綠茵公子

公子賽後觀 - 5章

在剛過去11月21日的大賽事中，本公子也看好馬王「步步友」能再下一乘摘下一哩錦標，可惜事與願違，賽後亦自然一地眼鏡碎也。 對步步友加莫雷拉這個遠征失敗組合，本公子給予四個大字『痛心疾首』!  既然有朋友問及「步步友」，本公子亦只能試回看「步步友」的跑法和走勢為何會連Ｑ都輸埋。

賽前計，「步步友」同程多次能輕勝此組對手，如果話「步步友」不穩實有欠理據，只能看陣上發揮而已。

今場分段時間以馬會標準計可算入偏慢，尤其轉彎一段慢 0.5 秒，對前置馬回了氣下有莫大優勢，再看「美麗之星」順放能反先「詠彩繽紛」更可見一斑，相對「步步友」全程居馬群較後方自然是極為不利。 若以過去「步步友」的爭勝跑法作為藍本，莫雷拉轉彎時理應將「步步友」從「大印銀紙」後移出外疊一鼓作氣地衝刺，又或是在內疊略為上前圖縮短與前置馬的距離，但今場似乎並沒有這樣做。

雖然如此，「步步友」末段仍有足夠空間衝刺而一度似能追越「詠彩繽紛」，但終點前衝勢減弱被反先才輸 Q。本公子認為，「雷神」發揮上有疑點其一，狀態是否已達至巔峰其二，可能今場留以有待至國際賽日吧，希望到時能再見証皇者回歸。




圖片及影片來源轉載自香港賽馬會 HKJC

michaelcc

分析得好,步步友跑幾次沙田1600走位都是5,5,5,1/5,4,4,1/5,5,5,1............今次馬少又留到咁後,似留力多D

瘋瘋哥哥

我又想問下公子點解隻大衆良駒可爆得出?
有冇手影可睇到先?

jk888kk

R181場，一隻擺開前面跑既馬漏閘而末段竟然可以追返咁多，雖然步速係偏快，但泥地普偏不太利追，但都追到咁多，明顯泥地性能唔會太差，且望下佢同頭馬同聖譯善距離，完全無拉開到添！所以大眾良駒再出99倍實在太超值，而引伸落黎，威先生係蝕步速既，而聖譯善同樣依場追得唔差，所以昨晚場谷草一千步速較快下再包Q添！

[ 本帖最後由 jk888kk 於 2015-12-11 19:54 編輯 ]

michaelcc

Ecdb2917

引用:

原帖由 jk888kk 於 2015-12-11 19:49 發表
R181場，一隻擺開前面跑既馬漏閘而末段竟然可以追返咁多，雖然步速係偏快，但泥地普偏不太利追，但都追到咁多，明顯泥地性能唔會太差，且望下佢同頭馬同聖譯善距離，完全無拉開到添！所以大眾良駒再出99倍實在太超值 ...

大師兄即係大師兄，好嘢