概念.

事實上, 一些 4 歲甚至 5 歲較年長馬同樣經不起這個關口. 根據經驗所得, 126 磅是一條標準線, 在這負磅下此重量對馬匹競跑的影響應該是最低的.
引伸至 128 磅稱之為保險線,當同班負 126 磅或以下贏馬後加至負 130 磅或以上時經常熱倒. 這個情況不是偶然, 而是經常. 1000 至 1200 短途程還好,
但一上 1400 或以上途程影響便更覺明顯, 莫說是連捷或入連贏位, 就算能入位的也不多. 反之若能克服, 升班短期內定能再捷.

DrHorse

幾快就有現成好例子. 「非常好」.

還有同樣是熱門的 「光宗耀祖」, 賽前已提醒了會員 - 有 馬上得勝 的前科, 光宗耀祖 一加至 130 便要小心衝唔起 ..... 再整多個「移欄陷阱」你嘆, 即刻失埋蹤.

DrHorse

「傲男」嘛, 縮番落一哩即刻贏半條街啦. see ...

臨門打到「傲男」落 2.x 倍的才是有識之仕.

DrHorse

風水佬才呃你十年八年. 幾快又有例子 「喜勁駒」是也.

DrHorse

4. 3 歲馬排中外檔後上如飛, 轉抽內檔跟前跑卻變成軟腳蟹.

很多仍年幼 3 歲馬尚未學懂留力, 在排中外檔時或可因應形勢而留居於後列競跑, 直路可一鼓作氣地追前, 但反而一轉抽內檔自然相對跟前了跑用哂力, 直路一滴都無. 不過, 這堆幼馬在下季踏入 4 歲時更催成熟, 便可大放異彩. 現在, 則好可能係毒藥.

DrHorse

幾快就有現成好例子. 「喜勝多」.

早已通水給會員 :「 喜勝多 小心係 : 3 歲馬排中外檔後上如飛, 轉抽內檔跟前跑卻變成軟腳蟹.」

而「紅衣神仙」, 更是未贏馬, 再出戰同班中距離途程而負 130 磅或以上者.

誰造就一條千九蚊 Q ? 咪普羅馬迷囉 ...