日前有位朋友去公司請筆者 high tea, 席間他說, 最近跟飛揀馬膽經常摸錯隔離, 甚感困惑。
喜歡「跟飛走」者不外乎幾類:
1. 賽前冇乜點準備, 無論任何原因。
2. 深信大戶落飛就係指路明燈。
這也難怪 因為好多馬友都係咁。冇時間刨 唔識刨 唔想刨的 多不勝數 賣睇飛程式的自然不斷吹噓其系統點堅點勁。
無他 有乜風吹草動 全部 show 哂你睇而已。仲有 10 mins 就 1,2 落 仲有 5 mins 就 3,4 落 仲有 1 mins 就 5,6 落 左圖就話 7,8 有飛, 右圖就話 9,10 有飛. 11 有隔晚早餐飛. 12 有流星飛. 跑邊隻都可以話系統厲害.
雖說賠率與賽果有莫大關聯 但請細心看看 真的場場派彩也被打至嚴重乏味嗎?當然不是 只是 普羅馬迷們 均殘留著被劫的回憶而已 落飛贏很多 落飛輸也肯定不少, 所謂「大戶」變點心 唔係未見過 亦肯定唔少.
冇時間準備只能跟飛玩 毫無疑問係一個選擇 但係就唔好抱太大期望囉