DrHorse

普羅馬迷埋單計數十居七八輸錢離場, 未知自己知否問題所在 ?

1. 財神爺不在左右, 手風欠順, 運氣欠佳.
2. 騎練古惑, 冷爆熱倒, 拉馬造馬, 我買邊隻佢拉邊隻.
3. 大戶幕後玩哂, 我等升斗小民, 只有任人宰割.
4. 賭錢不是贏便是輸, 今次唔贏下次贏.
5. 無時間刨馬, 只有跟報章評馬人或坊間貼士投注, 佢贏我贏, 佢輸我輸.
6. 迷信自己那套是天下無敵, 不反醒, 不改善, 不思進取.
7. 本身就唔識刨馬度馬, 賭馬只為 "N" 種不同原因, 如打發時間, 社交需要, 興趣娛樂, 多年習慣 .... etc ...
8. 無策略, 無計算, 無節制, 想賭就賭, 胡亂加注, 荷包有幾多賭幾多.

暫時只諗到咁多, 仲有無補充 ?

坦白說, 我不可能阻撓大家不同的想法, 大家只需要知道的是 : 「你想從賽馬中得到一個怎樣的結果」罷了. 如果你的答案是 :「贏錢固然是好, 輸錢也不會介意」. 那我會衷心多謝你, 多謝你成為維持賽馬事業的一份子, 通過賽馬事業, 香港不少慈善團體, 醫院診所學校等得以繼續經營, 市民繼續受惠. 如果你的答案是 :「我當然想贏錢, 但我甚麼也不會做, 只打算守株待兔」. 那我只可以告訴你, 世上還真有多少份免費午餐等你去享用. 賽馬搏彩本是弱肉強食, 互相撕殺, 適者生存, 帶策略性的技擊玩意, 你還固步自封, 一成不變, 那還有誰會對你客氣 !