講開又講 聞說坊間都有中左先收費的商品 不過條件係場場提供 只要中到 3 場 仲要 4 匹互串且不計賠彩率 就要俾 $300。唓, 是旦揾份報紙照抄都得啦, $10 ~ $11 有相同效果, 網上更大把免費。
另外有些中左先計抽佣 都係先收費先打你三十大板 仲要硬性要求買 $100 注 仲要硬性要求你中左推哂落下一關 咁佢份佣先夠和味嘛。賭大啲的風險？梗係貴客自理。
N + N 年前 筆者也碰上一個「例子」先收你一筆 $ 代投注 收某個 % 行政費 贏左再抽佣。更狠辣之處係 比方你付了 $5,000 佢遊說你同意槓桿 4 倍, 即當 $20,000 本去賭 表面上咪可以贏多啲囉 輸也自然輸快啲 然而 呢個唔係重點 抽佣抽多啲就梗架啦 竟然收某個 % 行政費時係用 $20,000 去計而並非 $5,000。
近代 也有不少 sell 代投注 包裝成甚麽祕書服務 唔使驚唔記得買㗎 瞓醒就會有錢收架啦。手法很簡單 例如收了 10 個客 只需買一條飛 send 哂俾 10 個客交差, 輸左咪賺九份錢囉。一個唔好彩中左呢？唔俾你提款 成季流流長 直至輸番凸先放你走唄。
